Epli og eikur, hið stórkostlega glæpa- og söngvaleikrit ( ný kategoría) Hugleiks er í fullum sýningum um helgina. Það er orðið uppselt á einhverjar sýningar eftir páska svo ég hvet alla sem vilja skemmta sér eina kvöldstund til að drífa sig um helgina.
ég er með harðsperrur frá hnakka niður í tær. tveir dagar í ræktinni fara svona með mann. sérstaklega ef maður villist óvart inn í vitlausan sal og ákveður að prófa bara tímann sem er þar og fær óvart eina lausa plássið sem er fremst hjá kennaranum. í stað þess að mjaka mér snyrtilega í gegn um hóp af fólki með lóð á lofti og baða mig í svitaslettunum á leiðinni út ákvað ég að gá hvað ég héldi þetta lengi út. 40 mínútur og ég er ennþá með blóðbragð í munninum. vel að merkja er tíminn klukkutími svo ég hef að einhverju að stefna þ.e að æfa þrek með lögreglu og slökkviliðinu. komst þó að því að ég er í betra formi en ég hélt miðað við mörstuðul.
skipulagningar á fullu spani. tónlistardagskrá í vinnslu og skipulagning sumarsins vel á veg komin. lítur allt út fyrir að ofurteymi sem samanstendur af Hraun!, Ljótu hálfvitunum, Sláttuvélinni og Leikhópnum Lottu muni leggja land undir fætur og leika listir sínar um löndin öll. langt síðan ég hef skrifað setningu með svona mörgum ellum.
það er bara strax komið blogg. plottið augljóslega að virka...þetta kallar maður skilvirkni.
frumsýning gekk vel, ljómandi skemmtun alveg. frábær leikur, tónlistin öll hin skemmtilegasta og leikstjórnin pottþétt. nýliðar að standa sig frábærlega og er á engan hallað þó að baldur sé lofaður fyrir sína frammistöðu. hann getur bókstaflega allt drenghelvítið eins og stóri bróðir hans orðaði það.
smá galli að söngur týndist á nokkrum stöðum í hljóðfæraleik og ofleikur á stöku stað. aðrir frumsýningargestir voru nokkuð sáttir og sögðu verkið búa yfir nokkrum haha-puntkum sem er öldungis rétt hjá þeim.
good night wesley, i'll most likely kill you in the morning... | fangor 02:12
fimmtudagur, mars 22, 2007
skottúr austur á hérað og fjörð lokið. mikið afskaplega er gott að vakna í vinaminni og líta beint upp í sólbaðaðan bjólfinn, það er með ólíkindum hvað batteríin endurhlaðast snöggt. það er fallegt á héraði en seyðisfjörður er orkustöð. vildi hafa getað stoppað lengur en jg þurfti að fara í nefbrot í morgun svo það var ekki í boði. nefbrotið gekk með ágætum, núna lítur hann út eins og nefapi með grisju í annari nösinni. eftir að bólgan hjaðnar og brotið grær ætti hann loksins að geta andað eðlilega. þess utan getur hann auðvitað sagst vera búinn að fara í lýtaaðgerð eins og aðrar poppstjörnur þar sem miðsnesið var rétt af. næstu dagar verða nýttir í að hjúkra honum til heilsu utan annað kvöld þar sem ég ætla á frumsýningu hjá hugleik fái ég einhvern til að sitja yfir honum og barninu. það er ef við verðum ekki fokin fjandans til, hér leikur allt á reiðskjálfi. reyndar er bara notalegt að hlusta á regnið bylja á þakinu. ég ætla að kveikja á fleiri kertum.
ágætis helgi að baki, trommuhringur í kringlunni sem fjölskyldan tók öll þátt í og vakti gríðarlega kátínu hjá úlfhildi, um kvöldið var svo afmæli hjá gumma gítar sem vakti gríðarlega kátínu hjá mér.
skottúr austur á land á þriðjudag, komum aftur á miðvikudagskvöldið. ég ætla að fara og knúsa fallegu ömmuna mína og leyfa henni að knúsa nöfnu sína. jón geir ætlar að halda stuttan fyrirlestur og stjórna hugflæðifundi um hlutverk gamla sláturhússins. við gistum í vinaminni ef við komumst yfir heiðina fyrir veðri.
