yfirnorn ásta og égsjálf bárum nafngiftina "valkyrjurnar" með sóma í gær. við létum veðravíti ekki halda aftur af okkur og iðkuðum sund í laugardalnum. húrra fyrir okkur.
foreldrarnir flugu til heitari landa á hádegi, mikið sem mig langaði nú með. *andvörp*
jg er enn að drukkna í hori, greyið er búinn að liggja veikur síðan um helgi. sennilega hreiðrunin sem fór með hann.
ég lýsi eftir svandísi. ekkert hefur til hennar spurst síðan hún yfirgaf landið og þykir oss það allt hið undarlegasta. baulaðu nú svandís mín ef þú ert nokkurs staðar á lífi... | fangor 13:26
þriðjudagur, mars 28, 2006
við hjónin eyddum helginni að mestu í hreiðurgerð í góðum félagsskap foreldra minna. ótrúlegt hversu mikið ryk getur safnast fyrir á ólíklegustu stöðum.
Monkeys are intelligent and agile, well-adapted for jungle life as they swing happily from tree to tree. As a monkey, you are a social animal who prefers a warm climate, eats a wide range of food and is quick to learn new things. A monkey's tiny primate features are irresistable, as is her gregarious personality!
fyrsta leikstjórnin mín að baki, leikarar stóðu sig auðvitað með prýði og í raun ekki mikið sem ég þurfti að gera. fyndið mestmegnis á þeirra ábyrgð hvortsemvar. en ég fékk að titla mig stjóra og það er alltaf gaman .þ þeir sem ekki komust í gær mega endilega láta sjá sig á sunnudagskvöldið, sýning hefst stundvíslega kl.9. tónlistin er í boði svavars sem sýnir færni sína sem dinnerundirleikari.
hraunliðar spila tvö-þrjú lög í þættinum milli 6 & 7 í kvöld á skjá einum, hef aldrei séð hann en skilst að guðrún gunnars og felix bergsson sjái um hann, ætti að verða hin besta skemmtan. hljóðfæraskipan verður einföld, kontrabassi, kassi og kassagítar.
við ætlum að eyða helginni í að hanga heima og slappa af svona til tilbreytingar. ég ætla ekki að hreyfa mig út fyrr en á sunnudag, komist ég mögulega hjá því.
leikæfing dagsins gekk framar vonum og frábært að fá aðstoð frá sigrúnu valbergs til að hreinsa nokkur atriði betur. leikararnir mínir eru auðvitað frábærir og bæta við skemmtilegheitum á hverri æfingu. gaman í mínum bekk.
tilkynningar fyrst. reykvíkingar og nærsveitarmenn athugið: hin stórskemmetilega sveit ampop mun halda tónleika annað kvöld á skemmtistaðnum nasa við austurvöll. einnig munu þar koma fram sveitin dikta og hinn afarskemmtilegi hermigervill (sem ég á í sökustu vandræðum með að kalla ekki bjössa. þeir eru svooo líkir) mun enda kvöldið svo dansflón fái að hreyfa skanka eftir andaktuga setu yfir ampop. mikilvægt er að fólk flykkist á staðinn, svo látið endilega sjá ykkur og dragið alla sem þið þekkið með. ef þið eruð heppin komiði kannski í sjónvarpinu. til stendur að heimildarmynd verði tekin upp um kvöldið, sem þýðir að það væri vægast sagt neyðarlegt ef enginn mætti. vinaleg andlit vel þegin.
vatnalögin. fáránleg. öldungis hreint. það á enginn að hafa umráðarétt yfir vatnsbólum þó landið tilheyri. allt í lagi að fólk megi nýta það til eigin neyslu, en fram yfir það...hreint ekki. þetta er bara nýtt kvótakerfi sem fáir útvaldir geta grætt stórfé á.
