jahér. allt í einu kominn fimmtudagur. það er klikkað að gera hjá mér í vinnunni, og þegar henni lýkur leggst ég beinustu leið í sófann minn og sofna yfir sjónvarpinu. nett fráhvörf farin að gera vart við sig, það er óþægilegt að sjá klukkuna verða 8 og það er ekki búið að sminka, enginn búningur, engin sýning.....
gerði undantekningu frá sófakartöflustatus í gærkveldi og hitti föður alheimsins. við spáðum í lífið og tilveruna um stund, sem að vanda var einkar ánægjulegt.
sakna raritetsins míns ósköp mikið, en nú styttist óðum í heimkomu hennar og krílisins. vona að þær hafi það sem best.
ef einhver vill leika við mig á morgun þá er ég í fríi. skipulagt hefur verið vondumyndakvöld um kvöldið. innipúkahátíð verður á vesturgötunni yfir helgina fyrir þá sem ekki nenna verslunarmannhelgarveseni þetta árið.
....2. frábærar sýningar að baki, þakka ber þeim sem mættu og skemmtu sér með okkur, var þar margt góðra manna/kvenna en nokkurra andlita saknaði ég þó. aukasýning í kvöld. þeir sem ekki komust um helgina hafa ekkert sér til afsökunar, mæting 7:45 við rafveituheimilið. skemmtilegt ævintýr á gönguför...miðapantanir í síma: 848-0745.
heldur voru draumarnir blautir í dalnum í gær. vona að við sleppum fyrir horn á general í kvöld. ekki viss um að frumsyningarformið verði upp á marga fiska ef svo heldur sem horfir. nema náttúrulega við breytum þessu í
" shakespeare-underwater! " sýningu.....hmmm? syndandi bokkar milli hríslnanna sem þykjast vera tré.....skemmtileg pæling. legg til að við sýnum eina sýningu í árbæjarlauginni, bara til að prófa..:þ
miða má panta í síma 848 0745 eða á netfanginu synir@li.is. miðaverð er aðeins 500 krónur. Aðeins verða sýndar verða tvær sýningar í Elliðaárdalnum, sú fyrri laugardaginn 26. júlí kl. 16:00 og sú síðari sunnudaginn 27. júlí kl. 20:00.
í ótengdum fréttum er mest lítið. partýplön fyrir 16. ágúst eru komin vel á veg. betur má þó ef duga skal, næsta vika verður sennilega undirlögð af niðurneglingum og fyrir-horn-reddingum. svo nenni ég eiginlega ekki að pæla í þessu meir, velti restinni á veislustjóra vorn .
hormónasveiflur dauðans eru að fara með mig. ég ýmist rýk upp í geðsýkiskasti, fell saman af þreytu eða grenja yfir örlögum heimsins. svei því,. ekki það sem vantar þegar frumsýning er á næsta leyti. vesalings leikfélagarnir mínir. til að bæta gráu ofaná svart hefur minn betri helmingur flogið af landi brott í land sumarsins. vonandi skemmtir hún sér hið besta, á meðan ég rigni niður í elliðarárdal...
í ljósi ofangreindra aðstæðna er því gaman að minnast á verkefni kvöldsins: ég fæ að snoða 3.karlmenn. með bartskera,skæri og sköfu að vopni. þvílíkt gaman, hæ og hó! (vonum bara að engum þeirra detti í hug að stríða mér...:þ) | fangor 16:50
6 tonn af bókum til að ganga frá. texti að lokalagi til að læra.hreyfingar til að mastera. rennsli með áhorfendum annað kvöld. generalprufa. frumsýning, önnur sýning, hugsanlega 3 og 4 sýning. næsta vika: svefn. þarnæsta vika: fegrunaraðgerðir hefjast. ( leifarnar af sminkinu skafnar af andlitinu ). næstu tvær:fiskidagurinn mikli á dalvík 9.ágúst. almennur lokaundirbúningur. 16. ágúst: gifting með tilheyrandi gleðskap.
ó er ekki gaman, ó er ekki gaman, ó er ekki gaman að lifa.....:þ | fangor 14:01
laugardagur, júlí 19, 2003
30 stiga hiti og rjómablíða á seyðisfirði. fólk að búa til tónlist. fólk í sirkus.fólk að stensla graffiti. fólk að hanna auglýsingar. fólk í magadansi. heimildamynd í vinnslu.
