Fangoria

2011-05-06T11:48:00.001Z

ég á ennþá blogg. merkilegt!

jólahvað?

2009-12-12T10:36:00.002Z

almáttugur það eru að koma jól.
Jólahrun Hugleiks verður sýnt á Eyjaslóðinni annað kvöld og mánudags, þar verða 3 leikþættir og allnokkur söngatriði fram borin til að létta fólki lund og stytta stundir. ég ætla að syngja við annan mann og eina konu. láta eins og bjáni þess á milli.
það má gera ráð fyrir að verði gaman. að auki verður hægt að maula mandarínur og piparkökur félaginu til styrktar.
gagnist vel.
nann-c

2009-06-21T23:17:00.001Z

sumarfrí eftir 10 daga.

hef hug á að endurræsa bloggritann í mér fljótlega.

2009-05-11T19:37:00.002Z

frumsýning á föstudag!

uppselt á frumsýningu, panti nú hver sem betur getur á næstu sýningar...

2009-04-07T19:54:00.002Z

við hjónin erum í langþráðu fríi um páskana. við ætlum að gera nákvæmlega það sem okkur dettur í hug þegar okkur dettur það í hug. líklega verðum við mest heimavið og skellum í vöfflur og pönnukökur langi einhverja að líta við í kaffi. spilakvöld eru á dagskrá, rauðvín og rólegheit. verði úlfhildur komin í lag af kvefinu verðum við á sundlaugarúnti einhverja daga, vorum jafnvel að hugsa um að bregða okkur í vatnaveröldina í keflavík einhvern daginn.
hver vill og vill?

2009-03-21T10:25:00.003Z

það er alveg að koma vor

og tími jarðarfara yfirstaðinn í bili. vonandi verður langt þangað til ég þarf í þær fleiri.

2009-02-06T20:41:00.001Z

hananú?

Numerology for Nanna for 2/6/2009

In Your Public Life...

Words that embody your presence are "Champagne, Gazelle, Language, Passage".

Words that embody the people or things that you interact with are "Brother, Concubine, Fantasy, Pyramid, Republic, Symbol, Triangle, Tunnel, Velvet, Warning".

Words that embody people or things in your periphery are "Entertainment".

In Your Spiritual Life...

Words that embody the people or things that you interact with are "Juxtaposition".

Words that embody things that may be a part of you are "Angel, Art, Candle, Compliance, Crimson, Darkness, Future, Gangster, Greed, Liberty, Mate, Mirror, Pagan, Phoenix, Prison, Rat, Sable, Spirit, Tattoo, Theory, Warlord".

Words that embody people or things in your periphery are "Clone, Contract, Danger, Destruction, Enigma, Freemasonry, Garden, Green, Harmony, Healer, Indulgence, Judgment, Laugh, Lord, Pattern, Pledge, Poem, Puppet, Speed, Terror, Thirst, Unicorn, Uranus, Whale".

það er einmitt það

2009-01-27T14:21:00.002Z

mér líður einhvernvegin svona akkúrat núna.

2009-01-23T18:35:00.002Z

það er greinilega ekki hollt að vera formaður stjórnmálaflokks á íslandi.
9 maí hljómar ágætlega sem kosningadagur í mínum huga. það gefst tími fyrir öll þessi nýju öfl sem eru að vinna að nýrri stjórnarskrá og breytingum á grundvallagerð samfélagsins að koma sínum málefnum og markmiðum í framkvæmanlegt form. ef það verður kosið á morgun verða nefnilega engar breytingar á neinu. það er engin tilviljun að vg vilja kjósa strax . ef breytingar eiga að verða á flokkakerfinu og á þingi þarf fólk að vanda sig við framsetningu nýrra valkosta.
í síðustu alþingiskosningum stóð enginn fýsilegur kostur til boða í mínum huga þar sem flokkakerfið hefur löngu gengið sér til húðar. ég vil geta kosið einstaklinga, ekki hópa. ég bind vonir við aðila úr neyðarstjórn kvenna og einstaklinga sem hafa verið skipuleggjendur búsáhaldabyltingarinnar. mér finnst það að garga kosningar strax vera skýr krafa um að sama úrelta flokkakerfið og draslið haldi áfram. því það breytist ekkert nema hausarnir ef við kjósum núna.

2009-01-21T17:44:00.003Z

þetta er einkar athyglivert. samkvæmt þessu ætti að vera hægt að stinga fjármálaráðherra inn fyrir vanrækslu í starfi. það er einnig ljóst að umsókn um aðild að evrópusambandinu varðar allt að tveggja ára fangelsisvist.

ég hlakka til að sjá uppkastið að nýju stjórnarskránni sem er í smíðum á kaffihúsum víðs vegar um borgina og á snjáldurskinnu. svo hlakka ég til að sjá hverjir ætla að skipa neyðarstjórnina. hvernig verður þjóðaratkvæðagreiðslunni um hana háttað?
ég óska áhugafólki um bætta hrynvitund góðrar skemmtunar á austurvelli. alltaf gaman að stompa.

p.s. einhverjir efuðust um tilvist hugtaksins "flísbylting". nú hefur þessi nafngiftaróhroði meira að segja borist út fyrir landsteinana. má maður þá biðja um íslensku ullina en ekki innflutt plastefni sem enginn hefur efni á að kaupa lengur. lopabylting er miklu mun kúlli.

2009-01-20T19:52:00.002Z

það er bara byltingin. mér þætti persónulega voða gott að fá lagðar fram skipulagðar lausnir á vandamálum heimsins áður en alþingishúsið verður rýmt, hverjir ætla að vera hvar, stjórna hverju og leysa úr hvers vandamálum. það er vissulega komið nóg af stjórnarfarslegu bulli, en hvað er fólk að bjóða upp á í staðin? og hvaða fólk? ekki vil ég losna við jóhönnu sigurðardóttur út af þingi eins og staðan er í dag. hiklaust ætti að vera búið að setja seðlabankastjóra í gapastokkinn þar sem hann er aðhlátursefni um allan heim, en ég sé ekki hvaða akkur er í því að henda þinginu út strax á morgun. það þarf að setja í nefndir, ráð og stöður og vinna alla pappírsvinnuna til þess að hægt sé að gera eitthvað af viti. er þetta besti tíminn til þess? kosningar í haust takk, ég auglýsi eftir fólki með raunhæfar lausnir. egg og tómatar eru bara ekki nóg.

2009-01-12T15:06:00.002Z

veikindi á heimilinu enn eina ferðina. botlangalausi maðurinn tók upp einhverja skrattans æludrullu sem litli grís var með í síðustu viku. ég tók laugardagskvöldið í þetta og foreldrarnir sem fóru heim í gær liggja bæði. gríshildur var með hita í morgun og ég hef því hangið heima við enn einn daginn.
geðslegt.
gleðifréttir vikunnar eru þær að svandís er flutt í temmilega heimsóknarfjarlægð. húrra!

2009-01-01T16:22:00.003Z

gleðilegt nýtt ár!

jg er uppskorinn og á batavegi, restin af fjölskyldunni temmilega hress og tilbúin að takast á við nýtt ár.

2008-12-31T02:05:00.002Z

aumingja jg var rúllað inn í skurðaðgerð áðan, fyrsta ágiskun lækna var að hann væri með gallsteina en álit breyttist og botnlangabólga talin líklegri. ég bíð spennt eftir símtali frá lækninum. hann fær vonandi að fara heim á morgun til að fagna áramótum. við ákváðum að hafa þetta táknrænan skurð, út með það slæma og inn með það góða fyrir nýjárið. uppsafnaðri kreppustreitu og öðrum ófögnuði skal hent með botnlangagarminum. einn, tveir og trix!

2008-12-25T22:39:00.003Z

Gleðileg jól kæru vinir.

við óskum ykkur öllum farsældar á komandi ári og þökkum fyrir samverustundirnar á árinu sem er að líða.
hittumst heil á nýju ári.

2008-12-09T17:54:00.001Z

það er jólalegt í húsinu okkar. ég elska mömmu mína!

2008-11-30T21:47:00.002Z

ég vil heilsu til handa barninu mínu. takk. er einhver til í að finna lækningu við kvefi snöggvast?
ég hlakka til að sjá evu bera davíð út úr seðlabankanum á morgun. aukakúlstig fyrir að halda á honum út í skrifborðsstólnum...

