fangor flúði til netheima


skrítna fólkið:

hr. muzak
snorgill
skotta
sigga lára
siggadís
loki
jódís
heiða skúla
bróðir minn í fjarskanum
rósa elísabet
maría mágkona
varrius
gambrinn
eva
yfirnorn ásta
tröllatíkin
áslaug
gummi erlings
gben
þrási metal
valkyrjan fyrir vestan
breki
júlljúll

hljómsveitirnar mínar:

hraun
ampop
hálfvitarnir

fluguveggurinn:

siggi pönk
stebbi páls
pallih
matarkonan
ari páll og lilja
kiddi
davíð þór

skemmtilegt:

nornabúðin
foreyska poppsidan
baggalútur
nornaklúbburinn naflaló
leikir
allur heimsins matur
wulff morgenthaler
nördadót
hugleikur
athyglisýkin

letihaugar:

eðlukonan dísa
guðfinna
halla
hæfileikarinn
raritet
nornirnar






eldri skrif:

 


mánudagur, apríl 23, 2007

 
mánaðarlegan í kjallaranum var hin besta skemmtan sögðu þessir sjö sem mættu. ég er mjög stolt af mínu fólki og knús vikunnar fær gben fyrir að búa til stemmingu í þáttinn.

fimmtudagskvöldið er seinni sýning og þangað mæta allir góðir menn. laugardags-og sunnudagskvöldið fer fólk svo í loftkastalann til að styðja endurreisn rósenberg
einvalalið á sviðinu bæði kvöldin. svona getur nú verið auðvelt að skipuleggja vikuna, ha.

ég ætla að vera leikari í hjáverkum í sumar. það gengur bara alls ekki upp nema ég finni einhvern til að vera með úlfhildi á meðan æfingar standa yfir. svo veit ég ekki alveg hvernig þetta verður ef ég verð í mörgum sýningum í sumar. sennilega verðum við að fá okkur hjólhýsi. með butler og barnapíu. síst.

enn er ylfa í tyrkjalandi. hún er sennilega orðinn verðmætasta eign einhvers soldánsins...

|



fimmtudagur, apríl 19, 2007

 
ég er í nostalgíukasti dauðans. man fólk eftir þessum þáttum?
nú langar mig til að horfa á sú kemur tíð, þrífætlingana, múmínálfana, prúðuleikarana....

það angrar mig meira en góðu hófi gegnir að úlfhildur fái aldrei að sjá sú kemur tíð í talsetningu guðna kolbeinssonar. það hlýtur að vera leið til að frelsa þættina úr geymsluklóm rúv...?

|



miðvikudagur, apríl 18, 2007

 
nú er vort annað heimili brunnið, í það minnsta horfið í sót og vatnselg. hér ríkir sorg. skal hafist handa við að skipuleggja styrktartónleika og fólk er beðið að láta orðið ganga. ég tek undir með siggu láru; það er óþolandi að það kvikni alltaf í rósenberg!

að alls óskyldum málum, hver skollinn hefur étið ylfu?

|



sunnudagur, apríl 15, 2007

 
missti af frumsýningu bingós vegna enduruppsalna ælifríðar. (uppsölur-uppsalna , þetta beygist alveg örugglega svona) komst aftur á hina frábæru heimildarmynd tímamót í dag og skemmti mér konunglega. óska aðstandendum innilega til hamingju með myndina. ég saknaði meiri texta á nokkrum stöðum þar sem tal var ekki alltaf nógu skýrt en stemmingin yfir myndinni í heild er undurfalleg og sem betur fer er sú leið farin að láta myndmálið tala í stað útskýringaflóðs sem oft vill þvælast fyrir heimildarmyndum.

á meðan ég horfði rifjaðist upp fyrir mér dásamlega sumarið sem við jón geir áttum þegar við unnum á sólheimum. meðal annars rifjaðist upp ástæða þess að við sungum dagnýju í brúðkaupinu okkar. eitt fallegt sumarkvöld vorum við á leiðinni í sund þegar við mættum hauki, einum af heimilismönnunum. hann heilsaði okkur og spurði hvort við ætluðum í rómantíska ferð. við játtum því og þá brosti hann undurblítt, sagði okkur að setjast niður í grasið, brast í söng og flutti okkur dagnýju af hjartans lyst. fallegri flutning hef ég ekki heyrt af því lagi, reyndar er þessi stund ein sú fallegasta sem ég hef upplifað.

|



föstudagur, apríl 13, 2007

 
úff. viku dauðans að ljúka. úlfhildur og jón geir eru búin að vera svo veik að hvorugt hefur verið með meðvitund síðan á þriðjudag. ég er búin að þvo öll fötin hennar úlfhildar tvisvar og allnokkur sett af rúmfötum og handklæðum líka. set á minnisblaðið að finna upp baðrúm fyrir ungabörn með uppsölu-og niðurgangspestir. hægt að taka tappann úr og skola reglulega. ég er þess vegna illa sofin, úldin og þreytt. það toppar líka alveg vikuna að jg fer til færeyja seinnipartinn í dag og verður fram á mánudag. mig langar ekkert með. neinei.

