fangor flúði til netheima


skrítna fólkið:

hr. muzak
snorgill
skotta
sigga lára
siggadís
loki
jódís
heiða skúla
bróðir minn í fjarskanum
rósa elísabet
maría mágkona
varrius
gambrinn
eva
yfirnorn ásta
tröllatíkin
áslaug
gummi erlings
gben
þrási metal
valkyrjan fyrir vestan
breki
júlljúll

hljómsveitirnar mínar:

hraun
ampop
hálfvitarnir

fluguveggurinn:

siggi pönk
stebbi páls
pallih
matarkonan
ari páll og lilja
kiddi
davíð þór

skemmtilegt:

nornabúðin
foreyska poppsidan
baggalútur
nornaklúbburinn naflaló
leikir
allur heimsins matur
wulff morgenthaler
nördadót
hugleikur
athyglisýkin

letihaugar:

eðlukonan dísa
guðfinna
halla
hæfileikarinn
raritet
nornirnar






eldri skrif:

 


mánudagur, febrúar 26, 2007

 
getur einhver eldrefsfræðingurinn útskýrt fyrir mér hvers vegna í andskotanum hann endurnýjar ekki síður sjálfkrafa í hvert skipti sem maður fer inn á þær? ég er ítrekað að lenda í því að blóta bloggleti kunningjanna en átta mig svo á því að ég hef misst út nokkra daga sökum skorts á f5-ýtingum. þessu nenni ég eiginlega alls ekki og þykir ljóður á hinum mærða eldref. svari nú hver sem betur getur.

elsku heiðu minni sendi ég góða strauma og óska meintum vinum hennar sem aðstoðuðu hana við að komast í þá aðstöðu sem hún er núna til helvítis. ef einhver vogar sér að segja að hún hafi séð um það sjálf bendi ég á að vinir manns láta vita ef maður er kominn í djúpan skít og hjálpa til þó ekki væri nema með því að láta þá sem standa manni næst vita. þakka enn eina ferðina fyrir það lán sem mér hefur hlotnast þegar kemur að mínum vinum. hef enda verið dugleg við að henda út ruslinu.

kostir sveitarinnar koma æ betur í ljós. í dag var til dæmis mengun yfir hættumörkum í reykjavík. ekki í minni sveit, nanananana. hér sungu fuglarnir og sólin skein í heiði. ég gekk einn og hálfan kílómeter með dóttur mína á háhesti og þurfti heitt bað og íbúfen til að ná úr mér vöðvabólgunni. ein af þessum hugmyndum sem er sniðug svona rétt á meðan þú framkvæmir hana en skilur eftir sig ónot. ekki labba langar leiðir með barn á öxlunum sem ekki getur haldið sér sjálft...

|



föstudagur, febrúar 23, 2007

 
við úlfhildur verðum heima um helgina þar sem flugsamgöngur við vestfirði voru heldur stopular og hún ekki í ástandi til vetrarferða í bíl. baunasúpa hjá Hugleik á morgun svo mér leiðist svosem lítið. við jón geir fjárfestum líka í nýju dóti sem ég get notað til að láta tímann líða verði tafir á heimkomu hans.

atburðir síðustu viku hafa endanlega sannfært mig um að sauðaháttur íslendinga eigi sér engin takmörk. mannréttindabrot hafa verið framin á stórum hópi fólks sem ætlaði sér að koma hingað í ferðalag. ég ætla rétt að vona að þau höfði skaðabótamál á hendur hótelinu. það verður nú aldeilis gaman að sjá hverjir verða stoppaðir af í að heimsækja okkur næst. yfirlýstir brotamenn gegn mannréttindum og tjáningarfrelsi eins og kínverskir ráðherrar? fólk sem er á sakaskrá fyrir alvarlega glæpi í sínu heimalandi? eða má bara stöðva fólk sem starfar við iðnað sem brýtur gegn siðferðiskennd einhverra en er fullkomlega löglegur víðast hvar annars staðar en á íslandi? ég á bara ekki til orð yfir þessari hræsni.

annars er allt hið ágætasta.

|



mánudagur, febrúar 19, 2007

 
foj


það fór nú ekki svo að barnið slyppi við veikindin. 40 stiga hiti í 2 daga og mók þangað til í gær. hún er ennþá lasin. jg er að skríða saman og foreldrarnir héldu loks af stað austur á land í dag hóstandi pestarrestum. ég sjálf er svo með vott af hálsbólgu en óbuguð enn, ætla mér að hundsa hausverkinn sem er að ágerast.

þetta veikindaástand allt saman þýddi náttúrulega að ég missti af hálfvitagigginu um helgina. fór í sund með yfirnorn ástu í gær til að fá mér ferskt loft. sennilega hef ég ekki þolað það og fengið bráða súrefniseitrun sem lýsir sér með höfuðverk. jahahahá.



|



fimmtudagur, febrúar 15, 2007

 
pestarbæli


foreldrarnir sneru aftur frá útlandinu með flensu dauðans. náðu sér í hana merkilegt nokk hjá litla kút sem hitti þau veikur í amsterdam og smitaði þau og katrínu. jón geir liggur flatur en við úlfhildur höngum en uppréttar merkilegt nokk. smá hitavella og pirringur í hálsi en ekkert alvarlegt ennþá amk. sjöníuþrettán. stend því fastar á fótunum að kjúklingasúpa ástarinnar hafi haldið mér flensulausri. hér hefur því enginn verið til stórræðanna síðustu daga. ég vonast samt til að komast á hálfvitagigg um helgina en skilst að plágan hafi lagt amk. einn þeirra í bælið. vona að það komi ekki að sök.

