mikið var, veðrabrigði. verst að það verður aldrei alvöru bylur í reykjavík, fangor saknar þess að brjóta sér leiðir gegnum skafla. svona stundum, allavega.
planið um helgina: liggja í leti!!! horfa á heiladrepandi efni og hlusta á vindinn.
hmmm...fangor er farinn að þjást af verulegum kaffiþorsta.....komi,komi klukka, verði bráðum sex..... | fangor 16:34
þá er bara að búa sig undir óveðrið sem skellur á seinnipart og endist fram eftir helgi.....nóg af dvd-efni, hæfilegt magn af súkkulaði ( í ljósi nýhafins heilsuátaks..) nóg af vatni...(ekkert gos) kakó, (enginn rjómi) sængur, náttföt og tveir loðboltar. (auk þess sem rauðvín og bjór leynast einhversstaðar) fullkomið. þarf aldrei að fara út aftur. verst að maður nennir alls ekki í ræktina þegar veður er vont. þá er bara að nota ráðleggingar úr kvæðinu góða:
heimaleikfimi er heilsubót
hressir mann upp og gerir mann stífan
hvort sem að undir er gras eða grjót
gólfteppi, eldhúsborð,stóll eða dívan
þar höfum við það. mikil er speki skáldanna.
svo er náttúrulega að fylgjast með handbolta í kvöld, æsispennandi leikur í gær og verður vonandi ekki síðri í kvöld. hélt nú ekki að fangor væri þessi týpa sem gargar á fólk í boltaleikjum. en viti menn, það er gaman að horfa á handbolta. og körfuboltann líka. (að því gefnu að fólk kunni að spila. ég horfi ekki á neitt nema heimsmeistaramót,ólympíuleika hef þó enn megnan ímugust á fótbolta, sem er íþrótt fyrir asna.....hehe. og er þess utan skelfilega ljótt sjónvarpsefni. það gerir sig einfaldlega ekki að hafa svona mikið grænt með litlum köllum að hlaupa langt eftir litlum bolta. butt ugly. hef annars lítið að segja, bíð eftir að koma gamla manninum í gegn um enn eina aðgerðina. vona að allt gangi vel í dag, ekkert verulega slæmt komi í ljós.*krossa putta*
kaffi eftir vinnu amk. bókað. með svandísi....tíhí. uppáhalds svandísin mín. það verður sérdeilis ánægjulegt að hitta hana aftur.
ávíti félagana fyrir bloggleti undanfarna daga. koma hérna krakkar, láta vaða!!! (hver segir svo að maður litist ekki af þessum íþróttaanda sem svífur yfir og allt um kring loksins þegar ísland getur eitthvað á alþjóðavettvangi...;Þ )
hananú. hefur mér tekist að móðga svandísi. það var nú ekki ætlunin. ég endurtek: bara athyglissýki í mér. við hittumst vonandi fljótlega yfir kaffi..:)
það var mikið gaman í ammæli hr muzak á laugardaginn. vona að mér verði fyrirgefið að hafa ekki mætt í afmæli siggudísar. ég hef því miður ekki ennþá fundið heilastöðina sem gerir manni kleyft að vera á 2. stöðum í einu. sem er slæmt, fangor þyrfti akkúrat á slíkum hæfileika að halda núna, það myndi leysa flest mín vandamál á einu bretti. þá getur maður til dæmis verið í skólanum og vinnunni á sama tíma. sem er ákjósanlegt, miðað við samskiptin sem ég átti við einn kennara minn á föstudaginn. fangor hefur sjaldan orðið jafn reiður og þá. en það leystist allt saman. er efni í gott kaffispjall samt sem áður! eigi skal láta valta yfir sig af mönnum sem þjást af menntahroka og yfirlæti gagnvart nemendum sínum!!! svei því.
skal annars ekki vera með almennt bögg og skot á fólk í dag. fangor lofar að vera þægur.....í bili. | fangor 10:15
föstudagur, janúar 24, 2003
það er flöskudagur í dag...jibbí skibbí!! ekki að heilsan bjóði upp á mikið skrall. 1-5 glös af rauðvíni ættu þó ekki að saka....:)
nú er svandís búin að vera heima í 5 daga, og hefur ekki hringt í mig enn. ég er búin að hringja í hana. fangor er að verða nett pirraður á þessu. hvað á þetta að fyrirstilla?
