fangor flúði til netheima


skrítna fólkið:

hr. muzak
snorgill
skotta
sigga lára
siggadís
loki
jódís
heiða skúla
bróðir minn í fjarskanum
rósa elísabet
maría mágkona
varrius
gambrinn
eva
yfirnorn ásta
tröllatíkin
áslaug
gummi erlings
gben
þrási metal
valkyrjan fyrir vestan
breki
júlljúll

hljómsveitirnar mínar:

hraun
ampop
hálfvitarnir

fluguveggurinn:

siggi pönk
stebbi páls
pallih
matarkonan
ari páll og lilja
kiddi
davíð þór

skemmtilegt:

nornabúðin
foreyska poppsidan
baggalútur
nornaklúbburinn naflaló
leikir
allur heimsins matur
wulff morgenthaler
nördadót
hugleikur
athyglisýkin

letihaugar:

eðlukonan dísa
guðfinna
halla
hæfileikarinn
raritet
nornirnar






eldri skrif:

 


laugardagur, desember 30, 2006

 
maður má hafa sig allan við til að sólbrenna ekki. ég á eftir að fá hroðalegt sjokk við að koma aftur heim í myrkrið.

lífið er afskaplega ljúft við okkur og við jg erum búin að sjá út af leiðir til að dvelja hér í einhvern tíma og ná inn smávægilegum aukatekjum. sumar af þeim fela í sér sölumennsku á vinum og vandamönnum. meira um það síðar.

ég leita nú leiða til að komast hjá því að þurfa að eyða áramótunum innan um fulla íslendinga með flugelda. maður hefði haldið að ferðalag til spánarstranda dyggði. en nei. *andvörp*

|



mánudagur, desember 25, 2006

 
Kæru vinir.

Við óskum ykkur öllum gleðilegra jóla, megið þið njóta friðar og góðra stunda með þeim sem ykkur þykir vænt um. Við vonum að nýjárið verði ykkur ánægjulegt og þökkum fyrir samfylgdina á því liðna.

Nanna, Jón Geir og Úlfhildur Stefanía

|



föstudagur, desember 22, 2006

 
var ég búin að gleyma sambandi mínu við guðina? fárviðri á íslandi og seinkanir í london. tilviljun?

|



fimmtudagur, desember 21, 2006

 
þetta er fyndið. rakst á þetta hjá honum kidda.

bara rúmlega dagur þangað til ég fæ manninn minn heittelskaðan til mín. vona að skítaveðrið heima tefji ekki för hans um of og treysti á guð hinna yfirfullu flugvalla til að skila honum áfram frá london. standsted á þorláksmessu? bara tilhugsunin vekur viðbrögð. svona hlaupa um í panikki tafsandi íííík! viðbrögð.

annars höfum við það ljómandi gott. okkur hefur verið hálfkalt síðustu tvo daga, hitinn farið niður undir tíu-tólf stig. næturnar eru kaldar, það var þriggja stiga hiti síðustu nótt. þá er eins gott að hafa vin minn herra gasofn hér við höndina til að hita upp íbúðina. ávextirnir vaxa samt sem aldrei fyrr. mér skilst að nú sé sætasta uppskeran fyrir höndum því haustrigningarnar hafa verið með ágætum og kuldinn hefur einhver áhrif. ég hugsa að ég myndi láta mig falla hið snarasta væri ég appelsína í 3 stiga hita í þessu raka loftslagi. en það er nú bara ég.

hverjir eru búnir að fá jólakortin frá okkur? ef einhver telur gróflega á sér brotið þegar kemur að heimtum þá biðst ég afsökunar nú þegar.

