fangor flúði til netheima


skrítna fólkið:

hr. muzak
snorgill
skotta
sigga lára
siggadís
loki
jódís
heiða skúla
bróðir minn í fjarskanum
rósa elísabet
maría mágkona
varrius
gambrinn
eva
yfirnorn ásta
tröllatíkin
áslaug
gummi erlings
gben
þrási metal
valkyrjan fyrir vestan
breki
júlljúll

hljómsveitirnar mínar:

hraun
ampop
hálfvitarnir

fluguveggurinn:

siggi pönk
stebbi páls
pallih
matarkonan
ari páll og lilja
kiddi
davíð þór

skemmtilegt:

nornabúðin
foreyska poppsidan
baggalútur
nornaklúbburinn naflaló
leikir
allur heimsins matur
wulff morgenthaler
nördadót
hugleikur
athyglisýkin

letihaugar:

eðlukonan dísa
guðfinna
halla
hæfileikarinn
raritet
nornirnar






eldri skrif:

 


fimmtudagur, apríl 27, 2006

 
nörd dagsins af síðu siggudísar:


Next month, (on Thursday, 4th of May ) at two minutes and three seconds after 1:00 AM in the morning, the time and date will be

01:02:03 04/05/06

kúl!

|



miðvikudagur, apríl 26, 2006

 
veðurspámenn lofa hitabylgju með tveggja stafa tölu næstu daga. ég mun því bæta mér upp almenna ljótu og bjúgsöfnun með sólbrúnku. húrra fyrir því !

hið ofvirka og drellifína leikfélag hugleikur sýnir annað kvöld leikritið lán í óláni eftir hrefnu friðriksdóttur í þjóðleikhúskjallaranum, klukkutíma verk sem veltir upp afar áhugaverðum spurningum. miðapantanir hér . jón geir er að leika einkar skemmtilegt hlutverk svo það er skyldumæting fyrir þá sem ekki mæta annars. önnur sýning á sunnudagskvöld. þetta er næstsíðasti hluti hins dagskrárinnar þetta mánaðarlega sem hugleikur hefur staðið fyrir í allan vetur. síðasta dagskráin verður helguð tónlistinni, þar verða flutt brot af því besta sem hugleikarar hafi samið gegn um tíðina. nefndin þarf að velja úr næstum 200 lögum. var ég búin að minnast á það hvað mér finnst þetta leikfélag dásamlegt ?

hraunverjar ætla að spila á tónleikum í iðnó 4.maí, það er kvöldvaka einhverskonar á vegum vg en gallhart hægrifólk lætur það ekkert á sig fá og mætir til að sýna drengjunum stuðning. það kostar nebblega ekkert inn.

mér finnst hugmyndin um kvikmyndaverðlaun kirkjunnar sniðug. illa auglýst hátið sem ég hefði gjarnan viljað sækja. að minnsta kosti gaman að sjá hvaða mynd fær verðlaunin.

ég held að ég hafi verið að finna sviðslausn fyrir borgarleikhúsuppsetninguna á í öruggum heimi ef svo illa vill til að ég geti ekki notað barinn. húrra fyrir því líka.

ætlar enginn að setja neinar reglur um allt það efni sem rúv á í fórum sínum ? upptökur síðustu áratuga ? menningararfur þjóðarinnar er geymdur hjá þessari stofnun og þarf að koma í veg fyrir að hann gæti verið seldur úr okkar eigu. svona eins og grunnet símans hér um árið. sem núna á að selja aftur fyrir milljarða. sem þjóðin átti. grrrrr....

|



sunnudagur, apríl 23, 2006

 
þetta finnst mér athyglivert. ég ætti kannski að hætta að kvarta....