ekki það að fangor er vel í sveit settur með skemmtilegt fólk til að leika við. ekkert yfir því að kvarta. finnst samt fúlt að vera settur aftast í röðina. en það er náttúrulega bara athyglissýki í mér...ha.....hmmmm...ég man þá tíð......bleble.
jæja...þá hefur bloggari dauðans látið hrekjast af netinu. það er náttúrúlega með ólíkindum að fólk geti ekki leyft honum að bulla í friði. en að sama skapi má líta þannig á: ef fólk ætlar að viðra sínar skoðanir fyrir alheimi, verður það þá ekki að vera tilbúið til að standa undir því? eða eru netskoðanir manns ekki skoðanir manns í alvöru? þú birtir þitt bull á vefnum fyrir allra augum, og hlýtur að verða að taka því að fólk lesi og ræði það sem fram kemur. sérstaklega ef um er að ræða eitt af þessum örfáu vitsmunalegu bloggum þar sem fólk kýs að ræða hugsanir sínar um djúpvitur málefni, s.s bókmenntir og heimspeki ýmiskonar ( íslensk pólitík verður seint flokkuð sem djúpvitur:Þ). og ef maður hefur skoðun hlýtur maður líka að gera ráð fyrir að aðrir hafi eitthvað svipað. hvort blogger dauðans hefur verið lagður í einelti af fólki og fjölmiðlum er svo spurning. hin nýja tegund eineltis: böggum bloggerinn sem þykist hafa skoðun á einhverju!! en tökum eftir því , að hann er ekki endilega gagnrýndur á sama vettvangi, heldur í fjölmiðlum. sem vísa til bloggsíðunnar sem heimildar. er þetta réttlætanlegt? má bögga blogger utan bloggs? eða er verið að leggja vesalings ármann í einelti? fólkið sem hefur ekki þolað hann síðan í gettu betur? pólitískir andstæðingar? fjölmiðlafólk honum óvinveitt?
fangor þætti gaman að vita. ekki fallegt afspurnar ef rétt reynist. svo er annað. það er löngum nördsins besta vörn að berjast til baka. ekki flýja af hólmi, skríða í skjól.
það er bara aumingjaskapur. þó að einhver sé að stríða manni.
fangor er nú ekki mikið gefinn fyrir að horfa á boltaleiki, en þvílíkt burst! 55-15? aumingja vesalings ástralarnir, þeim verður sjálfsagt kastað fyrir krókódílana þegar heim er komið. hvernig ætli landsliðið fari svo með nágranna okkar grænlendinga á morgun? ég held svei mér þá að það sé vert að fylgjast með þessu..... | fangor 18:58
jæja, heimti heilsuna úr helju, svona nánast alveg amk. verð þó að fara varlega á næstunni. en eins og sjá má er fangor mættur aftur til vinnu:Þ
fór reyndar aðeins út fyrir dyrnar um helgina, í innflutningspartý skottu og halldóru ( sem á ekki bloggsíðu, er haldin alvarlegri tölvufötlun) það var skemmtilegt. nema hvað ég lenti á einhverju ekkisens trúnó við einsa, af einhverjum ástæðum get ég ekki hitt hann þessa dagana án þess að við þurfum að ræða einhver semi " serious" málefni. sem er alveg hundleiðinlegt! næst þegar ég dett í það með einsa set ég það sem markmið að við tölum ekki um nokkurn skapaðan hlut sem skiptir máli, og bullum og ruglum sem mest við meigum! og hananú. drekkum og verum glöð! þannig á það að vera.
fangor hefur loks fengið hugmynd að lokaritgerð sem gæti verið skemmtileg.....húrrrra!!! það yrði sumsé umfjöllun um hinar nýju hryllingsbókmenntir fyrir börn, endurkoma ævintýra, blóðs og dauða inn í hina fluffybleiku disneyheima nútímabarna. sem er hið besta mál. nú þarf bara að ræða við mömmu hans snorra og athuga hvort hún vil ekki leika við mig. þetta er ykkur að segja eina hugmyndin sem ég hef nennt að hugsa lengur en í mínútu um sem lokaverkefni, svo að kannski nenni ég að eyða nokkrum vikum í að velta mér upp úr þessu.....og útskrifist jafnvel í haust! drellifínt alveg. sem minnir mig á það, hún svandís mín er komin heim. en er ekki ennþá búin að hringja. hmmmmmmmsvandís. skammbara.