2008-11-23T20:23:00.003Z

ég skemmti mér hið prýðilegasta á leiklistarnámsskeiði þessa dagana og reyni þess á milli að beita hugarorkunni til að draga úr horstreyminu úr nösum dóttur minnar. það er búið að taka úr henni nefkirtlana og setja rör í eyrun en hún virðist framleiða yfirgengilegt magn af vökva. ekki man ég til þess að hafa verið kvefuð vikum þegar ég var barn. nú virðist það algengara en ekki að litlir krakkar séu veikir svo mánuðum skipti, endalaust með í eyrum, hálsi, nösum og lungum. hvernig stendur eiginlega á þessu? nú hélt ég að við byggjum við nokkuð gott andrúmsloft, ekki er mikil mengun alla jafna, ekki er hún að drukkna í ryki, engin gæludýr á heimilinu. "sum börn eru bara veik fyrstu árin, svo jafna þau sig" er sagt við mann af heilbrigðisstarfsfólki eins og það sé þá bara ekkert eðlilegra. það hlýtur að vera einhver ástæða fyrir því andskotinn hafi það. fyrir utan það að kerfið býður ekki upp á að barnið manns sé veikt lengur en tíu daga á ári.
ég á semsagt barn sem er búið að vera veikt meira og minna síðasta árið. það er ekkert alvarlegt. (og ég þakka auðvitað guði fyrir það) það er bara með ferlega slæmt kvef. endalaust. hún er alveg merkilega þolgóð yfir þessu öllu saman en þetta er alveg að gera mig brjálaða, svo ég tali nú ekki um launalausa þar sem ég er löngu búin með veikindadagana mína. það er nú líka svo ljómandi í þessu þjóðfélagsástandi.
þetta var pirringur vikunnar.

2008-11-16T20:54:00.002Z

þetta er væntanlega allt að koma...?

2008-11-12T05:25:00.004Z

ég mótmæli harðlega heitinu "flísbylting". flís er c.a 100% gerfiefni svo mér þykir það einhvern vegin óviðeigandi í þessu samhengi,, ég sé fyrir mér eftirmælin nokkrum áratugum seinna þegar gervigóðærið sem endaði í kreppu var leyst með gerfiefnabyltingunni...svei bara. heldur langar mig að taka þátt í lopabyltingunni. íslenska ullin hefur hlýjað okkur gegnum aldirnar, endist vel, er falleg og má brúka til margra hluta auk þess sem hún hentar vel til útflutnings. ég kýs heldur að klæðast fallegri lopapeysu en flísi, það er eitthvað svo...norskt. hvað næst, hokrum við í hyttum upp um öll fjöll? hjólaskíði? maður spyr sig.
svo er víst viðeigandi samkvæmt varríusi að játa góðærissyndir sínar. mínar eru eftirfarandi:
ég keypti mér íbúð í miðbænum fyrir hækkun sem ég seldi fyrir raðhús í sveitinni þegar íbúðaverð í miðbænum rauk upp í heimskulegar hæðir. fékk þrjúhundruð þúsund á milli og eyddi þeim í vitleysu eins og ferðalög innanlands og almennan viðlegubúnað handa barninu mínu. ég hef farið til útlanda í boði foreldra minna síðustu þrenn jól. hef keypt mér bækur í óhófi. (það ku hægt að borða bækur svo nú flokkast þetta sem fyrirhyggja, er það ekki annars?) ég hef borðað góðan mat og drukkið góð rauðvín í talsverðu magni eins og sést á mér. stærsta góðærissyndin mín telst vera jeppinn sem við keyrum á en hann keyptum við í félagi við foreldra mína og seldum eldri bílinn uppí. hann er tjónabíll og því á afar hagstæðu verði á sínum tíma. nú getum við ekki selt hann fyrir sparneytnari bíl því samkvæmt nýjum reglum má ekki færa til lán eða lána vegna tjónabíla. ( við fjárfestum því í strætókorti sem gildir í þrjá mánuði. það kostar nefnilega minna en að fylla einusinni á jeppann.)
þarmeð telst það upptalið, held ég.

ástæða þess að ég er vakandi á ókristilegum tíma? "vaxandi cron. verkir í æxlunarfærum" eins og það var orðað á kvittuninni sem ég fékk eftir síðustu aðgerð. ég hef einhvernvegin aldrei litið á eggjastokkinn minn sem æxlunarfæri beint, en íslenskukunnáttu minni hefur hrakað svo ört eftir að ég byrjaði að vinna á leikskólanum að það er líklega ekkert mark á mér takandi hvort eð er. þannig.

2008-11-01T10:29:00.002Z

gott versl!

2008-10-25T21:41:00.002Z

ég er að fara til london á miðvikudaginn. er byrjuð að smyrja nesti...

2008-10-14T20:35:00.001Z

er ekki allt í lagi? athugasemd MEÐ? um.
ég skammast mín. það er morgunljóst að ég þarf að auka samskipti mín við fólk með þroskaða málvitund. strax!

2008-10-11T16:37:00.001Z

þetta er besta hugmynd sem ég hef heyrt lengi! sérstaklega gladdi mig þessi athugasemd með meinta evróvisjón ágirnd ástrala.

2008-10-06T18:31:00.002Z

ég er að hugsa um að leggjast í híði og vonast til þess að efnahagsástandið lagist á meðan. mér þykir óþarfi að liggja með kvíðahnút í maganum yfir einhverju sem ég fæ engu um ráðið, en samt sem áður er ég með gallbragð í munninum og þori varla að líta í blöðin eða horfa á fréttirnar. best að finna sér eitthvað til að dreifa huganum.
langar einhvern að spila við kertaljós?

2008-09-25T19:53:00.002Z

haustpest hefur herjað á heimilið síðustu daga, við jg höfum snýtt okkur í kross en litli grís hefur verið hin hressasta, 7-9-13. æfingar eru komnar á fullt fyrir afmælisstuttverkadagskránna sem verður í lok október í hafnarhúsinu og ég hef verið að halda utan um. einvalalið leikstjóra og leikara sameinast um að sýna 12 flunkunýja leikþætti þar sem tónlistarflutningur verður í, með og utanum. það verður gaman.
annars er mest lítið að frétta.

2008-09-13T20:57:00.000Z

hver átti að prófarkalesa mbl.is í dag?

2008-08-27T21:58:00.003Z

plani helgarinnar hljóðar upp á laugardagskvöld á flunkunýju rósenberg. þar verða hinir ýmsu listamenn að spila á órafmögnuðu sleforganshátíðinni frá kl. 4 og svo verður hraun frá kl. 11. bara gaman.
þið sem viljið rifja upp gamla og góða tíma endilega rekið inn nefið.

2008-08-24T19:16:00.002Z

til hamingju með silfrið! aldrei þessu vant vorum við foreldrarnir vöknuð á undan litla grís í morgun til að fylgjast með. nokkuð hress þar sem við eyddum kvöldinu heima við menningarlega iðju. við brugðum okkur reyndar í stutta menningarheimsókn til höfuðborgarinnar í gær, drukkum súkkulaði hjá þórunni grétu og davíð hvaðan við héldum á svalatónleika hraunliða sem heppnuðust ágætlega.
þetta þótti mér fyndið...

2008-08-20T21:29:00.002Z

við áttum frábæra helgi á ströndunum. takk fyrir samveruna þið dásamlega fólk.
nú er spurning hvort maður á að nenna að vera þáttakandi í menningarnæturdagskránni. okkur jg er boðið að vera með atriði ásamt fleirum en það er agalegt vesen að koma því við þar sem okkur vantar barnagæslu á meðan. raunar getum við troðið upp saman á tveimur mismunandi vettvöngum og jg á einum 4-5. verð að játa að yfirfullur miðbær þar sem maður sér hvort eð er ekki einn þriðja af því sem mann langar heillar mig ekki sérstaklega. eiginlega bara ekki neitt.
allra síst með barn á handleggnum. svo mig dauðlangar að púlla plebbann á'etta eins og maður segir á góðri íslensku. enda löngu hætt að vera í tísku að troða upp á menningarnótt, það er orðið svo meginstraums.

sumsé: á ég að þykjast vera búin að artífarta yfir mig og finnist óspennandi að falla í fjöldann eða hreinlega að viðurkenna að ég nenni þessu ekki ?
mig langar samt. í og með. eeeeen....
þannig hljóma vangaveltur vikunnar.

2008-08-15T10:31:00.002Z

ég á ammæl'í dag....

2008-08-08T21:40:00.002Z

fjölskyldumeðlimir hafa í nógu að snúast á vinnustöðum sem eiga það sameiginlegt að hafa hausttarnir. við krútthildur á leikskólanum og jg í holtagörðum. það þýðir reyndar að við verðum að sleppa spánarferðinni sem við höfðum ráðgert í kring um afmæli og brúðkaupsafmæli en eyðum tveimur dögum í staðin á djúpavík í góðum félagsskap svo mér þykir ekki líklegt að okkur leiðist.
annars er sveitasælan ósköp ljúf, lífið gott og félagsskapurinn fallegur.

