helgin var með ágætum, fórum í júrþópartý, hugsandi og tilbreytingaþyrstir aðdáendur botnleðju töpuðu fyrir grunnskólabörnum landsins. *andvarp* börnin munu erfa landið, það er nokkuð ljóst. fór á nellys og hitti svandísi og jonathan ásamt fríðum flokki. gafst upp á hávaðanum á nellys, og flúði á bæsta bar, þar sem ég lenti á spjalli við manninn sem málaði húsvegginn minn í bræðiskasti hér um árið. einkar athyglivert. er ennþá að reyna að átta mig á því hvernig það byrjaði. hmmmm....alveg ágætur drengur svosem, þegar hann er ekki vopnaður málningarpensli...
annars ber helst til tíðinda að jg festist í hálsinum, og þá meina ég pikkfestist. eyddum 2 tímum á slysó til að láta skrifa upp á haug af verkjatöflum, sem hann bryður næstu daga. svo: ef einhver vill vera góður í dag liggur hann einn í sófanum og gargar, úr leiðindum og sársauka til skiptis.
:(
hef hugsað mér að reyna landnám á eggertsgötunni í kveld til að horfa á fyrsta survivor þáttinn. athyglivert að stilla upp stelpum á móti strákum. (ég geri mér fulla grein fyrir þvi að allt er þetta fabrikkerað) en amazon er svæði hita, ógeðispadda og viðbjóðs. þetta verður ábyggilega sniðugt. annars ætti fangor náttúrulega að standa fyrir eigin mótmælum á austurvelli gegn slælegri þjónustu síma- og sjónvarpsfélaga við kvosina og gamla vesturbæinn. eigi höfum vér aðgang að breiðvarpi né skjá einum. og slíkt hlýtur að teljast mannréttindabrot á þessum síðustu og verstu heiladoðatímum. ég get ekki gleymt mér yfir helmingnum af þeim sjónvarpsþáttum sem vinir mínir fá að sjá! ég missi af! ég er ekki viðræðuhæf! svei því.....:Þ | fangor 14:42