jg er snillingur í að finna upp óþarfa til að eyða tímanum í. hér er til dæmis nýjasta dæmið um það sem fólk ætti að gera þegar því leiðist:
berðu saman símanúmerið þitt við þessa skrá:< heimasíminn minn hefur samkvæmt þessu dáið úr kransæðaþrenginum. gemsinn hans jóns er heilaæxli, mitt númer spáir fyrir um dauðsföll hjá dópistum í amsterdam....sannkallaður nornasími.
svo er líka hægt að fara og skoða einkaleyfisnúmer: en það virðist bara duga á heimasímana, númerakerfið ekki komið mjög hátt.
þetta gat hann, þrátt fyrir að siglingum hans á netinu ljúki oftar en ekki með strandi á næsta binary-ísjaka...hann var ekki kallaður maðurinn sem drap internetið fyrir ekki neitt..:þ | fangor 01:25
sunnudagur, janúar 29, 2006
barnablogg:
var að koma frá siggu á spítalanum, stúlkan er hin yndislegasta, vel hærð og dálítið eins og lítill álfur í framan. hún er ennþá með dálítinn bjúg eftir átökin og er því með risastórar kinnar sem er bara sætt. hún fæddist 15 merkur og 49 cm, afskaplega temmileg í alla staði. foreldrarnir eru hinir kátustu og ætla sér heim á leið um kvöldmat. ég kom út með klakhljóðum og hlakka til að fá martini í hendurnar. ég er akkúrat komin 6. mánuði á morgun sem þýðir að´ef hann kæmi í heiminn eftir tvær vikur ætti hann dágóða möguleika á því að lifa góðu lífi. ( með aðstoð til að byrja með reyndar. ) það þykir mér ákaflega merkilegt, en jafnframt dálítið ógnvekjandi. vonast nú til að hann haldi sér hið fastasta fram yfir tuttugasta maí samt. jg vill fá 06.06.06 en ég er ekki til í tvær aukavikur þrátt fyrir að það sé einkar kúl dagsetning.
seinnipartinn koma nördarnir okkar í heimsókn og er ætlunin að spila drekaspil fram eftir kvöldi með kjötsúpuhléi þegar hungrið sverfur að. það held ég verði gaman. | fangor 13:55
laugardagur, janúar 28, 2006
húrra! þær fréttir voru að berast að siggu og árna hefði fæðst dóttir, stærðarupplýsingar ekki komnar á hreint en hún skilaði sér á endanum án skurðaðgerðar. vona að þær mæðgur verði fljótar að jafna sig og óska þeim hjúum innilega til hamingju, hlakka til að fá að sjá þau öll. | fangor 19:45
var að verða vitlaus af áhyggjum og náði sambandi við hugrúnu stóru systur hennar sigríðar láru, þaðan fékk ég þær upplýsingar að þau séu enn að bíða og ekkert í gangi. verður væntanlega keisari ef ekkert fer að láta á sér kræla. vonumst til að það gangi allt saman vel, og þetta þrjóska kríli komi fram í dagsljósið.
það mætti nú alveg melda árna í að láta vita, símalínur eru orðnar glóandi vegna áhyggjufullra vinkvenna um landið allt. ha, krakkar...svona svo maður fari ekki að halda að eitthvað hræðilegt hafi komið fyrir. | fangor 17:56
föstudagur, janúar 27, 2006
sendi henni siggu minni alla góða orku og vonast til að kríli verði fætt fyrir miðnættið. við jg fórum með martini í tékk í morgun, honum heilsast hið besta en ég held áfram að liðast í sundur hægt og rólega, gaman að því. hef skráð mig sem tilraunadýr í nálastungumeðferð gegn grindargliðnun og öðrum óþverra, ætlast til að það virki. auk þess ætlar hún eva að leggja á mig frekari heilsugaldra og er það vel.
takk fyrir atkvæðin ykkar krakkar mínir, jg er óskaplega glaður yfir þessu.
verðlaunahátíðin sjálf var hin ágætasta, en sviðsmyndin með eindæmum ljót og ekkert nema freyðivínssull í boði í eftirpartýinu. ef þú ætlar að halda partý fyrir tónlistarfólk er nú lágmark að bjóða upp á bjór líka, ekki bara bleikt sull fyrir keeelingar:þ | fangor 18:59
miðvikudagur, janúar 25, 2006
jg varð fyrir ásókn flissandi unglingsstúlkna í kringlunni í dag. höfum við ákveðið að flissandi gelgj sé fyrir góðu.