herinn burt: gott. loksins. björgunarþyrlunar er vont að missa þar sem við þurfum á þeim að halda. það hefur sýnt sig og mun gera aftur. gæslan er of fjársvelt og illa tækjum búin til að ráða við allar aðstæður. svo er viðhald á alþjóðaflugvelli helvíti dýrt. fæ ekki alveg séð hvernig við eigum að geta bætt því við ríkisútgjöldin án þess að skera niður annars staðar....
kaffitár í kringlunni: sökkar. fór og keypti kaffidrykk. sem ég hef gert oft áður. nú bar svo við að hann hafði hækkað í verði um 210 krónur. ég var ekki alveg sátt og leitaði skýringa. ég pantaði drykk og bað um hann með tvöföldum expressó í stað einfalds eins og stendur í uppskriftinni. einfaldur expressó kostar 240 krónur, tvöfaldur 270 krónur. 30 króna munur. ef þessi viðbót á sér stað í kaffidrykknum mínum kostar hún hins vegar 240 krónur, semsagt 2x einfaldur expressó. hvernig fyrirtækið rétllætir þetta gat afgreiðslubarnið ekki útskýrt fyrir mér á annan hátt en það stæði í uppskriftinni og ef ég bætti við fengi ég annan einfaldann en ekki bara tvöfaldan til að byrja með. þrátt fyrir að þetta sé nákvæmlega sami hluturinn. þannig hækkar þessi drykkur sem kostar heilar 420 krónur til að byrja með upp í 660 krónur, sem er fáránlegt fyrir hálft glas af kaffi með limeberki og tabaskósósu til bragðbætingar. ég var fokvond en þar sem vesalings maðurinn minn var að deyja úr kaffiskorti færði ég honum drykkin með blóðbragð í munni. ég mun aldrei aftur versla við þetta kaffihús og vona að afgreiðslubarnið leggist í flensu. lengi.
þar sem síðustu póstar eru nöldurkenndir má skrifa undir með alþjóðlegu samheiti nöldrara;
hah! ég var að fá bréf frá tryggingastofnun. þeir eru að mögla um skort á atvinnu hjá mér í september á síðasta ári. vanti hana þurfi þeir að setja mig á fæðingarstyrk en ekki fæðingarorlof. nú á þessari stofnun að vera fullkunnugt um að ég var á launum hjá þeim í september á síðasta ári sökum veikinda, eins og reyndar allt síðasta ár, og það allt til á pappírum innan þeirra veggja. sennilega þarf ég að eyða bróðurpartinum af morgundeginum í símanum til að benda starfsmönnum á það, því það er ekki hægt að fá að tala við fólkið sem veit eitthvað nema í síma.
það sem mér finnst fyndið við þetta er að fyrst þeir hafa ekki launaseðla um vinnu samfellt í hálft ár fæ ég ekki fæðingarorlof, heldur fæðingarstyrk sem námsmaður. semsagt, fólk sem er aumingjar hlýtur að vera námsmenn. það gefur auga leið...:þ
ek em aftursnúin. sveitungar mínir fyrrverandi flykktust á tónleika, sama má segja um eyfirðinga en pestarbælið ísafjörður olli hins vegar vonbrigðum hvað mætingu varðaði. mætti ekki sá fjöldi sem hafði keypt miða sökum plágunnar sem ríkir í bænum. þeir sem komust af bæ skemmtu sér þó hið besta og er þá takmarkinu náð.
fyrsta æfing var í dag á einþáttungnum mínum og ég er hætt að fá taugaveiklunargeðbólgur við tilhugsunina um sýningu. þetta verður skemmtilegt. fékk prýðishugmynd að tónlist við hann í dag og vonast til að fá leynigest til að leika hana fyrir mig.