2008-08-02T19:20:00.003Z

við erum í fríi og höfum það afskaplega notalegt. jg er að verða eðlilegri í framan eftir endajaxlatökuna. hann hefur, eins og hann orðaði það sjálfur "verið eins og hamstur hægra megin". afskaplega smart.
við hjónakornin fórum út á lífið á gær og skemmtum okkur konunglega í góðum félagsskap. úlfhildur fékk frænkudag með maríu þar sem þær fóru að fóðra fugla og skoða róluvelli svo fjölskyldan hefur heilt á litið haft það afskaplega huggulegt um helgina.
byrja aftur í vinnu á þriðjudag og við förum næst af bæ afmælishelgina mína 15-17 ágúst. hraunliðar eru að spila á djúpuvíkurhátíð. ég hef ekki komið norðureftir í tvö ár svo ég hlakka til.

2008-07-22T20:53:00.003Z

komin heim. rigning frá helvíti. lítið gaman.
*hnuff*

hitti skemmtilegt fólk í dag. afskaplega gaman.
þetta jafnast allt saman út.
*pollíönnuleikur*

2008-07-16T22:01:00.002Z

það er ósköp indælt í sveitinni þrátt fyrir svikult sumarveður. fjölskyldueiningin hefur hugsað sér til hreyfing suður á bóginn á helgi komandi. ég var komin með netta kvíðaröskun yfir því að þurfa aftur til vinnu strax á þriðjudaginn en áttaði mig svo á því að ég byrja ekki aftur fyrr en 28.júlí, svo ég hef rúma viku til að njóta heimavið áður en ég tekst við stelpunum mínum aftur. þær eru yndislegar en það ætti að vera lögboðið 8 vikna frí fyrir starfsmenn leikskóla rétt eins og við aðra skóla. börn eru jú eilítið krefjandi á leikskólaaldri. mér þykir líka svolítið sérstakt að þeim sé gert að sækja skóla allt árið utan 4 vikna sem þau eru skikkuð í leyfi, en menntaskólakrakkar þurfi 2 1/2 mánuð í frí. burtséð frá öllum rökum um sumarvinnur og þessháttar.
það er nú það.

ferðalög í vændum

2008-06-30T21:53:00.003Z

við mæðgur höldum austur á bóginn komandi föstudagskvöld. jg verður einn í bænum í viku en kemur svo austur til okkar. þá helgina ætlum við hjónakornin reyndar að vera á áhugaverðustu útihátíð ársins; úlfaldanum, þar sem hraun ætla að spila þann 12.júlí. hún er haldin við mývatn og ætti að verða gaman. síðast þegar jg spilaði á mývetnskri útihátíð kviknaði í sviðinu.
þeir sem eiga heimangengt ættu endilega að bregða sér í bíltúr. þó ekki væri nema til að koma með okkur í útilegu, svona hraun í hrauni stemmning...

fréttir vikunnar hljóta að teljast þær að svandís flytur sennilega heim í haust. húrra!

2008-06-23T22:53:00.002Z

á sunnudaginn settist ég niður með skemmtilegu fólki og las leikrit. þar sem veðrið var gott sátum við úti með kaffi og kruðerí í eina 4 tíma. það er skemmst frá því að segja að ég sólbrann hressilega á bringu og öxlum. nú er ég ekki bara bleik í kinnum heldur svona jafnbleik niður undir geirvörtur. smart.
ég er ennþá ánægðari með vinnuna mína þessa dagana þar sem við getum eitt heilu og hálfu dögunum útivið. ég er hinsvegar dálítið farin að örvænta um að enn muni snjóa í fjöll þegar við úlfhildur förum austur í júlí. sú einmuna veðurblíða sem einkenndi æsku mína á héraði virðist hafa yfirgefið svæðið. flutt suður sennilega. fékk ekki vinnu í álverinu.

2008-06-18T14:14:00.003Z

útgáfutónleikar að baki, gleði og hamingja ríkir í herbúðum hraunliða. tónleikagestir voru um 400, frábær stemmning og strákarnir í fantaformi. hljómsveitinni og kátum gestum tókst að klára allan bjórinn í húsinu sem telur tvo bari og eina keiluhöll. það hlýtur að teljast met í einhverju..:Þ
platan er komin í allar betri hljómplötuverslanir landsins. hún er meira að segja til í skífunni svo þeir sem eiga eftir að nálgast eintak hafa fátt sér til afsökunar.
koma svo!

2008-05-29T20:40:00.002Z

svo varð barnið tveggja ára, byrjaði á leikskóla og jörðin skalf. vonum að það viti á gott.
eiginmaðurinn yfirgefur okkur mæðgur yfir helgina til að spila fyrir patreksfirðinga. það verður án efa athyglivert.

2008-05-20T22:32:00.002Z

sýningin á gilitrutt hlaut mikið lof eftir föstudagskvöldið. leikarar enda í miklu stuði og stóðu sig frábærlega. ég er afskaplega montin mínu fólki en afrekaði það hins vegar að missa út lykilorð í þætti sem ég átti að eiga örlítið innslag í. ég átti að segja eitt orð í lok þáttar og missti af kjúinu. sem væri svosem í lagi ef það hefði ekki verið aðalatriðið, það sem gerði þáttinn.
svo. ekki verður á allt kosið.
en það er búið að biðja okkur um aukasýningu af gilitrutt. skvííí...!

engilbarnið verður tveggja ára á föstudag. jæks. mér finnst hún hafa fæðst fyrir nokkrum mánuðum síðan.

2008-05-06T21:40:00.002Z

það er dumbungur í veðrinu en sama verður ekki sagt um gilitruttarana mína. baldur beilaði en í staðinn kom eðaldrengurinn loftur inn af krafti. þá vantar bara hjalta og svavar til að hraunliðar allir komi saman á leiksviðinu. stefni að því að ná þeim öllum inn í næsta stykki.
skrifi nú hver sem betur getur, stuttverk fyrir 6.karlmenn óskast takk.

við sýnum næsta þriðjudag í kjallaranum góða, önnur sýning er föstudagskvöldið eftir. 13 og 16 maí nánar tiltekið. ég vonast til að sjá sem flesta.

svo kemur hraunplatan út réttstrax. útgáfutónleikar 16 júní. jibbíkóla. verður þar komin afmælis- fermingar- skírnar- brúðkaups- jóla og tækifærisgjöf ársins. heppilegt það...

2008-04-25T11:21:00.002Z

við úlfhildur erum austur á landi hvar vorið er tíu dögum seinna á ferðinni en sunnanlands. aukafrídagur sem þurfti að nota og jg býr á fídbakka fram á morgundaginn svo við ákváðum að heimsækja ömmu og afa á meðan. nýja hraunplatan er sumsé að verða tilbúin og er væntanleg til landsins í byrjun júní ef áætlanir standast allar. sjö, níu, þrettán!

rakst á þennan skemmtilega hlekk hjá varríusi og stóðst ekki mátið. nú vill svo einkennilega til að við jg erum bæði fædd undir topplögum frá sir elton john. nánar tiltekið "island girl" hjá honum og "don't go breaking my heart" hjá mér. þetta getur nú tæpast verið tilviljun...

2008-04-14T21:37:00.003Z

sumar, sumar, sumar og sól. verður ekki bara að taka síkrettið á þetta?
mér áskotnaðist hjólhestur í dag. hjólaði um hverfið skríkjandi af kátínu og andaði að mér lyktinni af vorinu. hún var reyndar frekar daunill, það er bæði svína- og kjúklingabú hér í grendinni og þar var verið að lofta út. mætti ég þá biðja um fjósalyktina frá egilsstaðabúinu sem færði manni vorið fyrir austan. þrátt fyrir fnyk fyrir vitum ( skelfilega er þetta asnalegt orðalag, læt það halda sér) er umhverfið hér kjörið til útivistar hvers konar og ég sá í hillingum hjólaferðir um sveitina með litla grís aftaná. mig vantar barnastól fyrir hjólhest ef einhver lumar á slíkum í geymslunni.

úlfhildur er orðin ótrúlega stór og dugleg. í dag náði hún sér í blýant og bað um blað til að lita á. hún stóð við stofuborðið í smástund, kallaði svo í mig og sagði: "mamma, þetta er hvalurinn sem gleypti tralla". svo bað hún mig um að hringja í afa og ömmu svo hún gæti sýnt þeim myndina. þykir lógískt að fólk sjái í gegn um símann.
langt síðan ég hef tekið tilgangsleysispróf:

2008-04-08T22:44:00.002Z

ekki dugar vol og víl. skapsmunir hafa snöggtum skánað eftir árshátíð hraunliða liðna helgi. borðuðum á hótel heklu og dönsuðum út í nóttina. við viðhengin það er, strákarnir þurftu náttúrulega að spila fyrir matnum okkar...:Þ eftir að hafa orðið hált á tölvugítarhálsinum í eftirpartíinu hef ég sett mér það markmið að ná afburðafærni í gítarhetjuleiknum svo ég verði mér ekki til skammar aftur. (verst að hann kostar formúgur og ekki spanderar maður í tölvuleiki í krepputíð)
svo þarf náttúrulega að sýna gilitrutt. það verður vonandi í þessum mánuði.
ég þarf að komast til að hitta hana svandísi mína. það skal hafast á morgun eða annað kvöld og hana nú!