það er frumsýning á eplum og eikum næstu helgi, um að gera að panta miða snemma þar sem möguleikhúsið tekur ekki allt of marga í sæti. að vanda er um að ræða nýtt íslenskt leikrit, í þetta skipti er um að ræða gamanleik með söngvum og frábærri tónlist eftir þórunni guðmundsdóttur. komi hver sem betur getur. | fangor 23:11
undarlegheitin liggja alls staðar í leyni. og ég sem hélt að ekkert kæmi mér lengur á óvart.
það er gaman að horfa á gettu betur. það eina sem þá ágætu þætti vantar núna er okkar undurfagra þórunn gréta við hlið davíðs þórs. ekki að núverandi stigavörður standi sig ekki ágætlega, ég sé bara fyrir mér að þórunn tæki sig afarvel út í þessu hlutverki. svo mætti reyndar líka víxla hlutverkunum, þórunn gréta getur samið allar spurningarnar og davíð þór verið stigavörður...
jón geir kemur fram í atriði í x-faktor á föstudaginn. ég fékk reyndar ekki í gegn að hann yrði ber að ofan í leðurbuxum en þrátt fyrir það ætti þetta að verða hin áhugaverðasta skemmtun.
ég ætla að leikstýra allavega einum þætti í apríldagskrá hugleiks, verði spennandi hlutir á vegi mínum er aldrei að vita hvort ég bæti við mig öðrum þætti. verst að óskaparið mitt í hlutverk getur engan vegin tekið þau að sér. svo langar mig að líka að leika ef eitthvað bitastætt er í boði. ekki seinna vænna að vakna með vorinu.
ég get varla orða bundist yfir nýja jóróvisjónmyndbandinu. að lita hinn stórfenglega makka eiríks haukssonar dökkleitann jaðrar við föðurlandssvik í mínum huga. ég get eiginlega ekki beðið eftir nördaþættinum til að sjá hvað finnski ofurhomminn segir um þetta mál. þarna hefur fallið blettur á leikstjórnarferil Gunnars Björns..;þ
einhvernvegin finnst mér írónískt að baudrillard hafi dáið akkúrat í þessari viku. | fangor 17:06
mánudagur, mars 05, 2007
þriðjudagskvöldið 6.mars verða tónleikar með henni áslaugu á domo í þingholtsstræti. hún ætlar að syngja gospel og blús og með henni er úrvalsband úr fíh. tónleikarnir hefjast kl 9.
þar sem áslaug hefur ekki haldið tónleika leeeeengi mæli ég eindregið með því að fólk drífi sig. ekki á vísan að róa með það hvenær næstu tónleikar verða. við jg ætlum enda bæði að fara og hlýða á dívuna. það hefur ekki gerst svo mánuðum skipti að við komumst saman út svo heilt á litið ætti þetta að verða hið prýðilegasta kvöld.
það er afskaplega fínn göngutúr héðan, niður í kjarna og heim aftur ef maður þarf í búðina og er bíllaus. þá er bara að nenna því þrisvar í viku...
það kviknaði í æskuheimili mínu á egilsstöðum í fyrradag. sem betur fer brann ekki mikið en húsið er allt þakið í sóti og gegnmengað af bruna- og olíustybbu þar sem að iðnaðarmennirnir voru rétt að klára að olíubera parketið. sennilega er því flest fatakyns og öll rúm ónýt. mamma og pabbi voru á seyðisfirði til allrar lukku.
ég talaði við svandísi mína. það var gaman þótt umræðuefnið væri lítið skemmtilegt.
ég fór að sjá rennsli á bingó sem aðilar úr hugleik og lk eru að æfa í kópavoginum. það var allt hið athygliverðasta og stefnir í þrælgóða sýningu. það hefur setið í mér síðan að ég veit ekki hvers vegna einn karakterinn er þar sem hann er og ég er að deyja úr forvitni. það hlýtur að lofa góðu. ég áttaði mig líka loksins á því í gær hvers vegna ég kannaðist svona við einn leikarann úr kópavoginum þegar ég sá hann brosa undurblítt í sjónvarpsauglýsingu frá póstinum. var farin að hallast að því að ég ætti að þekkja hann og gat engan veginn áttað mig á hvers vegna.
