jæja, þá erum við lent í austin, texas. á móti okkur tók ungur og myndarlegur maður að nafni payton sem er gestgjafi okkar. hann er búinn að undirbúa komu okkar, allir skápar fullir af bjór og víni handa brjáluðu rokkurunum:þ húsið sem við búum í er stórt og flott, ekta úthverfi með trjám í garðinum, við deilum heimili með 2. beagle hundum og einum dobermann ásamt peyton. það er gríðarlega mikil stemming fyrir hátíðinni í borginni, og reyndar voru allir með á nótunum í baltimore líka þegar þeir sáu hljóðfærin, spurðu strax hvort við værum á leið til austin. við komumst að því að þessi hátíð stendur í 3. vikur, hún hefst á viku af listsýningum, 2. vikan er kvikmyndahátíð og svo er tónlistin þá þriðju. mikið gaman. cirque de soleil er að sýna varikai hérna núna, og við jg ætlum að reyna að fá miða. jibbíkóla! svo ekki sé minnst á alla tónleikana sem okkur langar að sjá. hér eru bæði billy idol og vanilla ice..og svo auðvitað allir hinir.
við fórum snemma í háttinn í baltimore í gær, erum svona frekar slæpt eftir ferðalagið. klukkan er rétt um 3 hjá okkur núna, en er 9 heima. eitthvað segir mér að við verðum farin að geyspa töluvert um tíuleytið í kvöld.
við bíðum eftir fran sem kemur um 5.leytið, þá fer sjálfsagt stressið að segja til sín enda hann ekki afslappaðasti maður sem ég þekki. strákar i eru temmilega afslappaðir og stemmingin í hópnum fín. biggi greyið fékk reyndar ofnæmiskast um leið og við lentum, hér er einhver skæð trjátegund að spíra og frjókorn´um allt.
er í sresstilhlökkunarkasti allt í einu. texasferðin mikla hefst eftir 12 tíma. við lendum í baltimore og gistum eina nótt, svo til austin, texas.
stresslevell drengjanna hækkað verulega þegar við fréttum að við spilum live í útsendingu hjá bbc1 frá texas, ásamt smádrengjum eins og qeens of the stone age og hot hot heat!. það er nú bara til að auka´á stemminguna. það skemmilegasta við þetta alltsaman er auðvtiað það að ég sjálf fæ að spila með, mun ég leika á tambórínu. ég held að það verði að teljast hápunkturinn á mínum tónlistarferli til þessa, að spila live á bbc1. drengirnir fá nú sjálfsagt að gera meira svona skemttileg, en ég þó þetta til að sletta um mig næst þegar ég hitti leiðinlegan namedropper.
það er hægt að fylgjast með útsendingunni á netinu, af vef bbc1, þar er borði sem segir zane lowe beint frá south by south west. útsendingin er milli 7 og 9 á íslenskum tíma. hann var einmit með chris martin úr coldplay að spila hjá sér síðast. gaman að því. ég held sveimér að drengirnir mínir séu á góðri leið í meikinu. amk. eru fyrirspurninr að velta inn frá lögfræðingum og fólki sem vill fá að representera bandið. svo er bara að sjá hverjir mæta, hverjir eru merkilegir og hvaða rassa þarf að kyssa. fyrir utan okkar auðvitað:þ.
og ekki gef ég upp öndina í þessari ferð samkvæmt spánni. hún hlýtur að vera óbrigðul, og ef ég dey í glæparíkinu texas hlýtur jg að geta farið á bandarísk skaðabótamál að hætti þarlendra. :
You Will Die at Age 67
67
You're pretty average when it comes to how you live...
ég reyni að senda fréttir og dagbók, er að hugsa um að taka lappann með bara, annars ku vera til netkaffihús í austin, eða tvö. hafið það gott elskurnar mínar á meðan, geriði allt sem ég myndi gera og njótið lífsins.
tilhlökkunarefni dagsins er kraftflimting eddi izzards í kvöld. jibbíkóla.
undirbúningur fyrir texasferð í fullum gangi, eigum von á fréttum seinnipartinn. góðum eða ekki, kemur í ljós.
hraun spilar á kaffi vín annað kvöld, fimmtudag. allir velunnarar hvattir til að láta sjá sig. mæting um 9 leytið.