martini hefur verið greindur með athyglissýki á háu stigi. hann hafði lítið sem ekkert hreyft sig síðan á tónleikunum á föstudaginn svo ég var orðin áhyggjufull í lok dags. trillaði upp í hreiður og lét setja á hann mælitæki. eftir að ljósmóðirin hafði farið um hann höndum skipti engum togum að barnið sneri sér á alla kanta og baðaði út öngum sem mest það mátti. hann hefur eiginlega ekki stoppað síðan. ( það þarf væntanlega ekki að taka fram að mér leið eins og móðursjúkri hænu fyrir framan ljósmóðurina ) þetta lofar aldeilis góðu. ef það er engin tónlist og enginn að pota í hann ætti hann að sofa sólarhringunum saman...*hux*
eitthvað virðist vera að glæðast um leikara í einþáttunginn , vona að það verði allt á hreinu á mánudaginn svo æfingar geti hafist af krafti. mér finnst afar spennandi að henda upp svona örleikriti á tíu dögum, ekki síst ef ég fæ þessa stjörnuleikara sem eru í sigtinu til að vera með. tilraun mín til að véla bibba í hlutverk féll um kúbuferðina sem hann var víst búinn að skipuleggja, svo það er eins líklegt að jg taki þetta bara með trompi.
ég ætla að bregða mér heim í foreldrahús um um helgina, safna mér andagift úr austfirsku fjöllunum og ná að líta við í vinaminni.
örlítil auglýsing: ef fólk hefur hug á að sjá ampop tónleikana á nasa þann 17.mars er vænlegast að fjárfesta hið snarasta á miða.is, það ku vera mikil eftirspurn og eitthvað farið í forsölu.
óska landsmönnum öllum ánægjulegrar helgar. | fangor 12:18
þriðjudagur, mars 07, 2006
þessar lægðir eru alveg að fara með mig. andleysi svífur yfir vötnum, svo væntanlega mun ég falla manna fyrst úr fuglaflensunni ef ekki vænkast um hag vorn. (já það má klifa á eldri bröndurum þegar maður er heiladauður )
fór á minn fyrsta höfunda/leikstjórafund hjá hugleik í dag. varð þar úr að ég fæ að leikstýra einþáttungi eftir júlíu hannam á næsta mánaðarlega, 23 og 26 mars. jibbíkóla, fyrsta einkaleikstjórnin mín. mig vantar íðilfagra ungmey í aðalhlutverk, hef nokkra karlmenn í huga fyrir önnur hlutverk. loftur ætlar að taka að sér eitt þeirra, vonast til að aðrir sem ég leita til verði jafn liðlegir. martini virðist ætla að vera sammála móður sinni um kosningarnar í vor. hann heldur sig alfarið til hægri sem er þess valdandi að ég er ólétt öðru megin. það er fyndið. ferlega skrítið að vera þyngri í annari hliðinni.
ég ætla að reyna að vaka yfir hollywood-froðu ársins. nýr kynnir og svona. gæti orðið athyglivert. eða ekki. | fangor 21:18
laugardagur, mars 04, 2006
öldungis prýðilegt að búa við borgarstjórn sem tekur hagsmuni verktakafyrirtækja fram yfir hagsmuni almennings í borginni og kennir sig síðan við félagshyggju og fjölskyldugildi. formaður þessarar blessuðu skipulagsnefndar hefur ekki mætt á fund síðan fyrir jól sýndist mér, hann er sennilega enn að jafna sig eftir prófkjörið, enda læknir að mennt og hefur vit á að hvíla sig. ekki viljum við að hann fái hjartaáfall af álagi, kornungur maðurinn. það er auðvitað erfitt að vera ungstirni, maður þarf að brosa í svo mörgum fjölmiðlum í einu að maður hefur engan tíma til að sinna öllum þessum nefndum og ráðum sem maður er settur í. mikið held ég að hann verði nú fínn borgarstjóri.
