það var gaman á árshátíð. gaman að þykjast hjálpa til í barnaammli. (afrekaði að rífa niður ost á 2 pizzur. húrra fyrir mér) það var gaman að hitta áslaugu. það var gaman á moonbots.
sunnudagur fór í dýralækni, kaffidrykkju og að búa til mat fyrir tengdó sem er með brotinn hryggjartind. ( vont )
dagurinn í dag fer í að fylgjast með ketti, gefa lyf, tala við lögfræðing og ganga frá mótmælum við deiliskipulag reykjavíkurborgar, heimsækja ónýta yfirnorn, gera skattframtal, þrífa 1 stk. íbúð, senda manninn með hauginn í þvottahús......og síðast en ekki síst: vinna.
á morgun verður svo frumsýning á kvikmyndafrumraun fangors, sem tekin var fyrir 3 árum síðan. er ekki laust við að stress læðist að mér. er reyndar að ég held á tjaldinu í 3 sekúndur, og segi eina hallærislega setningu, en sama. óþægileg tilhugsun að vita ekki hvort maður hefur gert sig að algeru fífli eða bara smá..:Þ
hitti nokkrar samnornir yfir kaffibolla í gær. bíð eftir frásögn af svaðil/bólförum spunkhildar á eldjallaeyjunni.
er enn með sundhugsanir. held að ég sé hreinlega að skipta um lífsskoðanir, meta allt upp á nýtt. það er auðvitað alltaf jákvætt. gott að þroskast aðeins. verst að mér finnst ég ekkert vera að þroskast. þvertek með öllu að vera deginum eldri en 20....og hananú!
hef boðið mig fram sem hjálparkokk í barnaafmæli á morgun. jú, rétt. barnaafmæli. ég. fullt af börnum með hávaða og læti. ég. í barnafmæli. öruggt merki þess að ég er að missa vitið..:Þ þetta er þó aðallega hugsað sem undirlétting fyrir raritet sem er dugleg og lærir, vinnur, og gerir alls kyns trix fyrir vini sína. hún á alla aðstoð í heiminum skilið. það er annað en ég, sem er að drepast úr leti og aumingjaskap.*andvarp*
í dag er dagur hárs og fegurðar. fer til gunnhildar eftir hádegið og fæ nýtt og fegurra hár....one must maintain oneself, þegar maður er stjarna. fara á hipp&kúl staðina í viðhald. svo er ölstofan akkúrat við hliðina, þar er víst mjög kúl að hanga.
náði engu stoppi hjá minni ástkæru raritet í gær. þarf að bæta úr því. hitti þó nýtt og spennandi fólk. þarf að skoða það betur. kannski ég líti við á eggertsgötu eftir hár og fegurð?
fann snorgil minn aftur. hér felur hann sig dægrin löng, og daðrar á útlensku. tíhí.
almáttugur...hvað á maður að gera þegar einhverfur og almennt skrýtinn einstaklingur sest uppá mann til að ræða um það á hvers ábyrgð völd saddams eru í írak?? samsæriskenningar um bandaríska milljarðamæringa, rockerfeller og stjórnvöld í usa....svo náttúrulega fléttast geimverurnar inn í þetta allt saman....jæks. og fangor þolinmæðin og kurteisin uppmáluð. plís einhver kúnni koma, sími hringja, eitthvað......
engin sniðug próf til að taka í dag. er að velta fyrir mér leiðum til að geta amk. útskrifast í febrúar fyrst að gottihrotti gerir mér lífið leitt. þarf að tala við guðna, og námsráðgjöf líka. sé til hvort ég geti komið á hann höggi gegn um kerfið. eini maðurinn sem er kominn á langtímaplan hjá mér, svona "i'll get you for this, he-man..." . bíði hann bara. kannski ég gefi út nýja herramannabók: herra skálkur.....tíhí.
veit annars ósköp lítið í hausinn minn í dag, ringluð og utanvið mig. alls kyns skrýtnir hlutir að synda um í huganum, enginn stoppar nógu lengi til að ég geti fengið botn í hvað hann er að gera þar. hmmmmm. veit einhvernveginn ekki alveg hvar ég er stödd. langar í gott kaffi hjá raritet
bara svona vera með..: ég er annað hvort súkkulaði eða vanilla. ég er kóróna eða dólgshattur. ég er margskiptur persónuleiki...jibbí!
