umboðsmaðurinn hefur sett ægifegurð og yfirþyrmandi kynþokka á stefnuskránna fyrir útlandaferðina í mars. sé fram á að selja meira með stinnan maga og platínuljóst hárið blaktir í golunni frá olíuborunum. kemur þar til sögunnar meistari eva og rafknúna keppahristan hennar. í sameiningu munum við taka yfir heiminn. ekki að við séum ekki gullfallegar og heillandi fyrir, en það má lengi bæta. aðdáendum hormónasperrtra brjósta minna til hrellingar verður að vara við því að hætt er við að brjóstmál mitt minnki umtalsvert. næst þegar ég hitti sigga palla gæti hann því þurft að tala um eitthvað annað , og kannski finna sér eitthvað annað til að horfa á líka.
bendi aðdáendum á baksíðu morgunblaðsins í dag, ampop eru komnir í spilun á bbc radio1 og geri aðrir betur. tónleikar í stúdentakjallaranum á föstudaginn kl.9. *hux* sem er auðvitað alveg fatalt þar sem enginn mætir fyrr en eftir idol. laga það hið snarasta.
hraun hefja upptökur á plötu ásamt jóni ólafssyni góða í vikunni. eru það góðar fréttir og langþráðar.
fékk bréf frá baugi group í gær. þar stóð að kompaníið hefði ákveðið að styrkja eitt gott málefni örðum fremur þetta árið, sumsé unicef barnahjálpina. sem er auðvitað gott og blessað, en þeir vildu sumsé ekki gefa okkur farareyri til texas. einhvernvegin situr samt í mér auglýsingin fyrir björtustu von íslenskrar tónlistar; stuðmenn, í royal albert hall í lundúnaborg í boði baugs group... | fangor 11:49