það er ýmist of eða van þegar fangor litli á í hlut. á veturna hellist yfir mig svefndrungi dauðans, og ég skríð um með hálflokuð augun, geispandi út í eitt. á sumrin þarf ég lítið að sofa, enda sumarið minn tími. öllu má þó ofgera, og eftir þriðju nóttina í þessari viku sem ég sef nánast ekki neitt er nóg komið. ég náði að dotta upp úr 4 í nótt, og svaf þá í ca.10 mín. áður en ég hrökk upp aftur. tók svona netta 10-15 mín. dúra til korter í sjö, þegar síminn minn sagði mér að hundskast út í ræktina. ákvað í þetta skiptið að ég þyrfti að vera örlítið vakandi í vinnunni í dag, og sleppti því tímanum mínum :(. sem sennilega var röng ákvörðun, ég er alveg jafn syfjuð, og mætti auk þess of seint þar sem ég festi loksins svefn um 7:30. vakna 9? tja......korter yfir er svona more like it. en þvílík viðbrögð við að koma mér út úr húsi og í vinnuna....eitthvað þarf að gera í þessu.
við yfirnorn enduruppgötvuðum snilldarleikinn mastermind í gær. sátum á kaffi romance og brutum heilann. aðallega ég samt. fangor hefur greinilega ekki notað þessa ákveðnu lógík í laaangan tíma. *roðn*
ætlaði í 6-9 tíma sólstöðugöngu í kvöld, en er hætt við. hef ekki orku í slíkt. fer í minns eigins sólstöðulabb á jónsmessunótt í staðin, og velti mér upp úr dögginni. kannski maður setjist á krossgötur? það ku vera trix...:þ