annars er plöggvika; nýjasta leikverk hugleiks verður frumsýnt annað kvöld. verkið er samstarfsverk með lk og heitir bingó.
yfirnorn ásta hefur unnið þrekvirki og búið til þetta líka flotta kynningarmyndband, það má sjá hér (ég get ekki sett inn hlekk beint af einhverjum ástæðum). tek alveg undir með henni að hún ætti að skella sér í nám. get lofað áhorfendum góðri skemmtun í hjáleigunni, einvalalið sem að sýningunni stendur. ótrúlegt hvað bingó getur verið dramatískt.

|



þriðjudagur, apríl 10, 2007

 
aftursnúin af landsbyggðinni með ælupest dauðans í farteskinu. úlfhildur stefanía er búin að vera fárveik síðan við komum heim og liggur enn. það er hræðilegt að vera með gubbupest þegar maður er tíu mánaða og getur ekki tjáð sig. ástin litla ælifríð á alla mína samúð.

rokkhátíðin fór vel fram og ég skemmti mér konunglega yfir þeim fáu atriðum sem ég sá. aðstandendum til hróss má segja að þessi hátíð stendur undir nafni sem fjölskylduhátíð. púkarnir héngu á sviðsbrúninni fram yfir síðasta atriði og ég er ekki frá því að nærvera þeirra hafi gert það að verkum að fyllerí og vesen var í algeru lágmarki. það er líka afskaplega erfitt að vera með attitjúd þegar börn flykkjast að manni og biðja um áritanir. held að margir hafi haft gott af því að upplifa sig loksins sem smá stjörnur og hafi því getað slakað á artistanum í sér.

skriðurnar hennar ylfu voru frábærar, þrusu skemmtilegt popprokk. ég stóð aðeins of nálægt sviðinu til að heyra texta almennilega en það sem ég heyrði var skemmtilegt. ég vissi bara ekki að það væru svona margar konur í bolungarvík... hvað þá svona miklir rokkarar :þ mér skilst á jóni geir að gagnrýnandi moggans sé mér sammála og gefi þeim fullt hús.

til að leiðrétta moggann örlítið má þess geta að jón geir er með rifinn liðþófa öðru hnénu en ekki læstur í baki. hann er því tignarlegur eins og staurfætt kind og fær öll rokkstigin fyrir að klára giggið því hann getur tæplega gengið. vel að merkja var performans þeirra ampopliða einn sá besti á hátíðinni, þeir eru alltaf að verða betra og betra sviðsband.

|



föstudagur, apríl 06, 2007

 
erum komin á ísafjörð. hér er fallegt eins og alltaf en kalt. brrr. nóg er við að vera, ég ætla að bregða mér af bæ til að sjá dimmalimm hjá honum elfari loga. það verður ekki leiðinlegt ef ég þekki hann rétt.

|



mánudagur, apríl 02, 2007

 
ný vika hafin með miklum ágætum. ein af uppáhaldsfrænkunum mínum kom í heimsókn og nú er bróðir minn snúinn aftur úr fjarskanum. hann ætlar að heimsækja okkur á morgun, húrra fyrir því. litlasta bróður minn hef ég aftur ekki séð nema í mýflugumynd svo vikum skipti og þykir vont.

fjölskyldan ætlar að rúnta á ísafjörð komandi fimmtudagskvöld og dvelja þar yfir páskana. nóg af tónlist í boði en ég er spenntust fyrir stelpubandinu hennar ylfu.
flest annað er að hippokúla yfir sig og ég er orðin leið á því. langar miklu frekar á tónleika með hraun og ljótu hálfvitunum með stóóra rauðvínsflösku en maður fær víst ekki alltaf allt sem maður vill. þrátt fyrir takmarkaðan áhuga minn á tónleikunum hlakka ég til að hitta familíuna fyrir vestan.

krúttlegasta andsvar vikunnar kom tvímælalaust frá jógvan hinum fagra þegar hann var spurður að því hvort hann kynni að dansa. hann svaraði því með hógværu: "já, aðeins, en ég er líka lærður förðunarfræðingur." hann er ekkert kynvilltur, neineinei...

( ég játa fúslega fordóma mína í garð karlkyns hárgreiðslu/ förðunarmeistara sem hafa hlotið íðilfegurð í vöggugjöf, þeir geta auðvitað verið kynvísir en ég þekki engin dæmi slíks )

|



Powered By Blogger.
Weblog Commenting by HaloScan.com