This Is My Life, Rated
Life:
8.2
Mind:
7.2
Body:
8.2
Spirit:
8
Friends/Family:
8.2
Love:
7.3
Finance:
6.9
Take the Rate My Life Quiz


gaman að vita hvað aðrir fá út úr þessu.

|



laugardagur, apríl 22, 2006

 
mig langar á færeysku innrásina á nasa og á sýningu á mærþöll í kvöld. sé fram á að komast hvorugt sökum grindverkja og óþols til langrar dvalar annars staðar en í sundlaugum eða eigins sófa. samkvæmt reglunum ætti ég að geta komið þessu barni frá mér eftir tvær vikur með góðri samvisku þó tæknilega séð gætu verið sex vikur eftir ef hann þrjóskast við. ef til þess kemur sé ég ekki fram á að geta hreyft mig til að koma þessu barni lönd né strönd, svo einn, tveir og áhrín!

svosem aldrei að vita, stóratburðum í lífi okkar jg hafa jafnan fylgt náttúruhamfarir, það er hafið hlaup í skaftá...

|



miðvikudagur, apríl 19, 2006

 
frændur okkar færeyingar nota svo falleg orð yfir hlutina.vakurleikaviðgerð er svo miklu hljómfegurra orð en lýtaaðgerð finnst ykkur ekki? og ótrúlega lógískt eitthvað. allir að fjölmenna á færeysku innrásina komandi laugardag á nasa

hverjum finnst sér greiði gerður með nýja samningnum um atvinnuflæking milli landa? þekkið þið marga sem langar til að ná sér í vinnu í rúmeníu ? og þó það væri spennandi, hefði efni á því sökum lágra launa? eða lyktar þetta alfarið af því að íslenska hagkerfið þarf fleira fólk sem er tilbúið að vinna fyrir lágmarkslaun svo að fyrirtækin þurfi ekki að ráða dýra íslendinga í vinnu ? reyndar fækkar íslendingum stöðugt í láglaunastörfum þar sem fæstir hafa lengur efni á að vinna fyrir lágmarkslaun. mér finnst líka alveg fínt að fólk losni þá undan íslenskunámskeiðum og því að kynna sér almenn réttindi og skyldur á vinnumarkaði, ég er alveg viss um að það kemur farandverkamönnum frá fyrrverandi austtantjaldslöndum til góða. alveg. örugglega. misnotkun á ódýru vinnuafli ? neinei. það kemur örugglega ekki til. ekki fyrst það er stundað nú þegar. lagast örugglega. og allir græða, er það ekki?

það er svo við h æfi að skrifa litla sundlaugarrýni. klébergslaug á kjalarnesi er svona lítil sveitalaug, um 20 metrar. þar er einn heitur pottur, lítil sólbaðslaug, gufubað og rennibraut. ekki stór, en rennibraut engu að síður. hún stendur á mjög fallegum stað, gæti verið með útsýni yfir sundin blá og verið hin huggulegasta ef ekki væri fyrir þá staðreynd að hún stendur akkúrat í mesta rokrassgati landsins. til að þessi laug verði íveruhæf sökum vinda sem að henni steðja úr öllum áttum þarf að hækka skjólveggina um amk. helming og gera á þá glugga úr plexigleri til að fá smá útsýni úr lauginni. einnig þyrfti að mynda skjólveggi úr torfi utan um húsið eins og reynt hefur verið að gera við leikskólann sem stendur við hliðina. eða hreinlega bara byggja alveg yfir hana eins og innilaugina í árbænum. klébergslaug fær eina og hálfa stjörnu fyrir aðstöðuna en þrjá kuldahrolla fyrir vindhviðurnar.




