drottinn minn hvað mér leiðist! ef einhvern vantar eitthvað að lesa, nú eða langar í spjall um daginn og veginn þá endilega lítið við hjá mér í vinnunni milli 6:30 og 9 næstu 2 daga. það virðist sem jafnvel túristinn láti sig hverfa á þeim tíma og ekki margt við að vera. á móti kemur að hver kúnni fær meiri tíma og athygli; í dag hefi ég til dæmis skrifað upp 2 mataruppskriftir fyrir ferðamenn, lambalæri a la míns eigins og plokkfisk. auk þess hef ég teiknað upp helstu gönguleiðir og áhugaverða staði á austurlandi inn á kort, lýst kostum og göllum míns gamla héraðs og þurrkað af hillum. bara 2 dagar í frí... | fangor 20:42
mánudagur, júní 28, 2004
TRÉKYLLISVÍK:
(lag: mull of kentyre)
Trékyllisvík
með tignarleg fjöllin,
hún engri er lík,
þín ásýnd, mig langar,
í Trékyllisvík.
Langt hef ég farið,
og margt hef ég séð....
það fór þó aldrei svo að leiðin lægi ekki aftur til trékyllisvíkur. í þetta sinnið munu hraunverjar halda gleðidansleikinn mikla, laugardagskvöldið 3,júlí. þeir sem ekki sáu sért fært að koma með í kalkferðirnar góðu geta nú notað tækifærið og sótt hinn árlega dansleik ungmennafélags árvíkur. það sem þarf til ferðarinnar er bifreið sem þolir utanmalbiksakstur, og almennur viðlegubúnaður. ferð mín og minna mun hefjast á föstudeginum, vér munum eyða nótt í djúpuvík að vanda. ef einhverjum hugnast að gera slíkt hið sama er hægt að tjalda þar eða panta gistingu á hótel djúpuvík. hvet ég landa og lýð eindregið til að rífa upp ferðaskóna og koma með, það er ekki á hverjum degi sem hægt er að segja: ég var á balli í trékyllisvík um helgina...auk þess sem náttúrufegurð þessa svæðis er stórkostleg, galdrafólk og forynjur við hvern stein.sumsé nóg við að vera annað en að skemmta skrattanum, þó auðvitað verði það gert með sóma:þ
vísan góða um trékyllisvík sem samin var í kalkferð hér um árið var aldrei kláruð, svo botni nú hver sem betur getur!
þá er sumarið úti í bili. orkustöðvar mínar fylgja veðrinu náið eftir, og ég er í einhverju mókástandi. það kviknar vonandi á mér aftur þegar sólin lætur sjá sig á ný.
ég hef grun um að með þessu brjósklosi sem hrjáði mig í vetur hafi fylgt einhver heilaleki, í það minnsta hef ég staðið mig ítrekað að því undanfarið að horfa á fótboltaleiki í sjónvarpinu. þeir sem hafa verið samvistum við mig fram að þessu kannast við rótgróinn viðbjóð minn og fyrirlitningu á téðu sporti, og kemur það því nokkuð á óvart að ég hefi eytt í það tíma og athygli, og jafnframt haft gaman að. undarlegt það. ætli þetta sé kannski aldurinn? hormónarnir? hvað er til ráða? þrátt fyrir almenna greindarhnignun hefi ég þó enn rænu til að láta misþyrmingu hins ástkæra ylhýra ekki umvöndunarlausa. það hlýtur að vera til íþróttafréttamaður sem ekki missir tengingar í brocasvæðinu þegar hann horfir á leik? mér lýst þessi kona sem lýsir svíþjóð-hollandi nokkuð vel. engar ambögur fram að þessu amk. það skyldi þó aldrei, að lausnin feldist í því að setja konur í stól íþróttafréttamanna? rannveigu mína í stað gulla í formúluna? hvað lýst lýðnum?
annars er allt með ágætum, hægðir í meðallagi og sprettan góð.
helst ber til tíðinda að ég hef fyllst útþrá. þá á ég ekki við fara til útlanda- sýkina sem grípur mig reglulega, heldur þarf ég að leggjast út í náttúruna og sofa þar. og það er sko bara víst hægt að líta á garðinn hans steina sem óbyggðir. nóg af trjám og grasi. verst að það morar allt í unglíngi þarna í kring, en það eru þó ekki mýflugur....
þarf nauðsynlega að losna við þetta hús úr bakgarðinum mínum til að við getum farið að búa til alvöru garð í stað þessa malarplans þarna. eða kannski ég ætti bara að kaupa mér nýjan íverustað, með garði? | fangor 10:44
miðvikudagur, júní 16, 2004
hef legið undir ámæli fyrir skrifleti. játa á mig þær sakir. hef einfaldlega ekki haft nennu til að setjast niður fyrir framan ókunnar tölvur.mín er nefnilega ennþá í fóstri hjá kisa. og nei ég nenneggaðsækjanaþvíþáþarfégaðendurskipuleggjaheiltherbergi, betra að eyða þessum fáu sumardögum sem birtast í útiveru.
við hjónakornin brugðum okkur í tveggja vikna ferð til spánar á dögunum, sannfærðist þar enn frekar um að ég er gastronomískur evrópusambandssinni. og ekki orð um það meir.
sumarið er að verða nokkuð vel bókað varðandi námskeið og tónleikahald í stompinu, en við tökum þó að okkur fleiri verkefni fyrir hóflega greiðslu *hóst,hóst*
annars er gaman að lifa. frí á morgun. djamm á kaffi vín í kvöld, hraunarar leika fyrir dansi. þynnka í rigningunni á morgun, það er við hæfi á þjóðhátíðardaginn er það ekki? | fangor 20:53
