hér horfir allt til betri vegar. sjáum til hvernig heimurinn snýr á morgun. | fangor 01:18
fimmtudagur, ágúst 25, 2005
ákveðin í að rífa af mér anddeyfð þá er hormónainntökum fylgir stormaði ég með familíuna til steinakisa í mat í gærkveldi. er skemmst frá því að segja að dýrindismáltíðin samanstóð af 6 mismunandi dýrum í forrétt ( 7 í tilfelli stefáns en það er önnur saga ), eðalnautakjöti og dýrum vínum. eftir átið voru allir viðstaddir í sama dróma og ég, afvelta af ofáti. sumsé hið besta mál allt saman. ég varð þó fyrir alvarlegu áfalli þegar ég komst að því að lyfjagjöfin hefur þær skelfilegu aukaverkanir að ég er hætt að geta drukkið rauðvín. af einhverjum ástæðum segir líkaminn bara nei takk við rauðvínum heimsins. illa er bleik brugðið og finnst mér þetta óréttlæti mikið í ljósi þess að ég hef bara nokkra daga í viðbót til að njóta þessara guðaveiga áður en likami minn verður heltekinn kafbátum og dularverum hvers konar. svindl og svínarí. ég verð að finna mér eitthvað annað fyrir snorrapartí.
í sömu hugleiðingum stormaði ég á ungann, vort höfðuvígi og samastað síðustu misseri. bregður þá svo við að maturinn er vondur, kaffið þunnt og allt morandi í túrhestum. sætu þjónustukonurnar mínar hvergi sjáanlegar og nauðsynlegt að minna á ábótina góðu. sem ég vildi þó í raun ekki þar sem kaffið er hreint hlandvatn. mér finnst ég hafa verið svikin. lífi mínu virðist vera lokið áður en það formlega fær tækifæri til. hvað verður það næst? tólist sem hæfir sem undirspil við flökun á rauðsprettu á síldarplaninu á seyðisfirði? hvað er eiginlega að þessari þjóð?
maður spyr sig. það er eins hollt að það verði gaman í snorragleði. | fangor 14:04
þriðjudagur, ágúst 23, 2005
menningarviðburðir sem innihéldu þáttöku mína tókust almennt með ágætum, þakka þeim sem hlýddu.
ekki hefur skapbræðin hlaupið með mig í gönur í þetta sinn. þess í stað geng ég um geispandi með heilann vafinn í bómullarhnoðra, síþreytt og andlaus. í stað þess að öskra á samferðarfólk mitt saklaust felli ég höfug tár yfir góðmennsku fólksins í extreme makover home edition.
ég hef nornast eins og vindurinn ásamt samnorn evu síðustu 2 daga. gestir og gangandi eru hvattir til að líta við í nornabúð á menningardag og fá sér seyðissopa eða kaff´omeððí. sláttuvélin stompar á austurvelli kl.14.00 og hraun eru á vegamótum kl.16.30. svo ku vera ýmislegt athyglivert á döfinni hér og þar um borgina.
myndirnar úr skemmtireisu hinni síðari eru komnar á netið, hér getur að líta hraunliða og áhangendur við hinar ýmsu aðstæður í boði stebba halldórs ofurljósmyndara | fangor 18:35
miðvikudagur, ágúst 17, 2005
það fór þó ekki svo að ég fengi engin blóm. dásemdin hann snorgill minn færði mér blóm, geisladisk og ávaxtasafa á flöskum. áttaði mig á því að hann er að flytja í burtu eftir 3 vikur. hans verður sárt saknað, ekki einungis vegna hans frábæra persónuleika og almenns skemmtanagildis, líka vegna þess að hann kann þá list fremur öðrum að slá konum gullhamra svo þeim líði eins og prinsessum. er það náðargáfa og fáum gefin.
heimsótti konuna með grindverkinn og flotann innflutta. þáði kaffi og vínarbrauð og sé fram á góðar stundir mað þau í nágrenninu. megi samgöngur verða sem mestar og bestar.
hormónatripp hið síðara hefst á morgun með tilheyrandi óþægindum. vona að það verði alheiminum ekki til jafn mikilla vandræða og síðast þar sem ég gekk algerlega fram af samferðamönnum mínum með óhemjugangi og hinum verstu geðbólgum. takist allt sem skyldi verður hrist saman barn í glasi eftir 2 vikur og reynt að koma því til manns. við sjáum til hvort takist. ég mun leggja frjósemisgaldur hinn meiri næstu daga í nornabúð. fer svo í mál við þær evu og heiðu ef hann virkar ekki..:þ | fangor 15:48
þriðjudagur, ágúst 16, 2005
þá er skemmtireisu hinni síðari lokið. ég prýddi skrúðgöngu ásamt hraunliðum á föstudagsmorgni, við skipulögðum íslandsmet í hókí-pókí á vilhjálmsvelli sem tókst með eindæmum vel, lékum fjölskylduvæna tónlist í tjaldi um kvöldið. tókst hið besta. laugardeginum eytt í að aka til djúpavíkur þar sem við lékum og sungum við hvurn okkar fingur um kvöldið. sváfum að vanda prýðilega umvafin faðmi fjalla og í félagsskap þess prýðisfólks sem staðinn heldur. við hjón og svavar tókum upp litlar jólastemmingar fyrir plötuna í ár, og jg og svabbi tóku upp ástarsögu úr fjöllunum í mjöltanknum. það er dásamlega fallegt og ég set inn link um leið og svavar klárar mixið.
deginum í dag (gær fyrst það er eftir miðnætti) eytt í heimferðina og viðburðarsnauðasta afmæli sem ég hef átt hingað til, eytt í keng í sófanum og carcasonne leikið af list. huggulegt vissulega, en mér þykir það til marks um síhækkandi aldur minn að ég varð ekki brjáluð yfir að fá engin blóm og nennti ekki að baka köku. ég söng ekki einusinni fyrir mig, sem ég hef þó haft fyrir vana ef ske kynni að enginn annar gerði það. undarlegt það.
við jg förum að heimsækja galdrafólkið í artmedica á morgun. ég ætla að heimsækja samnornir mínar upp úr hádegi og rétta fram hjálparhönd við afgreiðslu galdrahluta svo þeim gefist tími til frekara föndurs. legg ég á og mæli um að þeim veitist frægð og ríkidæmi, mér skemmtun og heilbrigt móðurlíf.
ég er komin aftur. nauðug viljug. búin að fá menningarsjokkið yfir roki,kulda og verði á matvælum/bjór. er enn sannfærðari gastrónómískur evrópusambandssinni.
hjálpaði konunni grindgliðnuðu að pakka ásamt yfirnorn ástu og hlakka til að fá hana í nágrennið. samningar hafa tekist milli okkar um að hún fái grillið sem býr í kjallaranum mínum gegn afnotum af pallinum hennar þegar að notkun téðs grills kemur. sjáum við fram á hina bestu skemmtan þegar rannsóknarskipið leggur loks að í reykjavíkurhöfn. | fangor 23:22