|



mánudagur, apríl 17, 2006

 
ég gleymdi barasta alveg að blogga umsystur . hér er á ferð hið ágætasta stofudrama, sem myndar skemmtilegt mótvægi við sýrukenndari uppfærslur vetrarins, feiknavel leikið og leikstjórn hin prýðilegasta. hin besta skemmtan og aðstandendum öllum til sóma. ég verð nú bara að taka fram að ég er stolt af því að fá að vera með í leikfélagi sem tekst að sýna tvö frumsamin íslensk verk í fullri lengd auk fjölda nýrra einþáttunga á einu og sama leikárinu, unnin og leikin af félagsmönnum. hugleikur stendur að því leitinu mun betur en atvinnuleikhúsin og sjálfstæðu leikhóparnir. laust við að fjölmiðlar hafi áhuga á því samt, sem verður að teljast athyglivert í ljósi þess að öll blöð fyllast andakt í hvert sinn sem borgó eða þjóð sýna nýtt verk eftir íslenskan höfund. sama hversu vond þau eru, minnumst " bandanna á milli okkar" hér um árið. *hrollur*. einhvernvegin er eins og fólki finnist sér ógnað af dugnaði hugleikara. oft á tíðum erfitt að skilgreina á milli "alvöru" og amatörs" og þá er voðinn vís. enda gerði hópur í leikskáldafélaginu tilraun til að útrýma hugleikurum úr þeirra röðum fyrr í vetur. þá átti að setja skilyrði inn um uppsetningar hjá atvinnuleikhúsi til að öðlast rétt til félagsaðildar. afþví að leikskáld er ekki í alvöru fyrr en þeim tekst að fá sett upp eftir sig þar. örugglega engin reðuröfund fólgin í því að sjá leikskáld fá sett upp eftir sig verk jafnvel oft á ári, það hlýtur að vera óþolandi þegar enginn vill manns eigins..... þessu var afstýrt. enda fáránlegt í alla staði. álíka gáfulegt og að gera kröfur um að rithöfundar væru gefnir út hjá eddu eða bjarti til þess að fá að kalla sig rithöfunda.
nóg um það. páskahátíðin hefur verið með ágætum, maðurinn minnn elskulegur dekrar við mig og fátt að gera annað en njóta. erum að hugsa okkur til hreyfings í dag, komumst að því að við eigum eftir sundlaug á höfuðborgarsvæðinu til að máta. ( fyrir óinnvígða höfum við hjónin þau markmið að brúka allar sundlaugar landsins auk þess að versla í öllum kaupfélögunum. hið síðarnefnda hefur mér tekist svo nú eru bara örfáar sundlaugar eftir. já, það er gott að hafa áhugamál..:þ ) það ku vera klébergslaug í kjalarneshverfi. sólbrúnku verður því safnað við esjurætur í dag.

|



fimmtudagur, apríl 13, 2006

 
þá er búið að ferma sögu litlu , heiða getur farið að búa sig undir ömmuhlutverkið fljótlega :þ veislan var með afar skemmtilegu sniði þar sem fermingarbarnið sjálft var í fyrirrúmi, skreytingar eftir hana, fúsi froskur á kökunni og matur sem henni finnst góður. ég óska þeim mæðgum innilega til hamingju með viðburðinn, megi fleiri taka sér þetta til fyrirmyndar.

fríður hópur hittist í laugardalslauginni í morgun, var sá hittingur ánægjulegur í alla staði. örlar jafnvel á smá lit á annars gráu hörundi voru og er það vel. nóg að vera feitur þó maður sé ekki fuglaskítshvítur í ofánálag.

best að setja inn fleiri tilgangsleysispróf, svona til uppfyllingar:

Your Love Life Secrets Are

Looking back on your life, you will have a few true loves.

You're a little scarred from your past relationships, but who isn't?

You expect a lot from your lover - you want the full package. You tend to be very picky.

In fights, you speak your mind and don't hold back. You know you're right, and you can get quite angry about it.

Break-ups can be painful for you, but you never show it. You hold your head high.

|



mánudagur, apríl 10, 2006

 
mánudagur. rigning. *geiiisp*

You Are an Excellent Cook

You're a top cook, but you weren't born that way. It's taken a lot of practice, a lot of experimenting, and a lot of learning.
It's likely that you have what it takes to be a top chef, should you have the desire...


. stórt klapp fyrir yfirnorn ástu.

|



laugardagur, apríl 08, 2006

 
stórtíðindi í nágrenninu, siggalára orðin gift kona og freigátan skýrð gyða. ég óska þeim innilega til hamingju.

samnornir vorar vígja nýja salinn sinn, það þýðir væntanlega að fyrirhugaðir fundir á fullum tunglum verða að veruleika. jibbíkóla.

ég á undarlegan nágranna. hann svarar ekki dyrabjöllunni nema einhver hafi hringt á undan sér, svarar seint eða ekki þó barið sé að dyrum og forðast að leysa úr vandamálum sem upp koma í húsinu eftir fremsta megni. svo fær hann endalaus bréf frá lögfræðistofnunum út um allan bæ. einhvernvegin kæmi mér ekki á óvart þó ég finndi allt í einu lík í kjallaranum. nú eða heimsóknir frá handrukkurum. hann sagðist kannski vera að flytja út um mánaðarmótin. vonandi gengur það eftir.

hugleikur frumsýnir "systur" næstkomandi miðvikudag, í möguleikhúsinu við hlemmtorg. hin súperflinka doktor tóta er höfundur, vinur vor varríus leikstýrir og eðalleikkonur í hlutverkum. þangað mæta auðvitað allir sem vilja teljast hippogkúl.

svo eru hrauntónleikar á rósenberg í kvöld.

|



fimmtudagur, apríl 06, 2006

 
ég lagaði þvottavélina. alveg sjálf. get því haldið áfram að leika húsmóður með ástríðu fyrir stórþvottum. húrra.

milli þvotta hef ég dundað mér við að föndra. fann skemmtilegan stað fyrir þá sem hafa tíma fyrir dundur.