I am Chocolate Flavoured.
I am sweet and a little bit naughty. I am one of the few clinically proven aphrodisiacs. Sometimes I can seem a little hard, but show warmth and I soon melt. What Flavour Are You?
I am a Crown.
I'm regal and proud. People instinctively follow my lead, so I don't even have to try. Sometimes it's a drag. What Sort of Hat Are You?
I am a Pimp Hat.
I have a certain extravagant flair. Where I go, people take notice. I like to seem important. What Sort of Hat Are You?
jæjajæjajæja. það er víst þriðjudagur. og fangor að falla í flokk þeirra blogglötu. betur má ef duga skal:
það er ógisslega gaman að búa til sushi. klístrað og subbulegt, en gott á bragðið.....(?)hehe. laugardagskvöld:karrýpottur hjá svandísi og jónatan. við þömbuðum vatn og spiluðum á spil, settleg og ráðsett sem við erum.
þess utan er lítið spennandi í fangorlandi, vottur af flensu segir til sín, sem er nú ekki í frásögur færandi. en ég færði nú í frásögu samt. undarlegt. það fer að verða eins og að skoða læknaskýrslur að lesa hér yfir...
í dag er föstudagur. það er ákaflega skemmtileg staðreynd. fangor fer í sushi-matarboð í kvöld. spennandi.
sigga lára hefur loksins verið samþykkt af hinum kröfuhörðu stjórnendum bloggers. það má þvi fylgjast með ævintýrum hennar á austurlandinu.
það er ljóst að egilsstaðir verða næsti rokkbær, heimkynni rokkstjarna eins og mín, dúkkulísanna og fleiri góðra sveita. svo er slára náttúrulega rithöfundur og leikritaskáld, þetta er allt að gerast.
fangor hrópaði og varð blautt&kalt ásamt öðrum byltingarsinnum og kommúnistum á lækjartorgi í gær. 100 rokkstig fyrir það. stóð fyrir aftan heiðu sem var með strákinn sinn í pólitísku uppeldi. tókst ekki að komast á forsíðu morgunblaðsins þrátt fyrir að vera með 5 ára gamalt ofursætt barn í fanginu sem hrópaði með af innlifun nálægðin við heiðu dugði heldur ekki. ég hefði þurft að finna palla klikka ekki á því næst!
þá er það bara að mæta á gaukinn um helgina í rokk gegn stríði. sé nú reyndar ekki fram á að ég troði upp, þar sem bandið mitt hefur ekki verið stofnað ennþá. nema auðvitað ég og blokkflautuleikari dauðans flytjum gjörning.....hmmmm.
en það skiptir nú ekki öll máli að troða upp, heldur að mæta og vera kúl. stefni að því að komast inn í hverjir voru hvar, það er góð byrjun. mig vantar reyndar spons á brúnkukrem, vonlaust að ætla að reyna að halda úti sólbrúnkusætu á eigin kostnað. set umbann minn í það.
þega því er lokið verð ég að dúkka upp í séð og heyrt, kynnast ásdísi rán og einhverjum þáttastjórnandanum á skjá1.
þá er bara að húkka upp stílista, ætli skjölli myndi taka mig að sér?
maður verður náttúrulega að hafa stíl, og glamúr. mæta á réttu staðina. politically correct er í tísku núna, svo fangor mætir á austurvöll kl. 17:30. á ég að mæta í rokkdressinu, eða spila mig sem "einn af fjöldanum" að mótmæla? svona "við erum öll jöfn að mótmæla" pæling? eða kannski vera með rauðan klút á hausnum eða eitthvað svona trix, sem sker sig aðeins út. eða bara að finna pál óskar og hanga við hann, myndavélaathyglin sem sá drengur fær er náttúrulega aðdáunarverð. og ég get kannski stolið smá.....:Þ
*andvarp*. það var svosem auðvitað. lokabardaginn við tönnina verður ekki háður fyrr en í næstu viku. kemur upp úr dúrnum að fangor er með lengstu tannrætur sem tannsinn minn hefur séð, 22mm, hvorki meira né minna. á nettum konum eins og mér þýðir þetta að tannræturnar ná vel upp undir nef !