í dag er fangor glaður. þrátt fyrir kulda og smávægilegt hor í nös og lungum. það stendur allt til bóta, og stefnt á líkamsræktina í kvöld. allt tekið með trompi þessa dagana. viss um að sæti læknirinn á nesinu verður glaður, næst þegar við hittumst. ætli þetta hafi nokkuð að gera með það að sólin skín svo skært fyrir utan gluggann?? ha...haldiði....döh. finnst að við skammdegisþunglyndir ættum að fá sólarlandastyrk 1 sinni á ári, til að komast yfir versta hjallan, svona eins og psoriasis-fólk fær. ég meina, ef það dugar ekki fyrir þá að fara í bláa lónið akkuru ættum við þá að dúsa hér í drunga og myrkri?? ég krefst aumingjastyrks frá ríkinu!!! sól fyrir fangor.... ( og enginn skal reyna að segja að ég geti bara flutt úr landi..:Þ) ég ætti kannski að starta nýrri herferð, nú þegar umhverfisssinnar neyðast til að gefast upp er þá ekki snilld að finna þeim nýtt nöldurefni? þetta er náttúrulega þjóðþrifamál, það er sko engin þjóðarprýði að þessu geðlyfjaáti sem ísendingar eru að setja met í þessa dagana. best að gera trix, sækjum í sólina...vetrarvor.....alls konar hægt að setja inn í þetta. og hellingur af fólki sem virðist hafa tíma til að standa á austurvelli alla daga......eru ekki allir búnir að fá nóg af álumræðunni í bili hvort eð er?
úfff....enn eina ferðina hefur helvítis kvefpestin náð yfirtökunum. fangor berst hatrammlega við hósta og hor. leit við í vinnu í dag, svona til málamynda og leysti af í mat. hef sennilega smitað restina af staffinu, og auk þess náð dágóðum hluta nemenda félagsvísinda-og heimspekideildar...hahahhaha....hefnd bitra bóksalans:)
nú það var ætlun mín að vitna hér í vísu eftir kunningja minn enter, en þar sem ég fæ ekki tölvuskrifli raritet með nokkru móti til að opna baggalút verð ég að sleppa því í bili.
ykkur sem heima sitjið bið ég vel að lifa í bili, ef einhver nennir að spila við mig og langar í sérdeilis þrálátt afbrigði af kvefi má viðkomandi gjarnan líta við á vesturgötunni..... fangor liggur inni morgundaginn líka.
jæja, þá er önnin hafin fyrir alvöru. fyrstu líkamsmeiðingahótanirnar á starfsmenn verslunarinnar komu í dag....loksins, loksins fæ ég þessa tilfinningu um að skólaönnin sé að hefjast....alveg ótrúlegt. og það frá manni sem ég kannast ágætlega við og hef aldrei séð skipta skapi. ég gapti í forundran, svo ekki sé meira sagt! alveg ótrúlegt hvað lítil atriði geta farið í skapið á fólki ef það hittir akkúrat á slæmt augnablik.... | fangor 12:58
fangor er ekki sofandi eða dáinn. bara voða, voða upptekinn. brjálað að gera í vinnu og námi, af einhverjum ástæðum virðast allir vilja kaupa sér námsbækurnar sínar strax. og ég sem hélt að fólk lærði af reynslunni með námsárunum í HÍ. en nei....læti eru þetta. fangor lofar bót og betrun um leið og hann hefur hent inn litlu shakespeare-ritgerðinni sinni á föstudag/laugardagsmorgun.
svo er líka menningarsjokk að vera kominn aftur í höfuðborgina, allt of mikill erill á öllu.
að auki er ég komin með ógeð á virkjanaumræðum. vinsamlegast, hætta takk. nóg komið. allt hefur verið sagt og rifist og mótmælt og landsvirkjun er að gera skítadjobb með ókláruðu umhverfismati og þar við situr. andmæli skipta engu, það er hvort eð er ekkert sem hinn almenni borgari getur gert í stöðunni, ef alcoa segir játakk sitjum við uppi með það, og ekki fer fráfarandi borgarstjóri að hindra álver. og vel að merkja, hef einnig fengið nóg af umræðu um Vinstri vorsól. foj, ullabjakk.