eins hollt að fara að gera sig frýnilegri fyrir hátíðahöldin, ekki getur maður verið ljótur ef svo óheppilega vill til að verði fyrir myndavél einhversstaðar.
ammlið hans svavars heppnaðist með eindæmum vel þrátt fyrir yfirhúsfylli á tímabili. gestasveit kvöldsins; ripp, rapp og garfunkel sá fyrir hinni bestu skemmtan og hlakka ég til að sjá meira af þeim. og heyra. ég beið með að fara úr húsi þar til ég hafði séð júrósvisjónlögin. það var ljóti hryllingurinn og hallast ég að því að dv hafi haft rétt fyrir sér eftir allt saman, samsæri í öllum hornum. eða tónheyrnarlaus dómnefnd? ( og nei gummi, þú ert enn í fjölmiðlabanni! )
gríðarlega góður rómur er gerður að ampop tónleikunum á fimmtudaginn og athyglivert að fylgjast með íslendingum búa sér til nýtt hype, það eru enn að birtast klausur um hverjir hafi verið á staðnum, s.s nýkrýnt stolt þjóðarinnar ungfrú alheimur, sem drakk víst bjór. vááá.... jg er búinn að fara í viðtal á flestum útvarpsstöðvunum+ dagblöðunum og verður á forsíðu sjónvarpsdagskrárinnar næst þegar hún kemur út. misþekkt fólk keppist við að lofa sveitina á opinberum vettvangi, af því að það er hipp og kúl þessa stundina. fréttaskýringaþátturinn kompás skellti fram klisju síðustu aldar um þennan alræmda barm heimsfrægðar sem sveitin ku standa á og setti umfjöllun um drengina inn næst á eftir hinu heitasta þjóðfélagsmálinu, fuglaflensunni...
minni á að barmur heimsfrægðar er ansi breiður, og þar standa margir í röðinni. sumir eru búnir að hanga þar ansi lengi án þess að komast svo mikið sem niður að geirvörtum.
á vefnum tónlist.is stendur yfir kosning á vinsælasta lagi ársins. höfum við fyrir því áræðanlegar heimildir að um efsta sætið berjist nú my delusions með ampop og einhver vellan með _ _ _ _ _ _ _ _ _ _ _ _ _ _ _ _ _ _. *( ritskoðað, þetta er víst leyndó. svo nafnið er ekki skilgreint nánar en það má giska )* mig langar þess vegna að biðja ykkur um að taka þátt í kosningunni...*hóst,hóst* verðlaun verða afhent á íslensku tónlistarverðlaunahátíðinni næsta miðvikudag, og strákana langar svo mikið til að fá einhver verðlaun...þ þykjast ekki eiga miklar vonir í verðlaun í flokkunum sem þeir eru tilnefndir í, enda margir stórtalentar þar á ferð; s.s nýkjörinn kynþokkafyllsti karlmaður íslands að mati hlustenda rásar tvö.
tónleikarnir gengu ljómandi vel, fullt var út úr dyrum og hin stórskemmtilega sveit ég hitaði upp. margt fyrirmenna heilsaði upp á sveitina eftir gigg, allir voða glaðir. óneitanlega fyndið að horfa upp á poppstjörnustatus í framleiðslu, sérstkalega þegar fólk fellur fyrir því.