....ekki má gleyma leynigestinum. þetta er til á filmu. ætti ég að senda konunni hans...?:þ | fangor 12:42
vá, þvilík helgi! raritet , ásta og heiða, takk fyrir mig, ég elska ykkur allar! þeir sem mættu til að gleðjast með mér fá líka bestu þakkir fyrir skemmtunina. sérstaklega ber að þakka elvuálfi sem mætti sárlasin og hélt uppi geðveiku stuði eins og sést hér sumir gestirnir virðast reynar hafa verið í annarlegu ástandi:þ
fangor fékk sumsé gæsapartý um helgina, sem endaði í partýi hjá leikfélaginu mínu og leikfélagi hafnarfjarðar. eins og sjá má hér fannst minns gaman. hver getur svo toppað það að sitja á hafnarbakkanum klukkan 1 á laugardegi og éta hákarl og svolgra frosið íslensk brennivín með? íslenskir karlmenn hvað. við fengum öll rokkstigin..:þ
mja, eitthvað andleysi hrjáir mig þessa stundina. held á ég hafi svitnað dágóðum hluta vinstra heilahvels í ræktinni í morgun. verð að kippa því í liðinn fyrir 6, þá skundar fangor í dalinn góða og leikur við flinka fólkið. á í einhverjum erfiðleikum með að röfla upp textanum mínum, sem er alveg með ólíkindum þegar maður pælir í hlutum eins og 2 síðna monológum sem runnu áreynslu-og villulaust upp úr manni hér á árum áður, og þeirrar staðreyndar að ég kunni meirihlutan af textanum í draumnum fyrir. sveiattan barasta. ekki fallegt afspurnar það.
hef dáltið verið að velta fyrir mér lífinu og tilverunni síðustu daga. það er gott að vera til. vont að vera með stórt hjarta. stundum væri held ég ágætt að geta bara slökkt á tilfinningalífinu tímabundið. þannig verður maður ekki til vandræða, hvorki sjálfum sér né öðrum. auðvitað er þetta tóm vitleysa, veitðaalveg. eins og skáldið kvað: þa'r gott að eellllshkaa...tíhí.
nóg um það. þvílík vitleysa. allir eru uppáhalds. og hananú! | fangor 13:29
fimmtudagur, júlí 10, 2003
og....þá er faðir alheimsins búinn að koma sér fyrir á livejournal. ( eins og það sé eitthvað fínt að vera með soleiðis....dö..;þ ). það var nú eins gott, þar sem ég hitti hann alltof sjaldan og kemst ekki með honum til akureyris og egilsstaða um helgina. gott eiga skotta, halldóra og sigga lára að leika við snorra og steina á föstudaginn.....*andvarp*
þess í stað mun ég leggjast í líkamsvinnu og karakterþróun um helgina, búa mér til bokka og festann áður en ég fer á 4 daga sirkus/stomp/fönk/magadansnámskeið á seyðisfirði......húrra fyrir því. eftir það er vika í rennslum og fullnaðaræfingum, svo frumsýning 27 júlí ( að mig minnir) miðapantanir teknar niður hér, ef vill. hinir síðustu verða frystir!
mér skilst að vinkonur mínar séu að plotta gæsapartý um helgina. vei, ó vei mér aumri. hélt alltaf að ég væri svanur. eða næturgali. fálki jafnvel? | fangor 13:35
er á hlaupum við flutninga í vinnunni...þetta er sniðugt meðan maður bíður, loksins hefur einhver tekið upp þennan málstað...:þ | fangor 12:12
miðvikudagur, júlí 09, 2003
margir dagar án færslna. fangor búinn að vera þreyttur og lasinn.
þrátt fyrir það ganga æfingar vel.
ég fer heim í sveitina og á lunga 16-20 júlí. kemst ekki spönn frá þessa helgi...:(
almáttugur! haldiði að ég hafi ekki gleymt að plögga snorra! *jæks*
hin stórkostlega uppistandssýning sauðkindin verður sýnd í annað sinn í kvöld, þjóðleikhúskjallaranum. húsið opnar 8:30 og best að mæta snemma til að fá góð sæti...:þ mæli eindregið með snorra til að lífga upp á grámyglur hversdagsins. | fangor 16:46
ætlaði að liggja í sófanum í gær, og vera svona almennt ónýt. fékk símhringingu og var dregin á eyrunum upp á næsta bar þar sem ofurdívan andrea gylfa var með tónleika ásamt yngri jasselítu landsins. þessir tónleikar voru tær snilld, fullt af lögum sem ég hef ekki heyrt andreu taka áður. það er fátt betra til lækninga en góðir tónleikar. skemmst er frá því að segja að fangor sveif heim. hér er til dæmis sænsk samba:
svo mætti einhver ofsalega sætur hörundsdökkur maður (því miður verða það karlmenn landsins sem geta glaðst yfir honum) og tróð upp í lokalaginu með gyðjunni. þau eru víst að fara að syngja saman í söngleik sem verður settur upp í kring um gay pride í loftkastalanum, heitir að mér skilst ain't misbehaving og er byrjað að selja miða. þeir sem telja grís ekki til tónlistarviðburða ársins ættu að tryggja sér miða sem fyrst í loftkastalanum, sýningar verða þéttar og seljast fljótt upp. þetta verður frábært!
sjáiði nú bara. hér hafa einhver grey ákveðið að dissa femin.is. sem er hið besta mál. en af einhverjum ástæðum halda viðkomandi aðilar að femin.is sé í tengslum við feministafélagið. sem er heilt annað mál. ég mæli amk. kosti fyrir mína hönd auk vina minna innan feministafélagsins að við kærum okkur ekki um að vera briglsað um þennan vef....:þ
gaman í leikhúsinu. svolítið skrítið að reyna að verða fjóreinn.
fyrst guð gat verið þríeinn hljótum við ástþór, gummi og hjalti að pulla fjóreinan. léttilega!