2008-03-31T22:15:00.004Z

hugleikur frumsýndi 39 1/2 viku með ágætum, skemmtileg kvöldstund í möguleikhúsinu. miðapantanir hér.
mitt leikstjórnarverkefni hefur hikstast af stað en loksins kom andinn yfir mig og nú verður allt sett á fullt í æfingum. leikarar eru reyndar afskaplega uppteknir, en hver þarf á svefni að halda þegar birtan er farin að vekja mann óguðlega snemma á morgnana.

hann jónas breki frændi minn er afskaplega hæfileikaríkur ungur drengur, hann er að læra gullsmíði í kaupmannahöfn og er að hanna mjög flotta hluti. giftingarhringarnir okkar jg eru til dæmis eftir hann. mittsvæði hans er hér.
ég skora á þá sem eru í skartgripakaupahugleiðingum (svona í kreppunni) að panta hjá honum, ég spái því að innan fárra ára verði hann orðinn svo þekktur að við plebbarnir höfum ekki efni á að kaupa hlutina hans. (hrín) bæti honum líka í hlekkjasafnið, hef ætlað mér að gera það leeengi.

annars er ég að vinna úr geðbólgunum sem virðast hafa færst yfir úr skammdegisdepurð í vorsvekkelsi. í fyrra var svipað uppi á teningunum, ég hélt mér nokkuð yfir veturinn enda fátt betra en að bregða sér í sólina í tvær vikur í versta skammdeginu. lifði lengi á því. sumarið er minn tími, þá þarf ég mest lítið að sofa og hef endalausa orku en á veturna leggst ég í híði.
var að velta fyrir mér hvort að ég væri kannski farin að örvænta yfir því hvað sumarið er stutt og þess vegna fengi ég fyrirframkvíða fyrir næsta vetri um leið og vorumhleypingar gera vart við sig..?
maður spyr sig.

2008-03-18T21:35:00.002Z

við hjónin erum á leiðinni vestur í páskafrí og spilamennsku. grísinn ætlar að gista í 3 daga hjá afa og ömmu á meðan. hún er komin með hita, hrygl í lungu og að drukkna í hori.
tilviljun?

2008-03-07T22:02:00.002Z

fyrsti samlestur á litla leikstjórnarverkefninu gekk svona líka glimrandi enda valið fólk í hverju rúmi. verkið heitir gilitrutt og er eftir dr.tótu, sýnt í kjallaranum í apríl.
er að skríða saman eftir aðgerðina, enn hefur bæst í örasafnið á maganum á mér og mætti hver stríðshetja vera stolt. ég verð að fara að dikta mér upp einhverri krassandi sögu til að ljúga að næsta barni sem spyr mig hvað hafi komið fyrir þegar ég kemst næst í sund. segist hafa orðið fyrir skrímsli. eða eitthvað.

svo vona ég að óskin hennar áslaugar rætist.

2008-03-03T21:20:00.003Z

endemis leti og eymingjaháttur þetta er á manni. ég er að yfirfæra fælnina sem ég er komin með gagnvart póstinum mínum yfir á bloggið. allt þetta sniðuga dót sem maður nær sér í á fésbókinni er nefnilega ekki svo sniðugt. það fyllir pósthólfið manns af alls kyns helvítis drasli, endalausum tilkynningum um hitt og þetta og meiraðsegja frá einhverjum viðbótum sem ég er löngu búin að henda. aaaargh! þetta leiðir af sér að ég nenni ekki að opna póstinn minn því ég nenni ekki að þurfa að henda 300 bréfum í hvert skipti. um leið og ég fresta því hleðst hins vegar inn meira og meira og meira...
veikinda hafa herjað á okkur eins og aðra, nú er grísinn að ná sér af magapestinni en er í staðin að taka tennur með harmkvælum.
fórum í kaffi til matta og áslaugar í gær hvar þráinn og beta bættust í hópinn. við úthverfaplebbarnir áttum afskaplega notalega stund umkringd barnaskaranum.
fyrir nokkrum árum síðan hefði ég ælt af hlátri/hrolli við tilhugsunina eina saman. kannski er ég að verða gömul? mér finnst ég samt ekki ennþá orðin stór. en það er nú kannski ástæða fyrir því líka..:Þ

2008-02-16T22:58:00.004Z

eiginmaður minn heittelskaður er með eindæmum fagur og hæfileikaríkur. hér gefur að líta örlítið sýnishorn...
þess ber að geta að þessi ofursveit sem var ein sú besta í íslensku tónlistarlífi mun halda endurkomutónleika tónleika í apríl. börnin geta farið að hlakka til..

2008-02-11T16:52:00.000Z

ég er óttalega andlaus eitthvað. jg er enn í atvinnuleit, vona að það rætist úr því fljótlega, svona áður en hann dettur af launaskrá hjá lúðmann. það er nefnilega fátt jafn geðbólguvaldandi og fjárhagsáhyggjur og fátt leiðinlegra en að glíma við þær.
óska siggudís og einsa til hamingju með dótturina og bíð spennt eftir að hitta svandísi og börnin hennar.

2008-02-04T21:13:00.000Z

ég er komin í samband aftur, loksins. reyndar krefst netnotkun þess að ég tengi snúruna beint við tölvuna, þráðlausi parturinn af beininum virðist alls ekki virka. ég er að safna orku til að fara í næstu símaverslun og heimta nýjan beini. fluff.

jg er enn að leita að vinnu og ég fékk ekki hlutverkið sem ég vildi í leikritinu. var boðið annað sem ég þáði ekki, enda komin á aldur og með prímadonnukomplexa. nenni ekki að leika bara eitthvað til að vera með. í staðin ætla ég að leikstýra þætti eftir dr.tótu og sýna í apríl. það held ég verði nú gaman.
óska siggu og árna til hamingju með kafbátinn, vona að siggadís og einsi fari að fá sitt kríli í hendurnar.
pestar hafa haldið heimilinu í herkví síðustu vikurnar, úlfhildur er búin að vera hroðalega lasin og fékk á endanum asmapúst og pensillín. hún fer í aðgerð á fimmtudaginn þar sem verða sett rör í eyrun. við vonum að þá verði sá vandamálapakki úr sögunni, hvaða pest sem hún krækir sér nú í næst.
ég lagðist í bælið á föstudaginn en reis upp við dogg á laugardag til að fara og reykja á kaffihúsi í miðbænum. úthverfaplebbastatus lækkaði verulega og mitt gamla uppreisnarhjarta sló ört í smástund.
á fimmtudagskvöld eru tónleikar á gauknum með hraun og múgsefjun. þangað eiga allir að mæta sem ekki komu á organ í síðustu viku. ekki bara til að hlusta á hraun, múgsefjun er öldungis hreint skemmtilegt band.
komaso!

2008-01-26T23:27:00.000Z

Ásta hér.

Nanna bað mig um að henda hér inn fáeinum línum til að úskýra netfjarveru hennar þennan mánuð.

Hún er s.s. ansi netlaus þökk sé duttlungum Símans og kemst ekki í póstinn sinn hvað þá á Blogger og veit ekki hvenær það ástand lagast. Þangað til er gemsinn vænlegasti kostur.

2008-01-12T21:08:00.001Z

ekki dugar að sitja og drolla. jg sækir um nýjar vinnur um allan bæ og ég sótti um hlutverk í leikriti í dag. við bíðum spennt eftir svörum.

árið hefst með trukki hjá hugleik, frumsýning á útsýni e. júlíu hannam næsta laugardagskvöld. miðana má panta vef-eða símleiðis eftir hentugleikum. ég sótti svo um hlutverk í næsta verkefni, hinum æsispennandi farsa 39 1/2 vika sem verður frumsýndur í mars.
það var nefnilega ákveðið á fjölskyldufundi að ég mætti leika í þetta skiptið sökum óvæntrar frítíðar í dagskrá eiginmannsins . (eins hollt að leikstjórarnir átti sig á þessu einstaka tækifæri, hóst,hóst ) það líður að febrúardagskránni í kjallaranum sem hefur yfir sér þjóðsagna-ævintýrablæ. jibbíkóla. við stefnum á að hafa frumsýnt amk 14 ný íslensk leikverk á þessu leikári, þar af tvö í fullri lengd og geri aðrir betur. ( svo monti mig nú aðeins af leikfélaginu mínu, ég hef bara ekki gert það svo lengi.)

jg þakkar fyrir stuðninginn í uppsagnarmálinu ógurlega. við sjáum fram á að sölutölur minnki talsvert þegar hann er farinn og er það vel. megi þær minnka sem mest, landstýrinu vaxa kartnögl á hverjum fingri og gyllinæðarhnútar upp eftir öllum þörmum. verst að ég er uppiskroppa með eðluskít, en foreldrarnir eru að koma heim frá spáni fljótlega, ég athuga jafnvel hvort þau geti laumað nokkrum klessum með svo ég geti þegið þetta góða boð frá evu...:Þ
annars er lífið nokkuð gott. ég horfi vonaraugum á þessar fáu mínútur af dagsljósi sem bætast við á hverjum degi og sé fram á sumar eftir...
smástund. segjum það bara.