|



mánudagur, desember 18, 2006

 
myrkrið er mjúkt og appelsínurnar vaxa á trjánum í garðinum. sólarupprás og sólsetur, sólin kemur upp fyrir sjóndeildarhringinn og fer á svipuðum tíma hvern dag, henni fylgir hitinn. sítrónur vaxa alls staðar þar sem hægt er að festa rætur. í veröldinni ríkir friður, hér loka verslanir eftir hádegið svo starfsfólkið fái mat og hvíld. enda engin ástæða til að vera með neitt stress, þær opna aftur um fimmleytið. á sunnudögum er lokað. tími til að hvíla sig og eyða með fjölskyldunni. einstaka jólagerpi má finna á mörkuðum og í skranbúðum, svona fyrir túristana. annars merkilega lítið vesen. enda fjölskylduhátíð fyrir dyrum, ekki geðveikisástand með tilheyrandi taugaáföllum í janúar. ég á eiginlega erfitt með að ímynda mér að fyrir nokkrum dögum hafi ég verið að svitna yfir því að jólin væru á næsta leyti. núna hlakka ég til að fara út að borða með fjölskyldunni á gamlárskvöld og er að líta í kring um mig eftir stað til að heimsækja á aðfangadag. förum sennilega á nýjan stað sem bíður upp á hvers kyns austurlenskan mat. sushi í stað hamborgarhryggs? hví ekki.

á morgun ætlum við að heimsækja pálmaborgina elx sem er hér við bæjardyrnar. þar vaxa döðlur á hverjum pálma. þar er líka skóverksmiðja. *þegar hér er komið við sögu ættu kunnugir að sjá mig fyrir sér á stað þar sem skórnir kosta minna en banani og reyna að sjá út hvernig ég flyt 300 skópör og ungabarn með tilheyrandi heim til íslands..:þ*
sem betur fer var lítið úrval í bookworld í dag. annars gæti ég væri ég í alvarlegum vandræðum. (og jú, það er nauðsynlegt að versla sér til óbóta annað slagið) þetta gæti líka verið áhugavert. er það ekki gummi?

ég ætla að fá mér meira rauðvín og anda að mér ilminum af rökkrinu.

|



föstudagur, desember 15, 2006

 
enn eina ferðina sýndi engilbarnið að hún ber það nafn með rentu. flugferðin gekk eins og í sögu, hún svaf fyrstu tvo tímana og lék sér restina. sjarmeraði alla nálæga farþega með fádæma skapgæðum og nældi sér í afa í næstu sætaröð sem hjálpaði okkur með farangurinn. hún virðist líka kunna vel að meta veðráttuna og dauðfegin að geta aftur sofið úti við á hverjum degi. það þarf vart að taka fram að móðir hennar er ekki minna ánægð með veðurfarið og hryllir við heimkomu í janúar. eins gott að við erum að fara að flytja, þá ég hef engan tíma til að svekkja mig yfir kulda og roki.

við höfum það semsagt ljómandi gott utan söknuðar eftir jóni geir en hann skilar sér eftir rúma viku. þá verður allt fullkomið.

ég við fólk vinsamlegast um að hringja ekki í mig nema brýna nauðsyn beri til, heldur má senda sms eða tölvupóst á gmil.

|



þriðjudagur, desember 12, 2006

 
eitt af uppáhalds lögunum mínum í dálítið sérstökum búningi. og nú langar mig í alltaf finnur maður eitthvað sniðugt hjá honum ásgeiri..

engilbarnið er enn með háan hita, hálsbólgu og hor. hún er þó merkilega hress með ástandið og hefur fullt fararleyfi, það ku jafnvel vænlegra að nýta suðrænar sólskinsstrendur til að ná úr sér íslensku vetrarhori. það er auðvitað bara gott.

ég er í geðstropskasti yfir öllu sem ég á eftir að gera. pakka niður, senda jólakortin, kaupa jólagjafir, redda allskyns hlutum...sveiattan barasta. held að ég hafi verið að slugsa við þetta undanfarið til að ná dálítilli spennu í líf mitt, fá svona prófastemningu. þá er bara að hella upp á fítonskaffi með gingsengtei og láta hendur standa fram úr ermum. verst að þá finnst mér eins og ég eigið að vera á andarunganum með sígarettuna í annari og pennann í hinni. en það er víst ekki vel séð með brjóstamjólkinni og gangast aukinheldur ekki nokkurn skapaðan hlut.

