mikið óskaplega var nú gaman um helgina. brúðkaupið hjá áslaugu og matta var dásamlegt, athöfnin skemmtileg og veislan hin prýðilegasta. eftir veislu fórum við jg út á álftanes og spiluðum í ammli, héldum svo á kofann og dönsuðum eins og vindurinn. stemmningin var þó orðin dálítið skrítin þar á köflum svo við flúðum heim um fjögurleytið. sunnudagurinn allur var hin notalegasti. í morgun leit út fyrir að pestin hefði náð mér en svo virðist sem hún sé á hröðu undanhaldi svo ég ætla að fara með úlfhildi í gönguferð um skóginn á eftir, hún komst ekki til dagmömmunnar í morgun vegna veikinda þar á bæ svo hún þarf að hanga heima með mér og það er lítið gaman að hanga inni þega sólin skín. eftir óveður undanfarinna daga þorir maður heldur ekki annað en að stinga út nefinu þegar gula fíflið lætur sjá sig, hver veit hvenær það gerist næst..
meðan ég man: ég er að taka til í bókasafninu mínu. hvern vantar eitthvað að lesa? | fangor 14:13
fimmtudagur, september 20, 2007
súpergott hraungigg á næsta bar í gærkveldi. leiðinlegt fyrir ferningana sem mættu ekki. robert jordan er látinn. leiðinlegt fyrir þá sem voru ennþá að eltast við wot ruglið. (þetta segi ég hafandi síðustu árin vaknað reglulega upp með andfælum sökum hræðslu við að george r.r martin hrökkvi upp af áður en hann nær að klára song of ice and fire ) leitin að æfingahúsnæðinu eina stendur enn yfir. ég er farin að örvænta. | fangor 22:33
laugardagur, september 15, 2007
allt að gerast. ég fann loksins fólk aftur sem nennir að dansa með mér eins og vindurinn og bíð spennt eftir að komast meira út að dansa. hroooðalega gaman. við hjónakornin bættum við fólki í safnið sem hefur gaman af því að spila og nennir að keyra upp í sveit til að leika við okkur. líka gaman. vikulega matarboð á planinu til að borða gúmmelaðið og sérviskurnar sem annars skemmast í frystinum, spennandi. engilbarnið er byrjað hjá dagmömmu og unir sér hið besta. ég þarf reynda ennþá að flýja heimilið meðan hún er að læra að sofna sjálf úti í vagni því annars heyri ég öskrin í henni heim og fæ hroðalegt samviskubit yfir að vera að kvelja barnið mitt hjá vandalausum en það stendur nú allt til bóta. hún er farin að borða sjálf og hefur tekið ástfóstri við nýju stígvélin sem hún var að fá. fæst ekki úr þeim innandyra með góðu móti og helst vill hún spranga um í bleikum gúmmístígvélum með dúkkuvagn svo eitthvað virðast nú kvenlegurnar í henni virkari en þær voru í móður hennar í barnæsku. vetrarstarf hugleiks er hafið og með miklum ágætum. verður þetta leikár ár hinna hugleiksku leikstjóra sem ætti að vera fagnaðarefni. einhver slæmska hefur herjað á feðginin en ég stend enn sem komið er. hef hug á að svo verði áfram. einn,tveir og kvefsúpa! | fangor 21:24
fimmtudagur, september 06, 2007
ég var næstum búin að gleyma... flekka er komin af fjalli. | fangor 16:16
mánudagur, september 03, 2007
hún skotta mín tók þessar líka drellifínu myndir af henni úlfhildi stefaníu. hún náði meiraðsegja nokkuð krúttlegri mynd af okkur mæðgum saman sem telst til afreka þar sem ég festist frekar illa á filmu. ég hlakka til að byrja í nýju vinnunni minni. rölti við í dag og gekk akkúrat inn þar sem verið var að stofna flunkunýjann kór svo ég þarf ekki að leita langt yfir skammt. gaman. | fangor 22:23
laugardagur, september 01, 2007
það lítur allt út fyrir að veturinn verði viðburðaríkur og nóg að gera á sviðum leik og tónlistar hjá okkur jg báðum. þá er bara að finna tíma til að gera allt sem mann langar án þess að vanrækja engilbarnið. kann einhver að búa til klón?
ég tók til í hlekkjalistanum. þyki einhverjum almennur skortur af sér má senda inn athugasemdir. | fangor 00:29