það er nú dáltið´rokk í því, ég get notað röntgenmyndirnar sem cover á fyrsta cd-inn minn.....sem verður þá auðvitað að heita tannrætur dauðans. eða hin langa rót....
mætti of seint í vinnuna í morgun og er með skítugt hár. það er ágætis byrjun. svo fer ég í lokabardagann við áratönnina með tannsa eftir hádegið. ætti náttúrulega ekki að fá deyfingu, til að halda rokkkúlinu.
ég er búin að fá tilboð frá blokkflautuleikara. á því er bara einn galli. blokkflautur eru ekki rokk. tull voru með þverflautu, sem er hægt að gera rokk úr. demónísk blokkflauta?
.... veit ekki....
" War does not determine who is right. War determines who is left. "
!!!! ég á ekki til orð. hvað á þetta eiginlega að fyristilla?? er þetta lið á tilverunni ekki að gera sér grein fyrir fáfræði og heimsku íslenskra unglinga sem lesa svona lagað?? hvað í ósköpunum er að "líta út eins og múslimi"??? getur maður virkilega labbað upp að næsta manni og áætlað...hmmmmmmmm, þetta er nú greinilega múslimi. þessi er nú pottþétt kristinn....osfrv.
vissulega ljótt ef satt er að verið sé að byrla fólki eitur á skemmtistöðum borgarinnar. og full ástæða til að hafa varann á. maður treystir vinum sínum til að passa upp á sig, ef eitthvað fer verulega úrskeiðis.
en almáttugur að stimpla fólk svona, og halda að það sé virkilega nóg að taka fram að það sjáist að fólk sé múslimskt. það getur kannski einhver útskýrt fyrir mér hvernig þetta lýsir sér?? eftir því sem ég best veit geta múslimar verið allt frá því að vera hvítir á hörund yfir í mjög dökka. það þýðir að ég verð aldeilis að passa mig þegar ég geng um göturnar, hér eru bara allir líklegir eiturbyrlarar! og fólkið sem rekur nellys? ef það veit af 20 manna hóp sem sækir staðinn til að byrla íslenskum djammgelgjum eitur, lætur það slíkt viðgangast??
ber einhver ábyrgð á því sem fólk lætur frá sér fara þarna á tilverunni?? nóg eru íslenskir unglingar fordómafullir samt ( margir hverjir-ekki allir, tek það fram) þó þeir fái ekki svona heimskulegar styrkingar á opinberum vettvangi. ég er nú ekki fylgjandi ritskoðun, en þetta hefði mátt orða aðeins öðruvísi, finnst ykkur ekki??
ágætis helgi alveg hreint. föstudagskvöld fór ég út að borða á caruso þar sem ég fékk góðan mat í kósi umhverfi en frekar slappa þjónustu.
laugardagsvköldið borðaði ég humarsúpu ástarinnar hjá tuma & heiðu, spiluðum við ástu, raritet, litla bróður og ragnheiði. það var skemmtilegt.
ég, ásta og ranveig héldum út að höstla. toppuðum allt með því að skella okkur á kaffi reykjavík og dansa við gamlar eurovisjón lummur, og áttum dansgólfið. húmorinn datt þó tiltölulega fljótt af því, svo þær stormuðu á 22, en ég heim í bælið, enda ekki nokkur karlmaður höstlvænlegri en minn eigin..:Þ
hef sett á stefnuskrá að koma mér upp á 22 næst þegar ég er í dansstuði. allt of langt síðan ég hef dansað eins og vindurinn einhversstaðar. það er bara eitthvað svo langt þarna upp á laugaveg sko.....
annars sit ég hér bryð pillurnar mínar svo kjálkinn á mér láti mig í friði. bölvuð tönnin reyndist náttúrulega vera andsetin, og hefur tekist að eitra út frá sér niður í bein. ég hef beðið samnornir mínar að magna upp krafta sína til að særa þetta niður í eitt skipti fyrir öll.