ég rak augun í umfjöllun dv um skipulagsmótmælin áðan. hún er í fimmtudagsblaðinu. ekki fór svo að þeir slæðu upp tilfinngingaþrunginni fyrirsögn heldur notast blaðamaður við bréfið sem við sendum inn til skipulagsnefndar og lætur líta út eins og við höfum rætt við hann persónulega. sem er auðvitað fráleitt. sérlega vönduð vinnubrögð af hálfu þessa vandaða miðils eins og við áttum von á. engu er þó upp logið eða óþarfa bætt við, svo ég get ekki kvartað yfir því. hins vegar virðist arkitektinn sem rætt var við vera með brenglað tímaskyn þar sem hann heldur því fram að "alltaf" hafi staðið til að byggja upp á lóðunum. það stóð ekki til þegar við keyptum þessa íbúð fyrir 5 árum síðan, enda voru lóðirnar þá í eigu sama aðila og seldi okkur íbúðina. við mótmæltum fyrstu tillögum sem gerðar voru að uppbyggingu fyrir 3. árum síðan, gátum ekki mótmælt næstu tillögum þar sem þær voru keyrðar í gegn meðan við vörum í sumarfríi. ( hentugt, finnst ykkur ekki að auglýsa í blöðunum um miðjan júlí svo að enginn taki eftir því og senda íbúum engin bréf um breytingarnar ) en ef tveggja ára tímabil þar sem lagðar eru fram tillögur er orðið að "alltaf" hef ég greinlega eitthvað misskilið það orð. sennilega er þetta sami arkitekt og skipulagði almenningstorgið í garðinum mínum hér um árið því hann hafði einfaldlega ekki tekið eftir því að garðurinn væri eignarlóð. gaman að því. | fangor 14:51
fimmtudagur, mars 02, 2006
ég eyddi ljúfum stundum í nornabúð í dag. var þar til brúks orðið jafnhæfingur sem er orð vikunnar. það ku notast um klaufdýr sem er jafnhófa, eða með jafna tátölu á hófum sínum. þeir sem hafa þrjár tær á hófi hljóta því að teljast oddhæfir. hvers vegna fólki hefur þótt nauðsynlegt að skilgreina klaufdýr eftir fjölda táa þætti mér gaman að vita. eru til mörg klaufdýr með þrjár tær?
nýjasta trendið í netheimum er myspace-kerfið. þar eiga allir góðir einstaklingar að skrá sig, og setja sig svo inn á vinalistann hjá ampop. það er víst málið í dag að eiga nógu marga vini á þessu kerfi. það þykir vélmennum plötufyrirtækjanna fínt og við viljum víst gleðja þau. þannig verður maður nefnilega fræg og rík rokkstjarna í útlöndum. þar ku gott að vera, segja menn. tekur stutta stund að skrá sig og jafnvel hægt að nýta sér þetta kerfi til allra mögulegra hluta.
ek hefi fundið lausnina á færslutakmörkunum bloggers. það þarf að taka út public-statusinn í settings og þá eru manni allar lengdir færar. | fangor 19:32
ég var næstum því búin að gleyma bjórdeginum. til hamingju með hann.
lesendur eru greinilega ekki alveg siðlausir, öndinni var bjargað á síðustu stundu. hún lifir nú hamingjusömu lífi á tjörninni ásamt öðrum andfuglum, sem koma væntanlega til með að verða okkur til bjargar þegar fuglaflensan kemur. löngu vitað að andfuglar núlla hina út, svona eins og pasta og antipasta. afhverju ætli anorexíusjúklingarnir hafi ekki uppgötvað það ennþá?
listahátíð í ár er tileinkuð tónlistinni. í boði eru þrjár obscjúrar óperur meðal annara atriða. ég hefði nú alveg þegið eitthvað meira í ætt við brasilíska kvennakórinn og finnska harmonikkubandið. vonast til að eitthvað fleira áhugavert leynist á dagskránni þegar hún kemst á prent.
Monkeys are intelligent and agile, well-adapted for jungle life as they swing happily from tree to tree. As a monkey, you are a social animal who prefers a warm climate, eats a wide range of food and is quick to learn new things. A monkey's tiny primate features are irresistable, as is her gregarious personality!