*hugs* það er dálítið skrýtið að kjósa "vinsælasta" lag ársins. einhvernvegin felst það í merkingunni að mörgum hafi þótt það skemmtilegt. þú ert þess vegna eiginlega ekki að kjósa lagið sem þér fannst skemmtilegast, heldur lagið sem þú heldur að öllum hinum hafi þótt skemmtilegast...sem gerir valið auðvitað miklu auðveldara fyrir mig. svona í ljósi viðtakanna sem lagið hlaut á tónleikunum í gærkveldi... *blístr* | fangor 19:38
miðvikudagur, janúar 18, 2006
best að sinna tilkynningaskyldunni:
á fimmtudagskvöldið er hægt að hlusta á ampop í þjóðleikhúskjallaranum, þeir koma beint heim af bretlandstúrnum sem hægt er að lesa um á popplandsvefnum. hvet alla til að mæta og sýna samhug í verki svona rett fyrir afhendingu tónlistarverðlaunanna. á föstudagskvöldið eru ammlistónleikar svavars og hraun á rósenberg. laugardagskvöldið er hraun með húsið og í tilefni ammælis svabba verða gestasveitir, þar á meðal nýja hljómsveitin hans bibba sem ég er spennt að heyra í. minni fólk á að mæta snemma ef það vill fá sæti í húsinu þar sem aðdáendum sveitarinnar hefur fjölgað umtalsvert og húsið á það til að fyllast af fólki sem við bara þekkjum ekki neitt...:þ sem er auðvitað hið besta mál. eftir gestaupprtroðslur verður singstar með undirleik hraunverja. fólk er beðið að hafa smekkvísina í fyrirrúmi þegar kemur að lagavali.
ekki nóg með að síminn minn hafi orðið óstarfhæfur sökum óléttuheimsku, nú er tölvan mín búin að afneita internetsambandi og henda út öllum stillingum þar að lútandi, svo ég neyðist til að brúka makka litla kúts til skrifta. blogger virðist ekki makkavinur svo linkatakkinn hefur gufað upp. ég get auðvitað ekki rifjað upp html kóðann til að linka fremur en annað. svo þá vantar, en bibbi er hér í safninu til vinstri og poppland á ruv.is, ef einhver skyldi vera netvilltur
sá fyrsta hlutann af allir litir hafsins eru kaldir og leist vel á. bæði er kvikmyndataka til fyrirmyndar eins og við er að búast af óla rögg og hljóðið er í lagi sem telst óvenjulegt í íslenskri sjónvarpsmynd. leikurinn er fínn, skemmtileg blanda af fokking amatörum og lærðum, söguþráðurinn er áhugaverður... ég bíð spennt eftir næsta þætti. vona að þetta bestni eftir því sem á líður. | fangor 00:33
mánudagur, janúar 16, 2006
forheimskun óléttra kvenna
arg og garg! ég hef átt gsm-síma núna í tjah, 6-8 ár. og alltaf hef ég haft sama pin númerið á símunum mínum. eftir flugferðina að austan fyrr í kvöld datt téð númer algerlega úr höfðinu á mér. ég get ekki með nokkru einasta móti rifjað það upp, hvorki í huganum eða með takkaminninu. lok lok og læs, jg í úttlöndum að reyna að ná í mig og ég númer tíu hjá símanum. þetta ku víst vera tiltölulega þekkt meðal óléttra, minnið verður fyrir einhverjum óútskýranlegum holumyndunum og skammtímaminnið dettur úr sambandi. þykir mér þetta renna stoðum undir þá kenningu mína að barneignarástand sé að stærstum hluta heilaskemmandi. einhvern vegin blekkir líkaminn kvenfólk til þess að leggja þetta á sig trekk í trekk. minnisleysi er jú kjörið vopn til þess, þú ert bara alveg búin að gleyma því hvað þetta var hrútleiðinlegt síðast. ásamt reyndar flestu öðru, en það skiptir jú engu máli þegar krílið er komið í heiminn og þú hættir alveg að eiga þér líf....
eins og þetta sé ekki nóg komst ég að því að ég er orðin taugaveikluð fram úr hófi líka, bíl/flughrædd með eindæmum og á ég ekki slíku að venjast.
mér líður svona dálítið eins og leikskólabarni. í gær eignaðist ég nýja vinkonu og það er svo fjarska skemmtilegt, svo er ég á leiðinni í ferðalag sem ég hlakka mikið til að fara í..gaman í mínum bekk.
ritstjórar dv sögðu af sér, það er svo sem ágætt. gaman verður að sjá hvað páll baldvin gerir í ritsjórnarstólnum. meiri leiklistarumfjöllun..já takk!