ég fór að sjá lokaæfingu á patataz, nýju verki hugleiks. það er hin besta skemmtan, óhugleisk sýning [ fyrir þá sem skilja það ] og þarft ádeiluverk. frábær frammistaða leikara og skemmtileg sviðsmynd. allir í vatnagarða 4.
er illa haldin af eirðarleisi og einbeitingarskorti, held að það sé vor í mér. þarf að fókusera á hluti og ræð ekki við neitt...*hux* | fangor 15:06
laugardagur, mars 05, 2005
jæja, við erum sest við sjónvarpið og fylgjumst með formúlnum. mikil spenna á heimilinu.[ fyrir þá sem ekki vita er formúllinn náskyldur hemúlnum ].
sýning á momento mori fannst mér góð, þó einhver hökt sem mér skildist á leikurum að hefðu ekki verið áður. falleg sýning og aðstandendum til sóma. þó verð ég að segja að kannski hefði verið gæfulegra að klára handrit fyrst og láta svo vinna úr því, fannst á köflum eitthvað vanta hér og þar, hefði mátt skoða aðeins betur og hnýta lausa enda. einnig fannst mér sýningunni til vansa að einn leikaranna var stífur og ofurstíliseraður sem kom ákaflega illa út í heildarmyndinni. mýkt og flæði í hreyfingum og karakterum sem einkenna oft sýningar ágústu skúla voru nefnilega virkilega flottar hjá öllum- nema einum. miðað við úrval leikara sem val stóð um hefði þessi ekki átt að sleppa í gegn um síuna. ef þessi sýning fer í leikferðir, sem hún á svo sannarlega skilið ætti að skipta um liðsmann, eða taka hann í alvarlega endurhæfingu.
mikið varð ég glöð yfir idolinu, hún heiða mín átti stórleik. ekki er útséð um úrslitin enn...
á morgun er generáll hjá hugleik á patataz. eftir það heimsæki ég meistara evu og keppahristuna. seinnipart ætla ég að dunda mér heima við að búa til eitthvað matarkyns handa formúlugestum til að narta í yfir nóttina. | fangor 02:02
föstudagur, mars 04, 2005
breytingar á helgarplani:
hraunverjar fara ekki á ísafjörð, og því verður plan helgarinnar eftirfarandi:
í kvöld fara vesturgötuliðar á lokasýningu momento mori í kópavogi. hvet alla til að panta miða í síma 554-1985. þetta er allra síðasta sýning. eftir sýningu höldum við til auðar og sjáum idolið,ekki að ég sjái fram á óvænt úrslit. mér sýnist á öllu að hjartað mitt hún heiða detti út, ekki vegna frammistöðu heldur vegna þess að fólk virðist ekki vera að sjá hvað hún er mikil snilldarkona og getur svo vel staðið undir því að vera idol íslands. davíð og hildur berjast um efsta sætið.
laugardagskvöldið/nóttin fer svo í fyrsta formúl ársins, fagnað verður með áströlsku rauðvíni og einhverju matarkyns.
í dag kl. 3 verða ampop live í popplandi, allir að stilla viðtækin og hlusta. | fangor 12:10
fimmtudagur, mars 03, 2005
það fór þó aldrei svo að mér leiddist í legunni. stofan mín fylltist flokki hæfileikara í undirbúningi fyrir inntökuprófin ógurlegu. höfðum við mikið gaman, og vonandi gagn af. það verður að segjast að inntökunefndin á erfitt starf fyrir höndum þetta árið. ég held að aldrei hafi jafn margir verðugir farið í próf í einu. alltaf einhverjir stórtalentar auðvitað, en í þetta skiptið er hópurinn gríðarlega stór. ég spái skemmtilegustu inntökuprófum í áraraðir, og jafnframt þeim erfiðustu þar sem svo margir hæfileikarar koma saman í einu. þetta verður svona eins og bandalagsskólastemming held ég. áfram amatörar!
óvænt gigg á ísafirði datt upp í hendurnar á okkur hraunverjum í gær, sólrisuball hjá menntaskólanum og skemmtilegheit. fyrsti formúll verður haldinn hjá tuma og heiðu.
umboðsmaðurinn krossar putta og vonast eftir óvæntum stuðningi í úrvinnslu snorra grétars. sjáum hvað setur. *hux* | fangor 11:48