ég er að fara í rótfyllingu kl. 14:00 að staðartíma. við höfum mínútu þögn í minningu tannar, sem féll fyrir aldur fram. ytra byrðið mun standa áfram þó sálin hafi verið fjarlægð.
en.... sálarleysi tanna er víst bara fínt mál, þar sem þær missa þá hæfileikann til að angra mann frekar.
aaaaaarrrrrrgggggghhhhhh!!!!!! ég get látið skera í mig af alls kyns læknum hvar sem er á/í líkamanum - nema í tönnunum. ég meika ekki tannlækna. að vera illt í tönnunum er bara vont, og engin leið til að losna við sársaukann, þar sem hann er einhvernveginn svo langt inni í hausnum á manni að hugsunin er króuð inni af vontvontvontvontvont.....
bara svona að ná þessu út..........
og svavar kom ekki í heimsókn í gærkveldi. ég skulda einn 500 kr. seðil. græddi annan. kem út á sléttu. en svavar....þetta lítur ekki vel út....:Þ
hahahahahaha...........ég var að skoða nýja deiliskipulagið fyrir "reitinn" minn. reykjavíkurborg þykist ætla að troða húsum alls staðar í kring um mig, sem er svosem sök sér ef þau eru ekki of há, en toppurinn í þessu plani er samt leiksvæðið og torgið sem er plantað niður:
í miðjum garðinum mínum...........!!!
einhver hjá skipulagi borgarmála hefur allverulega kúkað á sig þegar þetta plan var gert. fyrir utan það að borgin hefur engan rétt til að taka lóðina mína eignarnámi undir göngustíga og almenningsgarð, hvaða tilgangi ætti þetta torg að þjóna, þegar búið er að byggja allt í kring um það, þangað skín aldrei sól vegna þess að húsin mynda skugga frá 11 á morgnana fram til c.a 6 á morgnana. jibbí!! og hvað ætti maður svo sem að skoða þarna? bakhliðarnar á öllum fallegu steinstyptu húsunum í kring? fá svona breiðholtsfíling einhvern í miðbæinn? eins og það sé ekki nógu erfitt að halda fólki úti frá garðinum mínum, þó ég fái ekki göngustíga í gegn um hann miðjan! og torg í skugga í steinsteypukassa er eins absúrd og hægt er að hafa það. auk þess er sérstaklega tekið fram í þessu plani að ekki sé gert ráð fyrir bílastæðum við þessi 3 nýju hús, sem hvert er með amk. 3 íbúðir. nú er bílastæðavandinn þarna mikill eins og staðan er í dag, en að bæta við 9 íbúðum í viðbót? án bílastæði?? þegar sérstaklega er einmitt tekið fram í reglum þessarar sömu skipulagsstofnunar að ekki megi reisa nýbyggingar í miðbænum án þess að gera ráð fyrir bílastæðum undir eða við þær. hvað á maður að segja við svona vitleysu?
fangor segir skipulagsyfirvöldum stríð á hendur!!!!! grrrrrrrrrrrrr hálfvitar!!! vér vígbúumst, sjáiði fyrir ykkur fangor hlekkjaðan við grjótvegginn með tár á hvörmum " nei, bjargiði vesturbænum! hér er verið að fremja umhverfisspjöll... umhverfismat hefur ekki farið fram........snökt" ef ekki má líka fá lánaða litlu sætu bombuna sem bandaríkjamenn voru að auglýsa í dag. þá þarf barasta ekki að byggja neitt nýtt, vegna þess að það verður enginn vesturbær..
þeir sem þekkja fólk sem býr við norðurstíg eða neðsta hluta vesturgötunnar vinsamlegast bendið þeim á að skoða skipulagið, mótmælaréttur er til 7. apríl. og vér mótmælum öll!!!!!
vitiði.....mikið lifandis skelfing er ég heppin með manninn minn, fjölskylduna, ættingja og vini. mínir nánustu eru allir sem einn í sérflokki.