ástþór er kominn heim og gistir hjá okkur þó ekki sé það lengur á sófanum. það þykir mér skemmtilegt.

einþáttungurinn minn komst að í borgarleikhúsið, við hæfi að monta sig af því þó auðvitað sé það allt leikurunum að þakka. nú og höfundinum, júlíu hannam. sem er töff þó hún sé stelpa...:þ

ég þarf nauðsynlega að komast yfir frímiða í leikhús, bæði borgar og þjóð. þeir sem liggja á slíkum og fyllast löngun til að gefa mér þá endilega hafa samband....

|



mánudagur, apríl 03, 2006

 
andskot! ég setti í þvottavél með kríladóti og fór svo í grindkvalasundið mitt. þegar ég kem til baka er kjallarinn á floti tugir lítra af vatni í öllum geymslum. hvað gera alltofóléttar konur í svona aðstæðum? jú, þær hafa vit á að hringja í tryggingarnar til að fá einhvern til að soga vatnið upp. þegar því er aflokið leggjast þær niður og grenja yfir því hvað allt er ómögulegt og erfitt og gera risastórt vandamál úr því að þurfa hugsanlega að fá sér nýja þvottavél án þess að hafa hugmynd um það hvort ekki er bara hægt að laga.

ég bara nenni þessu ekki lengur. enn og aftur, næsta kona sem ég heyri lýsa yfir dásemdum meðgöngu fær kjaftshögg. *fnæs*

|



sunnudagur, apríl 02, 2006

 
formúll í kópavoginum í dag. mér varð á að sprengja button í loft upp á síðustu metrunum. mun passa mig héreftir, greinilegt að áhrínihæfileikarnir magnast upp með martini innanborðs. verst að ég hef ekki hugmyndaflug til að nýta mér það til neins gagns.

skógareldarnir á mýrum hafa verið slökktir, er það vel. verst að nú er búið að auglýsa almennan þurrk upp fyrir brennuvörgum svo búast má við sinubrunum um alla borg næstu daga.

hér má finna skrif litla vandræðabarnsins hans sindra eldon um hljómsveitir í músíktilraunum þetta árið. skrifað inn fyrir úrslitakvöld tilraunanna. drengstaulinn situr af einhverjum ástæðum í dómnefnd, og finnst við hæfi að láta svona lagað frá sér. framhald umræðnanna er á síðu 6 í þræðinum. hvers vegna árni matt tekur upp hanskann fyrir gerpið er mér óskíljanlegt. hvað þarftu að gera til að teljast vanhæfur í dómnefnd ef svona lagað dugar ekki til ? þetta er þvílík vanvirðing við keppendur. ég er alveg á því að gefa þessum afar illa upplagða einstaklingi frí frá umheiminum í dálítin tíma. svo mætti einhver gjarnan taka sig til og rasskella hann bara.

sveiattan.

|



laugardagur, apríl 01, 2006

 
hef þjáðst af svefnsýki síðustu daga, ef ég næ ekki að leggja mig um fjögurleytið er voðinn vís. martini liggur undir grun um endurhvarf til vampýrismans. enginn hörgull virðist ætla að vera á verkefnum handa jg að dunda við meðan við bíðum eftir barninu, mitt félagslíf hefur hins vegar hrapað nær núllpunktinum með hvejum deginum sem líður. sem er auðvitað alveg hreint óþolandi. ekki er heilastarfseminni fyrir að fara svo allar ætlanir um reitgerðarskrif eru vonlausar. ergó....: þeir sem hafa tíma til að leika við mig milli 10 og tvö á daginn láta vita takk :þ.

|



Powered By Blogger.
Weblog Commenting by HaloScan.com