*bölv*

|



mánudagur, desember 11, 2006

 
það er kannski verið að segja mér eitthvað? í gær bilaði nýja barnakerran okkar og í dag er engilbarnið mitt sárlasið. litla greyið er með yfir 39 gráðu hita og hor í nösum. við stefnum beina leið til læknis. foj!

|



laugardagur, desember 09, 2006

 
jóladiskurinn hennar tótu hefur verið linnulítið í geislaspilara heimilisins síðan á þriðjudagskvöldið. hann er algerlega uppáhalds og verður órjúfanlegur partur af jólahaldi okkar héðan í frá. ég ætla að gefa báðum ömmunum mínum hann í jólagjöf og jafnvel fleirum. diskur þessi heitir "það besta við jólin" og er eftir hana þórunni guðmundsdóttur. diskinn má nálgast hjá höfundinum sjálfum.

helgarföndrið er svo að skoða félagaskrá hugleiks. hún er alveg með ólíkindum, það er ótrúlegasta fólk sem hefur verið flækt í tengslanet félagsins. fyrsti félagi á skrá er til dæmis aðalbjörg nokkur svandís. þori að veðja að lesendur allir finna einhvern sem þeir þekkja og líklega einhvern sem þeir vissu ekki að hefðu tekið þátt. hæ, hó, allir sem einn..

|



föstudagur, desember 08, 2006

 
heyriði krakkar. jólalag hrauns komst í úrslit í jólalagakeppninna hjá rás 2. það væri nú ósköp fallegt af ykkur að hlusta og kjósa. þarna sungum við ásta eins og englar og heyrist við óma enn, þó að það sé nú reyndar ekki tekið fram. við erum auðvitað órjúfanlegur partur af bandinu svo það er kannski óþarfi, ha, hmmm..?

það eina sem mér þykir leiðinlegt við að vera erlendis yfir jólin er að ég missi af jólatónleikunum þan 22. des. það hefur ekki gerst áður. ég er heldur ekki búin að taka upp jólalag fyrir plötuna í ár. stórskandalar allt saman. treysti á að fólk taki höndum saman og flykkist á rósenberg til að koma sér í jólaskapið. einhver má búa til youtube innslag og senda mér takk.

aðsóknarmet ku hafa verið slegið á jólabónusnum í gærkveldi og er það vel. fullt af nýju fólki orðið aðdáendur og við munum slá öll met í almennum aðsóknum á ári komanda. ekki spurning.

úlfhildur gerir pilatesæfingar eins og fagmaður þessa dagana. þeir sem vilja sjá hana áður en við förum verða eiginlega að kíkja í kaffi um helgina. mánu- til miðvikudags fullbókaðir.

|



miðvikudagur, desember 06, 2006

 
jólabónus hugleiks var sýndur í gær við góðar undirtektir. er á engan hallað þó ég segi að síðasti þátturinn á dagskránni "mikið fyrir börn " eftir dr.tótu í leikstjórn hrefnu hafi staðið upp úr. hann var ekki bara feiknavel sunginn heldur með eindæmum vel unninn af hálfu leikstjóra og skemmtilega leikinn. húrra fyrir þeim. einnig var forleikurinn "skurður" eftir sigga hinn skemmtilegasti, þó ívið fyndari fyrir þá sem sáu hannyrðir. sem styrkir þá skoðun mína að formaðurinn eigi að skrifa einn enn og svo sýnum við trílógíuna alla í vor. nýliðun var með meira móti í þessari dagskrá og efnilegt fólk á ferð, verð að hrósa siggu láru fyrir að finna fleiri sviðsvæna karlmenn til handa félaginu.