í umfjöllun síðustu daga hefur dálítið gleymst að athuga hvaðan þessar upplýsingar dv komu til að byrja með. flest bendir til þess að meint fórnarlömb hafi farið með þetta í blaðið, sennilega til að reyna að þrýsta á lögreglu til aðgerða í málinu. það er dálítið hættulegt, þegar fólk getur notað fjölmiðlana til beinna aðgerða gegn fólki. ekki að ég ætli á nokkurn hátt að rengja þessar kærur, mér þykir afar líklegt að brot hafi verið framin en það eru samt dæmi um að saklaust fólk hafi orðið fyrir mannorðsmorði vegna tilhæfulausra ásakana sem byggðar voru á illvilja í garð viðkomandi. og það er auðvitað hræðilegt að afhenda fólki slík vopn í hendur sem fjölmiðill með dreifingu um allt land er. nú hvílir sönnunarbyrði málsins alfarið á meintum fórnarlömbum þess, sem var áræðanlega ekki ætlun þeirra sem láku þessu í blaðið til að byrja með.
yfir í léttara hjal. ég hlakka til að fara heim í sveitina. það tekur mig samt að meðaltali ekki nema hálfan dag að fá upp í kok af staðnum og öllum hans smáborgarahætti. finnst einhvernvegin að með aldrinum ætti mér að fara að þykja þetta fyndið, en....þess vegna fer ég yfir fjallið. þar er gott að vera. sjáum til hvort úr verði helgarpistlar. eða jafnvel einþáttungahugmynd. | fangor 10:16
fimmtudagur, janúar 12, 2006
fór að sjá meistarastykkið bíbí og blökuna í gærkveldi ásamt fríðum flokki fólks. hef ætlað mér á sýninguna síðan 2000 svo ekki var seinna vænna. ekki varð ég fyrir vonbrigðum, óska aðstandendum öllum innilega til hamingju og takk fyrir mig. jg er floginn á vit frægðar og frama, ég ætla í sveitina á meðan. veit að litla húsið mitt á seyðisfirði saknar mín svo ég mun heimsækja það og reyna að dvelja sem lengst. kannski kemst ég á sjó líka. fátt dægilegra en að rúnta út í fjörð og dorga sér fisk í soðið. seiseijá. með spekingslegum svip og bora í nefið....eða var það ekki það sem skáldið kvað? | fangor 20:35
mánudagur, janúar 09, 2006
augljóslega nennir enginn að halda umræðum um tónleikahald áfram. bendi samt á tilkynningar í fjölmiðlum í gær og í dag, augljóst hvað málsstaðurinn er sterkur, mætingin frábær blablabla. aular. læt umræðum þar með lokið.
hlakka til að fara á þjóðleikhúskjallarann miðvikudagskvöldið komandi til að berja augum meistarastykkið bíbí og blakan. settist niður og dýrkaði nördaguðina um helgina mér til ómældrar skemmtunar, verður framhaldsleikur annað kvöld og ég er farin að hlakka til. jibbí gaman gaman, nördumst allir saman... svo ætla ég á seyðisfjörð á næstu helgi. ætla að lesa allan heiminn meðan jg fer að verða frægur. það eru víst góð skipti. | fangor 19:59
sunnudagur, janúar 08, 2006
langhundað framhald af hættum-umræðunni;
ég er fylgjandi náttúruvernd. það er hið besta mál þegar fólk tekur sig saman um að berjast fyrir málstað. hins vegar þurfa allir aðilar að vera með það á hreinu út á hvað málstaðurinn gengur, hverju þeir eru að mótmæla eða berjast fyrir. það þarf einstaklinga til að vera í forsvari, og einhverja sem sjá um að ræða við fjölmiðla. þeir aðilar bera ábyrgð á því að málsstaðurinn komist til skila. sem klikkaði hreint illilega í þessu tilviki, þar sem rætt var við hina og þessa aðila sem ég leyfi mér að segja að hafi ekki gert sér grein fyrir því hver punkturinn var. og lét út úr sér þessa heimsku með að "hætta bara við'essa kárahnjúkavirkjunanna og friða landið". það var nefnilega eitthvað af fólki sem tók þátt í þessu verkefni sem vissi jú alveg um hvað það var að tala og var að reyna að benda á fyrirhugaða glæpi gegn náttúrunni og mótmæla þeim. það fólk var hins vegar ekki í fjölmiðlum svo ég tæki eftir amk. til að ræða málin. sem ég hefði talið algerlega nauðynlegt til að mark væri á þeim takandi. umræðan kom heldur ekki fram fyrr en daginn fyrir uppákomuna að neinu ráði. það breytir því samt ekki að næstu daga fáum við´áræðanlega að sjá fólk koma fram í fjölmiðlum til að lýsa yfir ánægju sinni með það hversu margir styddu málsstaðinn. burtséð frá því að flestir mættu til að sjá tónleikana og var mis mikið sama um málsstaðinn. ég fæ ekki séð að það hjálpi mikið til. ætli peningunum verði varið í heilsíðuauglýsingu í new york times...?