það eru ekki allir svona heppnir. og ég er afskaplega þakklát öllu yfir og allt um kring.
dagurinn byrjaði annars ágætlega, það var bytta á bílastæðinu sem reyndi að sníkja af mér pening, hefur sennilega ætlað að vera ógnvekjandi en mistókst vegna þess að lyktarskýið sem fylgdi honum hefði sjálfkrafa ýtt manni fjær, ef hann nálgaðist um of. þarf greinilega að fara að eitra þarna í vesturbænum. morar allt í unglingi og óþjóðalýð.
ég fer á hádegisfund hjá vr " hvernig á að laða fram það besta í fólki". verður áhugavert. kannski tekst þessum fyrirlesara að laða fram það besta í mér. veitir ekki af, ég er búin að vera eitthvað svo bitchy undanfarna daga, og pota hornunum í allt og alla. sem er ekki ákjósanlega staða. þó að ég treysti þeim sem þekkja mig auðvitað til að vita að ég meina ekkert með hnútukastinu, er ekki þar með sagt að ég hafi vit á þvi að passa mig á að styggja ekki fólkið sem þekkir mig ekki. þetta er auðvitað þverstæðukennt viðhorf. hverjum er ekki sama um fólkið sem þekkir mann ekki?
en ég lagast eftir smá, engar áhyggjur. það þarf bara að klóra mér á aðeins á bakvið eyrun, þá fer ég að mala á ný.
svona upplifanir eins og í gær (nánari útskýringar kalla á kaffispjall) kenna manni að meta það sem maður hefur. og það að fólk skuli umbera mig þrátt fyrir alla mína meingalla, er mér oft á tíðum óskiljanlegt.
annars heyrir til tíðinda í kvöld, svavar ætlar að kíkja við í sína fyrstu heimsókn á vesturgötuna. kemur í ljós hvort það stenst ;Þ
ég ætla í grafarvoginn að hitta kosovo-farann frækna. eyddi fullt af tíma í dag í að leita að upplýsingum um finnskan listaháskóla fyrir ofurtöffarann og herramanninn ( mjög sérstök samsetning, virkar þrælvel ) hann breka frænda minn.
þessi skóli lítur út fyrir að vera svo skemmtilegur, að mér er skapi næst að skella mér bara með.....eða ekki.
langar til að hitta fólk sem fer út úr húsi, áhugasamir endilega hafið samband eftir 5. | fangor 14:57
stórfréttir: nornasveimurinn naflaló heldur sigurgöngunni áfram!
hér eru allar norninrnar saman komnar á einn stað.......spennan er rafmögnuð....... | fangor 11:17
húrra fyrir elfu & gunna dór!!
frábær sólarhringur að baki í mosarima. góður matur, gott vín, ( hvort tveggja í temmilegu óhófi ) skemmtileg spil, sætir kettir, magnaðasta formúlukeppni síðustu ára- need i say more??
beitti taktík um helgina og skráði okkur í alls kyns leiki á brúðkaupssýningu dauðans. má vera að hægt sé að lækka kostnað. sem er auðvitað gott.
fangor sér þó ekki hvernig venjulegt fólk á að getað haldið veislur á þessum síðustu og verstu sölumennskutímum. einhver snillingurinn sem var að vinna í kring um batteríið um helgina hélt því fram að meðalverð á brúðkaupi í dag væri 1,200,000 kr. aðeins.
hvað á maður svo sem að segja við svona fullyrðingum? Hvað er eiginlega að þýða??!!!! hvað verður það næst?? ókeypis vín og tóbak? tónlist sem hæfir sem undirspilvið flökunárauðsprettuásíldarplaniáseyðisfirði?? hvað er eiginlega að þessari þjóð??!!
hvernig er annars planið fyrir kvöldið??? rannveig? ásta? svandís? heiða?? | fangor 13:04
.....*söngl*...been through the desert on a horse with no name.......af einhverjum ástæðum vöknuðum við jg bæði með neil young á heilanum í morgun, byrjuðum samtímis að söngla. veit ekki alveg hvað þetta á að fyrirstilla. tákn kannske? ætli við höfum fengið vitrun í svefni og ekki fattað hana? hvíla örlög alls heimsins á herðum okkar, og allt er undir því komið að við munum hvað okkur dreymdi ? sennilega höfum við svo fengið sitt hvorn helminginn af vitruninni, og þurfum að púsla henni saman....þá veltur allt á því að púsla rétt.......