2008-01-03T20:46:00.000Z

þá er fjölskyldan komin heim aftur. það þyrmdi yfir mig í morgun þegar ég opnaði útihurðina og sá grámóskulega skýjaflóka sletta úr sér rigningu sem vindurinn henti svo framan í mig, frekar kuldalega. er eilítið við brugðið eftir að hafa tiplað út í garð með kaffibollann minn um níuleytið og horft á sítrónutréð vaxa undanfarnar tvær vikur. sá örlítið ljós eftir að hafa farið í hálftíma langa heita sturtu.
ætlaði að reyna að skrifa yfirlitspistil fyrir 2007 en komst að því að ég man ekki neitt og jón geir ekki heldur þó að við höfum bæði gert fullt af skemmtilegum hlutum. þarf bara aðeins að rifja upp hvenær og hvar. á meðan vil ég biðja ykkur um smágreiða:
jg fékk miður skemmtilegar jólakveðjur frá fyrirtækinu sem hann hefur unnið hjá síðustu tíu árin og skilað frábærum árangri á öllum sviðum, unnið allar keppnir og fengið verðlaun fyrir bestu verslun keðjunnar í heiminum á árinu 2006. nýji landsstjórinn sem tók við í nóvember sagði honum upp störfum fyrirvaralaust fimm dögum fyrir jól, án nokkurra haldbærra skýringa. fannst hann ekki getað beðið með það þangað til eftir hátíðarnar. svona framkoma er fyrir neðan allar hellur og ég óska honum áhugaverðra tíma.
mig langar að biðja ykkur ef þið getið fjárhagsins vegna að beina ykkar viðskiptum annað en til fyrirtækis sem ekki metur starfsmenn sína að meiri verðleikum en þetta. það er til dæmis fín herradeild í zöru...

jólamyndir

2007-12-26T11:19:00.000Z

hér getur að líta nýja dótið sem við jón geir gáfum okkur í jólagjöf. þar af leiðir loksins að vefalbúm heimilisins hefur verið uppfært og viðbætt. svona líta jólin út á spáni.

sérstaklega skemmtilegur siður hjá bretunum á svæðinu að fara í bjór og grill niður á strönd á jóladag. það voru nokkur hundruð manns með jólahúfurnar að hafa það huggulegt enda hitastigið yfir öðrum tug. við létum okkur auðvitað ekki vanta enda við jón geir löngu búin að viðurkenna fyrir okkur að innst inni erum við miðaldra bretar á eftirlaunum.
vona að þið hafið það gott í hríðinni á íslandi, ég sakna veðursins ekki neitt.

2007-12-24T09:08:00.000Z

Kæru vinir

Við óskum ykkur gleðilegra jóla og farsældar á komandi ári. Þökkum fyrir allar ánægjustundirnar sem við höfum fengið að deila með ykkur á árinu og hlökkum til að hitta ykkur eftir hátíðarnar.
Farsæld og gleði fylgi ykkur inn í nýtt ár.

Live long and prosper;

Nanna, Jón Geir og Úlfhildur Stefanía

2007-12-14T22:05:00.000Z

I ATEN'T DEAD

2007-11-27T21:44:00.001Z

sko bara hvað strákarnir eru flinkir.
nú er bara að skoða heimasíðu keppninnar og kommenta eins og vindurinn. áfram hraun!
það eru tónleikar á næsta bar annað kvöld, mæti nú hver sem betur getur.

það er gaman í vinnunni minni. í dag fór ég í hókí pókí, hlustaði á pílu pínu, las skilaboðaskjóðuna og kenndi hóp af fjögurra ára stelpum að syngja jólalag "eins og kór". svo föndraði ég óróa og fór út í gönguferð. það liggur nú við að maður gleymi launaseðlinum á svona dögum...

2007-11-23T23:45:00.000Z

margt að gerast og ég gleymi að auglýsa tónleika hægri vinstri. ussususs.
ég var að koma af hjónabandsglæpum, sem er skrifuð af uppáhalds núlifandi leikskáldinu mínu; eric emmanuel schmitt. ég er ennþá að melta. finnst elva ósk hafa staðið sig frábærlega, hef á tilfinningunni að hilmir hafi verið gerður veikari en efni stóðu til og að hann hafi strögglað við textann. lái honum það svosem ekki, textinn er flókinn á köflum og miklar meiningar sem höfundur ætlar persónunum að koma á framfæri. margt flott en hefði getað verið svo miklu betra og þar sem efniviðurinn býður upp á brilljant sýningu held ég að ég kenni leikstjóranum um að hafa eitthvað mislagt hlutina. ætla að fara á þjóðleikhússafnið og næla mér í handritið til að skoða betur. best ég grafi abel snorko upp í leiðinni. djöfull sem það var nú gott leikrit.
best að fara að hátta. ég þarf að mæta á niðjamót nasa gras á morgun. það er einkum athyglivert sökum þess að hann átti engin börn og því er þetta niðjamót systur hans en af einhverjum ástæðum vill liðið frekar kenna sig við jónas. það þykir smartara.

2007-11-16T20:34:00.000Z

lífið er gott. nóg að gera á öllum vígstöðvum og það er gaman í vinnunni minni. smá mínus að engilbarnið er með sýkingar í helstu átakasvæðum ungra barna, hálsi, nefi, eyrum og augum að auki. jg er með einhvern flensuvott.

óska nasa gras til hammó með ammó og þykir við hæfi að enda blogg dagsins á eftirfarandi:

Life's but a walking fangor.

Which work of Shakespeare was the original quote from?

2007-11-05T19:29:00.000Z

austurför var með ágætum, strákarnir tóku upp eins og vindurinn og eru komnir ágætlega á veg. ég er með kvefpest dauðans og hef varla getað andað fyrir hori í tíu daga. í dag bættist svo við æla og almennur viðbjóður. ég vorkenni mér hroooðalega.
ég útbjó mér fésbók. mun skemmtilegra en mittsvæði og gaman að læra á nýtt dót. þarna er til dæmis hægt að eyða tímanum í tilgangslausa netleiki við aðra notendur. gaman.
allir með...

2007-10-21T22:04:00.000Z

fyrir mörgum árum skrifaði ég þetta:

mánudagur, desember 16, 2002

það kemur einhvernvegin alltaf jafn mikið á óvart þegar ég droppa við og sé ekkert nýtt inni á síðunni.

minni.

þessi margveruleiki fer stundum alveg með mann..

fyndið að þetta komi manni enn á óvart. ég neita líka að trúa því að þessi síða hafi verið uppi í fimm ár. sjitt.

2007-10-15T21:41:00.000Z

loksins loksins! formaðurinn syngur kötlu köldu.

úlfhildur er ennþá lasin. reynist vera með einhverna óskilgreinda veirusýkingu en ekki mislingabróður. fæ nánar úr því skorið á morgun ef hún verður ennþá með hita. sem ég vona að hún verði ekki. þarf að komast til vinnu á morgun og þess utan erum við jg með stompnámskeið milli 5-7 . leikstjórnarnámskeið er í fullum gangi og airwaves næstu helgi. einhvernvegin virðist alltaf allt þurfa að gerast á sama tíma og maður kemst ekki yfir neitt af viti. húsið skítugt, þvottur að safnast upp....aaargh, mig vantar ofurkonustyrk í ca.viku...

2007-10-14T21:24:00.000Z

litligrís er búin að vera lasin í viku. með 40 stiga hita nánast upp á hvern dag og svo loksins þegar hann lækkaði aðeins fékk hún útbrot á ennið, magann og bakið. fékk úrskurð um að hún væri með eitthvað sem heitir mislingabróðir. ofan í það er hún svo í fyrsta skipti komin með í eyrun. hún er nú samt bara nokkuð hress miðað við aðstæður. mun hressari með aðstæður en foreldrarnir allavega. vonast til að þetta hverfi allt saman á næstu dögum.

2007-10-11T18:59:00.000Z

sjálfumglaði skipulagsnefndarslugsinn sem borgarstjóri? annar reykjavíkurlisti af því að allt gekk svo vel síðast? hvað ætli það komi til með að kosta að endurskipuleggja allt borgarbatteríið og kynna það fyrir íbúunum hver fær að ráða hverju í þetta skiptið?
ojbjakkbarasta. ég hata strumpa.