átti alveg eftir að óska formanninum til hamingju með dótturina, til lukku. nú er bara að setjast við skriftir og semja afkvæmastykki til sýninga 2016. aðrir félagar hafa árið til að bæta í hópinn...

er ennþá að melta pistilinn minn um barnfjandsamlegt samfélag á íslandi. fyndna svipinn sem kemur á fólk þegar ég segist ætla að vera ár og jafnvel lengur í barneignarfríi. ennþá fyndari svipinn sem fólk setur upp ef ég segist vera heimavinnandi húsmóðir og sleppi því að minnast á barnið. ótrúlegt alveg. og ég sem er menntuð húsmóðir..:þ

|



laugardagur, febrúar 10, 2007

 
heimilsisfaðirinn hefur heimtur úr kananslandi og er það vel. fjölskyldan eyddi deginum í almennt dútl við heimilið enda fyrsti dagurinn sem jg dvelur í nýja húsinu sínu. gummi og lilja kíktu við í kaffi svo ég brá mér í bakaríið. er skemmst frá því að segja að það var ást við fyrstu sýn, mosfellsbakarí er frábært. þar er hægt að fá unaðsleg hollustubrauð, girnilega kökur og heimagerða konfektmola auk hvers konar sælkeravara. okkur mun verða vel til vina.

áframhaldandi dútl á dagskrá næstu daga. það er til kaff.

|



þriðjudagur, febrúar 06, 2007

 
þrátt fyrir að hér séu enn kassar í herbergjunum er orðið nokkuð gesthæft í alrýminu svo það er opið kaffiboð ef einhvern langar í bíltúr.

nýjustu barnafréttir eru þær helstar að barnið reis upp við dogg á meðan við vorum á spáni, hún var 7 mánaða þegar hún stóð upp í rúminu sínu í fyrsta skipti. nú skríður hún um húsið á ógnarhraða og stendur upp við allt sem mögulega er hægt að ná taki á. þeir hlutir eru ekki endilega naglfastir eða stöðugir svo ég hleyp um og reyni að forða henni frá stórslysum. fyrsta ferðin á slysó var farin á fimmtudagskvöldið, ég var að skipta á henni á rúminu mínu þegar hún sneri sig niður á gólfið, fékk tvær vænar kúlur og mar á ennið en slapp sem betur fer við heilahristing. með þessu áframhaldi verður hún farin að ganga um 10 mánaða. í ljósi undangenginna atburða fór ég í húsasmiðjuna í dag og keypti barnalæsingar á skúffur og skápa auk öryggishliðs fyrir tröppurnar, dunda mér við að barnhelda húsið frekar á morgun. fyrsta tönnin lét loks á sér kræla, það stendur pínulítið horn upp úr neðri gómnum og nýi tannburstinn vakti mikla lukku. af öðrum börnum er til tíðinda að dóttir tuma og heiðu var skírð emma katrín. tumi og emma...tíhí.

annars er grasekkjudómur ömurlegt hlutskipti. eins gott að kona á góða vini.

ítreka ósk mína eftir píanói til pössunar ef einhver veit um slíkt. bíð upp á notalegan dvalarstað í fallegu umhverfi, reglulega afþurrkun og stillingu einu sinni á ári...

|



sunnudagur, febrúar 04, 2007

 
ég fann internetið

eða öllu heldur fann ég beininn minn ofan í kassa og kjartan kom mér í samband við umheiminn aftur. ég hef ekki getað andað síðustu tvær vikurnar fyrir flutningstengdu veseni. næst þegar við flytjum (sem verður yfir götuna í hús með bílskúr) pakka ég öllu í litamerkta kassa og set þá á viðeigandi staði og enginn sem ekki veit nákvæmlega hvernig ég vil hafa hlutina kemur nálægt dótinu mínu. ekki svo að skilja að ég sé ekki þakklát fyrir aðstoðina sem við fengum, þetta hefði aldrei tekist hefði einvalalið ekki slegið um okkur skjaldborg, hjálpað til við að pakka þessum 5 tonnum af dóti sem við eigum niður og flutt það á í nýja húsið. ber þar helst að nefna tengdó og yfirnorn ástu sem stóðu vaktina lengst allra. verður þeim boðið til veislu um leið og allt kemst í nothæfara ástand. þeim sem aðstoðuðu á flutningsdaginn mikla fá bjór. í það minnsta. þvílíkt magn af drasli, ég hefði ekki trúað því hversu mikið þetta reyndist vera. hef enda staðið við að henda hlutum og gefa föt í rauðakrossinn síðustu vikuna. í dag komst skikk á herbergin með aðstoð kjartans, rannveigar og iðunnar aspar svo ég get farið að taka upp úr einhverju af kössunum. öllum sem buðust til að aðstoða þakka ég fyrir að hugsa til okkar þó þeir hafi ekki komist er það hugsunin sem gildir. þeir sem ekki buðust til, tjah, þeir eru einfaldlega ekki á jólakortalistanum og ég vona að þeim sé kalt á tánum. annars er yndislegt að vera komin út á land. rak mig á það fyrir helgina að fá ekki keypt millistykki í bænum. næsta raftækjabúð, húsasmiðjan í grafarholti. hefur sýnst að það sé viðkvæðið oftar en ekki. of stutt til reykjavíkur til að borgi sig að halda hér úti þjónustu. í þjónustukjarnanum má finna dýralækninn, söðlasmiðinn, bónus, ríkið, apótekið og vídeóleiguna hlið við hlið. hvað þarf maður svosem meira...?

---

(Blogger er með stæla þannig að Nanna sendi mér þetta til að pósta fyrir sig. Ásta)

|



Powered By Blogger.
Weblog Commenting by HaloScan.com