æææææææææææææjjjjjjjjjjjji...........ble. átti stefnumót við gústafsberg seinnipart gærdags og fram á kvöld. fangor er framlágur í dag, og finnur svolitla löngun til að skella sér á trúnó við félaga vileroy&boch.
spunkhildur er að flytja í bæinn, sigga lára að koma heim, formúluhelgi framundan...........lofar allt saman góðu. spennandi vor framundan. | fangor 11:57
miðvikudagur, mars 05, 2003
þessi dagur ætlar að verða ótrúlega spennandi. stökk á mig grandavarlausa einn fulltrúinn af efri hæðinni sem spurði mig hvort ég skrifaði undir nafninu fangor. ??? jújú, stemmir. "gaman að því" sagði hann þá með undirfurðulegu glotti, og lét sig hverfa.
þetta er fyndið. einhver vökuliðinn sem er fastalesandi svabba hefur væntalega verið að spyrja hvað þetta eigi að fyristilla. og ég sem hélt að það tæki enginn eftir þessu...döh!! þeir sem hafa mætt í kaffi og síg til mín í vinnuna skilja mætavel hvað þetta snérist allt um, og hefði ekki átt að taka nema 10. mínútur að taka þessa ákvörðun.
þess utan hef ég ekkert út á vinnu meirihlutans í ár að setja. finnst þeir reyndar eigna sér heldur stóran hluta af málefnum sem unnið hefur verið í síðustu ár, en ble. ég kaus háskólalistann því ég hef fengið nóg af hægri/vinstri umræðu í tenglsum við hagsmunabaráttu.
nóg um það. fyndið að koma með svona " ég er að fylgjast með þér" komment yfir morgunkaffinu.......hæ brynni1...good day to you too............( man aldrei hvor er hvað, þeir heita 1 & 2 hjá mér) (( stundum Gög & gokke )) | fangor 10:36
þriðjudagur, mars 04, 2003
haldiði!! hér flykkjast inn gamlir félagar. sísímó er mætt, þá vantar bara þá moradim og elthander latharien. er þá wanaberidge-fjölskyldan fullkomnuð.....:Þ | fangor 15:33
jæja.....er þá loks kominn tenging við alnetið. hér eftir getur fangor því látið ljós sitt skína af vesturgötunni. því ber fagna.
brúðkaupsáform fangors hafa vakið gríðarlega athygli og viðbrögð. er það vel. fangor hefur þó orðið var við vankunnáttu vina sinna á landfræðilegusviðinu.
: sko.....
strandakirkja er ekki vestur á ströndum. hún er staðsett milli þorlákshafnar og grindavíkur, nálægt herdísarvík. ekki það að ég klökkni hálfpartinn yfir trú félaga minna á ofurkröftum mínum, að ætla að gifta mig í 8 tíma keyrslufjarlægð vestur á ströndum, og bruna svo til baka og halda veislu-samdægurs:Þ
ég get nú ýmislegt, vissulega. en slíkt er meiraðsegja mér ofaukið....hehe. annars er þetta ekki nógu góð mynd. hún er nebblega tekin úr fjörunni. kirkjan stendur nánast fyrir opnu hafi og brimið þarna er stórkostlegt .
við sendum út boðskort þegar nær dregur, svo örvæntið ekki ef ég hef ekki hitt á ykkur til að bjóða til veislu.
og nei, ég fer ekki í brúðkaupsþáttinn já. nei-það eru engar brúðarmeyjar ( þó að mig hafi lengi dreymt um að vefja svandísi og rannveigu inn í bleikan hrylling með slaufur á rassinum og láta þær tölta inn gólfið og dreifa rósarblöðum meðan þær tóna brúðarmarsinn...) og nei-það er ekkert amerískt og vellu-viðbjóðslegt í gangi. vér höldum dansleik, og allsherjarskemmtun. engar langar ræður, ( pabbi fær þó undanþágu, hann má tala eins og hann vill ) ekkert heimsulegt gæs-eða steggj. bara gaman.