2007-10-05T22:00:00.000Z

viðburðarrík vika að baki. ég byrjaði að vinna sem undirborgaður hugsjónastarfsmaður á mánudaginn og líkar vel. eyddi fyrstu dögunum í að læra að þekkja 20 nöfn með tilheyrandi karakterum og var síðan beðin um að taka að mér annan hóp í tvær vikur vegna veikinda sem þýddi að í dag þurfti ég að læra 20 í viðbót, snarlega. vonast til að muna þau ennþá á mánudaginn.
kvöldin hafa svo farið í æfingar fyrir margt smátt. þær hafa gengið ljómandi vel enda valdir stórleikarar í hverju rúmi. hrós vikunnar fær anna begga fyrir að rifja upp fjóra þætti á örstuttum tíma og brillera í þeim öllum.
fifferingar í borgarleikhúsinu sér svo ofurkonan puff mama um svo ég er hætt að örvænta vegna tækniútfærslna. rýmistútfærslur-smýmisútfærslur.
dagskráin hefst klukkan tvö á morgun í borgarleikhúsinu og verður búin klukkan 6, þeir sem misstu einhverra hluta vegna af öllum einþáttungadagskránum okkar í kjallaranum síðasta vetur geta notað tækifærið og séð þá flesta á einu bretti ásamt nokkrum þáttum frá öðrum félögum á morgun. það kostar bara þúsundkall inn sem er gjafverð fyrir þriggja tíma leikhúsdagskrá. ég leikstýri tveimur þáttum og jón geir leikur í einum.
okkur þætti vænt um að sjá einhverja úr vinahópnum (aðra en þá sem eru með okkur í leikfélaginu..:Þ) dagskráin er með tveimur hléum og einhverjum óvæntum skemmtiatriðum inn á milli. svo verður auðvitað blásið til veislu eftirá. ótrúlegt en satt..

2007-09-25T14:13:00.000Z

mikið óskaplega var nú gaman um helgina. brúðkaupið hjá áslaugu og matta var dásamlegt, athöfnin skemmtileg og veislan hin prýðilegasta. eftir veislu fórum við jg út á álftanes og spiluðum í ammli, héldum svo á kofann og dönsuðum eins og vindurinn. stemmningin var þó orðin dálítið skrítin þar á köflum svo við flúðum heim um fjögurleytið. sunnudagurinn allur var hin notalegasti.
í morgun leit út fyrir að pestin hefði náð mér en svo virðist sem hún sé á hröðu undanhaldi svo ég ætla að fara með úlfhildi í gönguferð um skóginn á eftir, hún komst ekki til dagmömmunnar í morgun vegna veikinda þar á bæ svo hún þarf að hanga heima með mér og það er lítið gaman að hanga inni þega sólin skín. eftir óveður undanfarinna daga þorir maður heldur ekki annað en að stinga út nefinu þegar gula fíflið lætur sjá sig, hver veit hvenær það gerist næst..

meðan ég man: ég er að taka til í bókasafninu mínu. hvern vantar eitthvað að lesa?

2007-09-20T22:33:00.000Z

súpergott hraungigg á næsta bar í gærkveldi. leiðinlegt fyrir ferningana sem mættu ekki.
robert jordan er látinn. leiðinlegt fyrir þá sem voru ennþá að eltast við wot ruglið. (þetta segi ég hafandi síðustu árin vaknað reglulega upp með andfælum sökum hræðslu við að george r.r martin hrökkvi upp af áður en hann nær að klára song of ice and fire )
leitin að æfingahúsnæðinu eina stendur enn yfir. ég er farin að örvænta.

2007-09-15T21:24:00.000Z

allt að gerast.
ég fann loksins fólk aftur sem nennir að dansa með mér eins og vindurinn og bíð spennt eftir að komast meira út að dansa. hroooðalega gaman. við hjónakornin bættum við fólki í safnið sem hefur gaman af því að spila og nennir að keyra upp í sveit til að leika við okkur. líka gaman. vikulega matarboð á planinu til að borða gúmmelaðið og sérviskurnar sem annars skemmast í frystinum, spennandi.
engilbarnið er byrjað hjá dagmömmu og unir sér hið besta. ég þarf reynda ennþá að flýja heimilið meðan hún er að læra að sofna sjálf úti í vagni því annars heyri ég öskrin í henni heim og fæ hroðalegt samviskubit yfir að vera að kvelja barnið mitt hjá vandalausum en það stendur nú allt til bóta. hún er farin að borða sjálf og hefur tekið ástfóstri við nýju stígvélin sem hún var að fá. fæst ekki úr þeim innandyra með góðu móti og helst vill hún spranga um í bleikum gúmmístígvélum með dúkkuvagn svo eitthvað virðast nú kvenlegurnar í henni virkari en þær voru í móður hennar í barnæsku.
vetrarstarf hugleiks er hafið og með miklum ágætum. verður þetta leikár ár hinna hugleiksku leikstjóra sem ætti að vera fagnaðarefni.
einhver slæmska hefur herjað á feðginin en ég stend enn sem komið er. hef hug á að svo verði áfram. einn,tveir og kvefsúpa!

2007-09-06T16:16:00.000Z

ég var næstum búin að gleyma...
flekka er komin af fjalli.

2007-09-03T22:23:00.000Z

hún skotta mín tók þessar líka drellifínu myndir af henni úlfhildi stefaníu. hún náði meiraðsegja nokkuð krúttlegri mynd af okkur mæðgum saman sem telst til afreka þar sem ég festist frekar illa á filmu.
ég hlakka til að byrja í nýju vinnunni minni. rölti við í dag og gekk akkúrat inn þar sem verið var að stofna flunkunýjann kór svo ég þarf ekki að leita langt yfir skammt.
gaman.

2007-09-01T00:29:00.001Z

það lítur allt út fyrir að veturinn verði viðburðaríkur og nóg að gera á sviðum leik og tónlistar hjá okkur jg báðum. þá er bara að finna tíma til að gera allt sem mann langar án þess að vanrækja engilbarnið. kann einhver að búa til klón?

ég tók til í hlekkjalistanum. þyki einhverjum almennur skortur af sér má senda inn athugasemdir.

2007-08-25T21:13:00.000Z

við erum komin heim. það er bara afskaplega notalegt. við komum akkúrat passlega til að skoða bæjarhátíð mosfellinga og erum nýkomin af ormsteitinu á héraði. ég verð nú að segja að ormsteitið ber höfuð og herðar yfir þessa afsökun fyrir bæjarhátíð hér. tveggja daga dagskrá og flest atriði einstaklega óspennandi. hefði verið gaman að sjá ungliða leikfélags mosó spreyta sig á ofviðrinu en ég missti af því . skemmtilegt hefði líka verið að fara á markað í mosfellsdal ef hann hefði ekki verið búinn 2 tímum fyrir auglýstan lokunartíma. hnuss bara. áfram ormsteiti. hefði verið lengur fyrir austan og gætt mér á heilgrilluðum hreindýrstarfi hefði jg ekki þurft að fara til vinnu. ef egilsstaðir geta haldið úti 10 daga festivali með toppdagskrá hlýtur að vera hægt að koma saman þolanlegri dagskrá í bæ af þessari stærðargráðu.
þessi færsla var í boði nöldurhorns nönnu.

ábending til skipulagsyfirvalda í mosó: þar sem kaldakvísl og varmá renna saman hlýtur spottinn niður að sjó að heita volga...

2007-08-22T17:51:00.000Z

lausnin á vanda miðborgarinnar að fjarlægja kælinn úr vínbúðinni? afþví að ógæfumenn hafa ekki haldið þar til talsvert lengur en átvr hefur verið í lækjargötunni ? svo maður vitni nú í þjóðskáldið:
kræst!

2007-08-19T10:20:00.000Z

menningarnótt-smenningarnótt. hér skín sól í heiði og við erum að fara á tónleika með eivör í hallormsstaðaskógi á eftir.
spennandi...

2007-08-16T12:36:00.000Z

svandís, mynd sem þú verður að sjá....

réttupphend sem eyddi mööörgum klukkutímum í svona dót.

2007-08-15T09:02:00.000Z

ég á ammælídag,
ég á ammælídag,
ég á ammælisjálf,
ég á ammælídag.

húrra fyrir mér og baldri broddgelti sem deilir með mér deginum.

2007-08-12T23:25:00.000Z

sumarið bara að verða búið. frábær leikferð að baki, tveggja vikna úthald. hrrrroðalega gaman. erfitt, vissulega þegar maður er ekki í þjálfun. óhætt að segja að ég sé orðin vel marineruð.
sérstaklega gaman að fá að hafa viðkomu hjá Höllu á Selfossi eftir dramatíska nótt á Flúðum í óeinangruðu kofaskrifli þar sem leikhópurinn kúrði þétt saman til að halda á sér hita.

einn af hápunktum sumarsins öskjuferð með gunnari ben og samsetur á eftir. endurtakist við fyrsta tækifæri.

nánari útlistanir þegar ég hef tíma.