allir sem mögulega geta ættu að koma á fimmtudagskvöldið, húsið opnar um hálfníu og dagskrá hefst 21:00. jafnvel þó fólk komist ekki fyrr en seint!

|



mánudagur, desember 04, 2006

 
hér er allt við sama heygarðshornið. ég setti niður í kassa. húrra fyrir mér. enn er samt eftir ógrynni af dóti. ég er að hugsa um að setja upp smáhlutakassa við útihurðina og leyfa gestum að taka með sér ef þeir vilja svo ef einhver hefur haft ágirnd á einhverju af dótinu mínu er um að gera að koma í heimsókn og athuga hvort ég nenni að flytja með það. við þurfum að fá okkur eldhúsborð ásamt stólum, þurrkara og ískáp í nýja húsið og ég er þegar farin að bíða eftir janúarútsölunum.

okkur langar í píanó í nýju stofuna svo ef einhver veit um heimilislaust píanó má láta mig vita, ég mun hugsa vel um það. það verður að vera í lagi nota bene, ekki með hálfum nótum eða týndum og hægt að stilla það.

ég fer út eftir rúma viku og er farin að búa mér til alls kyns áhyggjuefni fyrirfram. til dæmis er ég fokvond yfir því að við skulum fá nestlé barnagrautarpakkana á dönsku því þá sé ég ekki hvað hafragrauturinn sem ég gef úlfhildi heitir á spænsku. mér hefur ekki tekist að finna fixies bleyjurnar á alnetinu nema á þýskri síðu. á pökkunum eru samt upplýsingar á spænsku svo ég held í vonina um að þær finnist í stórmörkuðunum. svo er nett taugatrekkjandi að sjá fyrir 8 tíma ferðalag með 6 mánaða gamalt barn. 3 tímar í leifsstöð ættu að líða hjá á augabragði. 4 tíma flugið hins vegar, biðin á flugvellinum úti eftir farangrinum getur alveg verið klukkutími. sé mig fyrir mér ströggla með barnakerru, bílstól, töskukerru og gargandi ungabarn í fanginu. eins hollt að ég hef komið mér upp rótreynslu. svo er bílferðin heim 40 mínútur. *svitn* ég væri minna stressuð ef ástkær eiginmaður minn væri með í för en hann kemur ekki fyrr en á þorláksmessukvöld. ég er að sjálfsögðu farin að ímynda mér að hann verði fastur í london um jólin þar sem hann þarf að millilenda og skipta um vél og allskonar.

ég reyni að halda gleði minni með því að skoða veðurspána. í dag var til dæmis 25 stiga hiti og ég losna við jólastressið hérna heima. sem er gott. litlar konur með ungabörn geta haft jákvæð áhrif á fólk, ég fæ örugglega einhvern til að hjálpa mér í gegn um flugstöðina úti. jájájá, aldeilis hreint. hugsa jákvætt, hugsa jákvætt, calm blue ocean calm blue ocean....

það er nú gott að maður gerir sér grein fyrir þvi hvað maður er geðveikur. það hjálpar ekkert sérstaklega samt.

|



laugardagur, desember 02, 2006

 
ég skaust í vinnu í örskotsstund í dag, hjálpaði jg að manna kringluna. yfirnorn ásta hlaut vígslu inn í heim dressmannstarfsmanna og vonum við að henni hafi ekki orðið meint af. það er ekki heiglum hent að byrja á nýjum stað í svona látum en hún stóð sig með prýði.

seinnipartinn sat ég ásamt fríðu föruneyti í afmælisboði hjá henni silju og var það allt hið huggulegasta. litlu ljótu hálfvitarnir léku fyrir dansi við góðan orðstír.

vesalings ofkeyrði maðurinn minn er veikur og mátti ekki við því í öllum látunum. ég vinn að heilsugaldri honum til heilunar.

|



Powered By Blogger.
Weblog Commenting by HaloScan.com