varríus benti á í athugasemdunum hvað það væri leiðinlegt þegar fólki væri brigslað um skoðanir sem ekki væru þeirra. ég er alveg sammála því. ég til dæmis sagði mig út feministafélaginu eftir að ljóst varð hvert stefndi með það, fámennur hópur vitleysinga hefur þar skaðað málsstaðinn gríðarlega og þau eru ófá skiptin þar sem ég gnísti tönnum yfir málflutningi formannsins, einmitt vegna þess að hann einkennist af fanatík og endurspeglar alls ekki skoðanir þeirra sem í félaginu voru. þar var hins vegar snemma ljóst að ekki þýddi að reyna að breyta neinu innanfrá þar sem öfgafólkið tók stjórnina. vel að merkja ennþá góðir hlutir inn á milli eins og til dæmis karlahopur félagsins, en þeir fá bara ekki athyglina sem öfgafólkið fær frá fjölmiðlum. og í því tilfelli er það í forsvari og skemmir fyrir hinum. *fnæs*
ég er bæði feministi og náttúruverndarsinni. mér leiðist hins vegar öfgafólk sem skemmir fyrir mér og öðrum með óhugsuðum framslettum byggðum á tilfinningarökum í fjölmiðlum. eiginlega meira en mér leiðast artífartar. þegar þetta tvennt kemur saman....*andvörp* svo maður vitni nú í skáldin, þá er voðinn vís. verst að ekki má beita stórum vendi af hrís. | fangor 12:05
fimmtudagur, janúar 05, 2006
æ hvað mér leiðast íslendingar. hættum-tónleikarnir eru eitthvað mest misheppnaða fyrirbrigði ársins, sem er vel að merkja nýbyrjað og þeir ekki búnir. hvers vegna? jú, einfaldlega vegna þess að þeir skipta engu máli. breyta engu. gera ekkert. ef eitthvað vit væri í hausnum á þessu liði hefði það lagt áhersluna á eftirfylgni, að reynt verði að lagfæra og græða upp í kring um allar þessar framkvæmdir eftir þeim lýkur, og mótmæla frekari framkvæmdum annars staðar á landinu. að þær verði stöðvaðar? fráleitt.löngu samið, gripið og greitt. allt leyfilegt. og þó það gerðist, hefur einhver farið upp í kárahnjúka? hafið þið séð umfangið á þessu dóti öllu saman? allt jarðraskið sem búið er að valda á svæðinu? nei, líklegast ekki. hætta bara? og gera hvað við svæðið? það er í rúst. 70% af þessu fólki hefur ekki hugmynd um hvað hefur gangið þarna á í raun og veru. í alvörunni, hefur fólk ekkert betra að gera? hefði kannski átt að skipuleggja mótmælatónleika meðan ennþá var eitthvað hægt að gera í málunum? ætti kannski að mótmæla einhverju öðru, sem hugsanlega væri hægt að hafa áhrif á og hefur þýðingu í dag? nei. það er ekki gert. ekki hægt. vegna þess að þá er fólk til vandræða og styggir stórfyrirtækin sem listafólk upp til hópa lifir á þessa dagana. mótmæla háum flugfargjöldum til dæmis? ekki þeir tónlistarmenn sem þurfa að nota loftbrú. ekki leiklistarfólk eða myndlistarmenn sem fá styrki frá flugleiðum til að komast erlendis með sýningarnar sínar. neineinei. mótmælum til að vera hipp, kúl og artý fólk með skoðanir, pössum okkur bara að mótmæla engu sem gæti í alvörunni skipt máli og haft eitthvað að segja. húmbúkk! | fangor 19:04