2007-07-20T19:21:00.000Z

nú ætlaði ég aldeilis að nörda með hina flottu dagsetninguna á árinu. skrifa færslu kl 20:07 þann 20.07.2007. eeeen, þar sem við erum að fara út að borða verður fólk bara að ímynda sér að ég hafi nennt að sitja við á réttu augnabliki.
svo gleymdi ég að láta póstinn áframsenda mér potter. fuss. ég næ henni þá ekki fyrr en á miðvikudaginn. vei þeim sem eyðileggur fyrir mér plottið.

2007-07-11T21:44:00.000Z

ég er ekki ólétt, bara svo það sé á hreinu. ég er bara alveg búin að steingleyma hvað mér þótti teljast til stórfrétta eftir síðustu færslu. varla hefur það verið merkilegt.

ég er komin austur í sveitasæluna með úlfhildi, jg þraukar einn í bænum en þokast austur á helginni. sé einhver til svæðis á akureyri verða hraundrengirnir á akureyri-græna hattinum á föstudagskvöldið og gamla bauk á húsavík laugardagskvöld.

við mægður þ.e. ég og mamma erum uppgefnar eftir að hafa þvælst með úldhildi milli staða síðustu daga. það tók smástund að barnhelda vinaminni en í dalskógunum er ennþá allt fullt af verkfærum, rusli og stórhættulegum stigum. það stendur allt til bóta en hjálpi mér hvað það er erfitt að geta ekki litið af barninu eitt augnablik. hún er farin að þramma um allt og er forvitnari en andskotinn, hvaðan sem hún hefur það nú...

ylfa klukkaði mig. ég nenni ekki að hlaupa eftir fleirum (hljóp yfir mig í æsku) en ætla engu að síður að telja upp fánýtisfróðleiksmola:
ég er menntuð húsmóðir
ég kann upphafstefin úr 4 metallicu lögum á gítar
humar með hvítlauk er uppáhalds maturinn minn
ég skráði mig úr þjóðkirkjunni og borga til háskóla íslands
ég var einu sinni austurlandsmeistari í kúluvarpi
ég verð ennþá myrkfælin við vissar aðstæður
það hefur engum tekist að skilgreina mig sem einhverja ákveðna týpu (vandamál lífs míns)
innst inni er ég 150 kílóa blökkukona og syng bassa í gospelkór.

þar höfum við það.

2007-07-06T23:51:00.000Z

það eru bara stórfréttir á hverju strái. fjölskyldan hefur stækkað, hraunliðar ættleiddu gunnar ben . tóm hamingja á öllum vígstöðvum og við bjóðum hann velkominn í fjölskylduna.
ég er enn að leita eftir æfingahúsnæði undir hraun og hálfvita. nokkur í sigtinu sem ég kanna næstu daga. kemst reyndar ekki til að skoða fyrr en örlítið seinna í mánuðinum þar sem við úlfhildur ætlum að leggja land undir fót. við rúntum austur með mömmu á morgun. jg mætir næsta sunnudag. þeir sem eiga leið um austurlandið mega endilega líta við hjá okkur, við verðum ýmist á seyðisfirði eða egilsstöðum en báðir staðir einkar vinalegir heim að sækja. ég hef í leikferðina miklu þann 27. júlí, verð til svæðis fram að verslunarmannahelgi en þá sýnum
við á hornafirði. þannig að: allir að drífa sig austur þegar sólin fer með mér (víst) og kíkja í kaffi/grill/rauðvín.

hinar stórfréttirnar ætla ég að geyma aðeins lengur.

er einhver í bænum sem getur stompað stuttlega með jg á sunnudaginn? láta vita á morgun asap ef svo er. stutt atriði á landsmóti umfí sem fer fram í kópavoginum þessa dagana.

2007-07-02T21:18:00.000Z

úgáfutónleikar ljótu hálfvitanna tókust afskaplega vel og voru þeir hin besta skemmtan sem og partíið á eftir. diskurinn er klárlega skyldueign. sá sem á hann ekki...tapar.
ég vona bara að þeir hljóti ekki sömu örlög og sólstrandagæjarnir hér um árið. það hættir nefnilega alveg að vera fyndið og skemmtilegt þegar 16.ára aulatrúbadorar eru að misþyrma partílögunum sem maður á nostalgískar minningar við 6 árum seinna. gera reyndar enn ef út í það er farið. ekki ýkja langt síðan ég heyrði einhvern spila rangan mann. * urgl*.
nokkrir góðir gestir hafa dottið inn úr veðurblíðunni síðustu daga mér til mikillar kátínu. lýsi hér með eftir fleirum. fólk má gjarnan grípa með sér á grillið og bjóða sér í mat eins og gestirnir sem skemmtu okkur í dag.
að lokum lýsi ég eftir svandísi.

2007-06-26T22:02:00.000Z

sníkjublogg: tvímælalaust hugmynd mánaðarins.

2007-06-24T20:33:00.000Z

eitthvað er dauflegt yfir bloggheimum. til að rugga nú ekki bátnum er best að uppfæra barnafréttir:
engilbarnið er loksins farið að stíga nokkur skref án stuðnings. hún er búin að vera á fótum síðan hún var sjö mánaða svo mér var létt þegar hún ákvað að treysta sér á röltið. mér varð ekki jafn létt þegar hún tók upp á því að klifra af pallinum inn um stofugluggann og niður á gólf en hún snýr sér bara við í gluggakistunni og fer létt með þetta. nokkur orð eru komin með nokkuð fasta merkingu; mamma, dadda (pabbi), duddi (snuðið) , ka-ka, (kanínn) datt, haa(hvað er þetta/sjáðu) og taddt (takk). hún röflar reyndar þessi reiðinnar býsn en ég skil ekki meira af hennar tungumáli enn sem komið er. hef lúmskan grun um að hún komi til með að fá sömu umsagnir og ég í fyrstu skólabekkjunum: gengur mjög vel, heldur masgefin...

litli kútur og félagar eru komin með þessa fínu heimasíðu: frú Norma. endilega hvetjið alla sem þið þekkið og eiga leið um austurlandið til að kíkja á sýningarnar þeirra. bæði barna og fullorðins.

spurning vikunnar: hvað varð af svandísi?

2007-06-21T21:51:00.000Z

það er yndislegt veður. hlýtt, kvöldsól og fullkomið að setjast út í garð með rauðvínsglas.
mig langar samt bara til að spila civ4. eða wow. þetta þýðir bara eitt,
ég hef klárlega vanrækt nördinn í mér of lengi.

mér til málsbóta verður að segjast að ég planaði öskjuferð með gben í sumar. hún ætti að bæta upp fyrir eina nördíska innisetu. mikið held ég líka að það verði gaman, ég hef ekki komið í öskju síðan ég var 10 ára.

ó vei, ó vei! wow uppsett á makka litla kúts og civ horfinn síðan í flutningum. þá er það bara rauðvínið og garðurinn.

2007-06-19T21:46:00.001Z

það er klikkað að gera. við sýndum fyrir 500 manns á akureyri um helgina. ef svo heldur sem horfir verðum við búin að sýna fyrir 10.000 manns í haust.

áhugaverður plötudómur frá vini vorum varríusi. mogginn ætti að fá fleiri gagnrýnendur af svipuðu kaliberi til að dæma tónlist.

lífið er annars nokkuð ljúft.

2007-06-12T21:31:00.000Z

helgin gekk svona líka ljómandi vel þó að veðurstofan hafi svikið mig um sólarglennuna. barnið var hið þægasta í pössuninni og jg sneri aftur í heilu lagi frá þýskalandi. artífartið fór reyndar fjandans til sökum rigningar-og þrumuveðurs svo herlegheitin verða flutt þann 30.júní. þá ætla ég að fara með til útlandsins ef tengdó geta haft úlfhildi yfir helgina. það verður langþráð frí.

við mægður vorum úti í veðrinu í allan dag og ég er sólbrunnin. áts.

2007-06-08T21:45:00.000Z

jg er í frankfurt að artífarta og ég öfunda hann helling. raunar svo mikið að ég eldaði mér huggumat, humarrétt með karrýi, eplum og vínberjum. *smjatt*. átti akkúrat litla hvítvínsflösku í ísskápnum til að skola honum niður með.

þá er bara að sannfæra mig um að ég þurfi að fara að sofa þar sem ég þarf að fara á fætur afskaplega snemma til að koma úlfhildi í pössun til tengdó áður en ég fer í leikferðalag með dýrunum. hún kemur til með að eyða helginni þar meira og minna og fer í fyrstu næturpössunina annað kvöld. ég er að sjálfsögðu komin með allt samviskubitið yfir því að vanrækja barnið mitt fyrirfram.

2007-06-04T23:22:00.000Z

margt góðra gesta hefur litið við undanfarna viku, ber þar helst að nefna þá félaga snorgil og kisa sem ég hef hvorugan séð í háa herrans tíð.

snorgill fer mikinn í pistli dagsins. það er svosem margt í mörgu en á meðan að konur ganga ennþá með börn er ekkert til sem heitir algert jafnrétti kynjanna. einfalt.

undirbúningur fyrir frekari dýrasýningar ágætlega á veg kominn. fastar sýningar kl 6 á miðvikudögum í dalnum og svo þvælumst við um eftir hentugleikum. við verðum til dæmis á akureyri 17.júní, þá sýnum við í kjarnaskógi.

hvað varð annars um sumarið sem hófst hér fyrir helgi ? fyrst fýkur suðurlandsundirlendið yfir mann og svo falla skýin eins og þeim sé borgað fyrir það.

það eru komnar aukapersónur í söguna af goddi og galdralurkinum, þær bullinprúð og röflinfríð.

annað er ekki í fréttum.

2007-05-30T23:44:00.000Z

plöggplögg: nýja myndbandið með ampop er komið út. þeir þokast æ nær geirvörtunum á heimsfrægðarbarminum...

2007-05-30T21:24:00.000Z

þá er bara að mæta á aðalfund á morgun og á tónlistardagskránna föstudagskvöldið komandi.

við úlfhildur förum ekki með vestur þar sem jg getur ekki tekið frí á mánudaginn. það er dálítið svekkj þar sem ég var búin að hlakka mikið til en við leggjum það ekki á úlfhildi að hanga í bílnum í sex tíma hvora leið með tæpu sólarhrings stoppi. sökum vanrækslu síðustu vikna getum við heldur ekki skilið hana eftir í næturpössun strax.
við mæðgur eyðum þá helginni bara í sólbaði í staðin.

síðustu forvöð að kjósa son hafsins í sjómannalagakeppni rásar tvö.

2007-05-28T21:43:00.000Z

jæja...þá hafa dýrin verið frumsýnd og við tekur tónlistardagskráin.
hún verður frumsýnd annað kvöld í kjallaranum og hefst kl. 9. ég get lofað hinni bestu skemmtan. dagskráin er svo flutt aftur á föstudagskvöldið og þá sitjum við að sumbli eins lengi og góða konan í kjallaranum lofar..:Þ.

morgundeginum verður eytt í áfallahjálp til handa úlfhildi sem hefur verið nær munaðarlaus undanfarna viku og skildi ekkert í því hvers vegna foreldrar hennar hurfu allt í einu. ekki það að hún var í góðum höndum hjá bestu mömmu í heimi sem kom sérstaklega að austan til að vera með krúttfríði meðan við vorum að æfa og vesenast.

ég er alveg að komast yfir þessa sértæku fóbíu mína fyrir að syngja fyrir framan fólk án þess að vera í karakter. það er bara búið að taka mig fimmtán ár. næsta skref hlýtur þá að vera að fá einhvern til að kenna mér að gera það almennilega.

2007-05-23T23:27:00.000Z

engilbarnið er eins árs í dag. húrra fyrir því. afmæliskaffi í næstu viku þegar tími gefst til.

ég er hundlasin. það sökkar. frumsýning á sunnudag og tónlistardagskrá á þriðjudag. bið til horguðanna að þeir sýni mér miskunn.

2007-05-18T21:46:00.000Z

afhverju í ósköpunum þarf alltaf allt að gerast á sama tíma? ég hef ekki tíma til að anda næstu tvær vikur. vantar klón hið snarasta til að sjá um barnið mitt meðan ég æfi allt sem þarf að æfa og sýni það sem sýna þarf.

hér getur að líta dýrin í hálsaskógi, við frumsýnum sunnudaginn 27.maí og þá verð ég vinalega og sjálfumglaða sníkjudýrið lilli klifurmús. það verða auðvitað allir að sjá því ég fæ lítið að leika lilla í sumar. mestmegnis verð ég góðborgarinn marteinn skógarmús en hef
smá viðkomu í abbamúsinni. (bjór fyrir þann sem fyrstur fattar þennan..)
síðan er tónlistardagskrá hugleiks þriðjudaginn 29 maí og föstudaginn 1.júní. aðalfundur hugleiks er fimmtudaginn þrítugasta og jón geir er að spila á minningartónleikum um jeff buckley téð þriðjudagskvöld. 29.

í dag kom hraunplatan i can't belive it's not happiness út eftir langa bið. útgáfutónleikarnir verða næsta föstudagskvöld, 25. maí í þjóðleikhúskjallaranum. laugardaginn annan júní brunum við svo vestur á þingeyri til að spila sjómannadagsball og knúsa tilfallandi ættingja.

2007-05-14T21:11:00.000Z

það er vor í lofti og vindur hlýr....

allt að gerast. æfingar ganga, barnið stækkar, ég er komin með útþrána. þessa sem fær mig til að langa að flytja mig út í garð komist ég ekki lengra út í náttúruna og vera þar fram í ágúst. keyra eitthvað út í buskann, sofa í tjaldi eða bara undir berum himni og vakna með döggina á andlitinu.
endalausar nætur.

nenni hvorki að blogga um júróvisjón né kosningar. hvort tveggja hálf glatað.

það er skrímsl í stofunni minni! 3 metra löng býflugnadrottning hefur ráfað inn undir gardínurnar og virðist líkleg til að færa sig lengra inn í stofuna. ég er skíthrædd við þessi fluguskrímsli á gamals aldri og sé enga lógík í því eins og ég var mikil pöddugæla þegar ég var yngri. kannski get ég talið mér trú um að barninu mínu stafi stórhætta af henni og ég þurfi því að virkja adrenalínpumpurnar og verjast.

eða ekki.
ég verð augljóslega að fara að fóðra krossköngulærnar mínar betur svo þær forði mér frá frekari innrásum af þessu tagi.

2007-05-06T22:53:00.000Z

þegar maður á annað borð rífur sig upp er best að gera að með stæl. hóf gærdaginn á líkamsæfingum í kópavogi, næst gönguferð um smárann sem var fylgt eftir með tónlistaræfingu, síðan burtfarartónleikum hjá matta hvaðan ég dreif mig á sýningu á söngleiknum legi í þjóðleikhúsinu. ágætis menningarútilega bara.
þessi dagur leiddi eftirfarandi í ljós: ég er bæði eldri og feitari en ég hélt. er þó hreyfanlegri en við mætti búast miðað við aldur og mörstuðul. þetta þýðir að ég get gert þau sirkustrikk sem þarf til að skila lilla klifurmús þokkalega á frumsýningu. sem er svosem ágætt. en þar sem ég sit og finn fyrir harðsperrum á undarlegustu stöðum hef ég ákveðið að í lok sumars komist ég aftur í araba-flikk-heljar án þess að blása úr nös. jahahá.

svo er ég að læra á ukulele.

2007-05-04T22:36:00.000Z

ég þarf að losna við tíu kíló. meðan ég hugsa af mér mörinn ( víst hægt ) ætla ég að sníkjublogga. hann ásgeir er nefnilega snillingur.

2007-05-01T21:13:00.000Z

byrjuðum daginn á því að syngja nallann fyrir afkvæmið henni til mikillar kátínu, ekki oft sem foreldrarnir vakna upp syngjandi. upp úr hádeginu kíktu rannveig og kjartan við með iðunni ösp í kommúnistakaffi. skemmst er frá því að segja að afkvæmin léku sér saman eins og englar fram eftir degi. steiktum kjúkling á teini á nýja grillinu í tilefni af verkalýðshátíð öreiganna.

bassaleikarinn í earth, wind and fire lítur út eins og klingoni á alsælu þegar hann spilar. læt innvígðum eftir að finna þúskjá því til sönnunnar.

2007-04-23T20:57:00.000Z

mánaðarlegan í kjallaranum var hin besta skemmtan sögðu þessir sjö sem mættu. ég er mjög stolt af mínu fólki og knús vikunnar fær gben fyrir að búa til stemmingu í þáttinn.

fimmtudagskvöldið er seinni sýning og þangað mæta allir góðir menn. laugardags-og sunnudagskvöldið fer fólk svo í loftkastalann til að styðja endurreisn rósenberg
einvalalið á sviðinu bæði kvöldin. svona getur nú verið auðvelt að skipuleggja vikuna, ha.

ég ætla að vera leikari í hjáverkum í sumar. það gengur bara alls ekki upp nema ég finni einhvern til að vera með úlfhildi á meðan æfingar standa yfir. svo veit ég ekki alveg hvernig þetta verður ef ég verð í mörgum sýningum í sumar. sennilega verðum við að fá okkur hjólhýsi. með butler og barnapíu. síst.

enn er ylfa í tyrkjalandi. hún er sennilega orðinn verðmætasta eign einhvers soldánsins...

2007-04-19T21:40:00.000Z

ég er í nostalgíukasti dauðans. man fólk eftir þessum þáttum?
nú langar mig til að horfa á sú kemur tíð, þrífætlingana, múmínálfana, prúðuleikarana....

það angrar mig meira en góðu hófi gegnir að úlfhildur fái aldrei að sjá sú kemur tíð í talsetningu guðna kolbeinssonar. það hlýtur að vera leið til að frelsa þættina úr geymsluklóm rúv...?