í færslunni hér að neðan má glöggt sjá áhrif svæfingar-verkja- og deyfilyfja almennt á málvitund mína og stafsetningu. athyglivert það. er farin að hallast að því að áhrif þessi séu að verða viðvarandi. það kviknar aldrei aftur á heilanum mínum. blessuð sé minning hans og ókláraðra afreka á sviðum bókmennta og lista.
í fréttum er það helst að skottan okkar allra á ammli í dag, til hamingju með það. svandís mín og jónatan hafa eignast krílfríði wilkins, fædda 17. apríl. til lukku. blessist það allt og dafni. kisi minn er búinn að týna barninu sínu, hún kemur vonandi í leitirnar. ég naga mig í handarbökin yfir því að geta ekki verið með honum að rölta um hverfið til að endurheimta kisukrílið, vona að hún skili sér heim. maðurinn minn elskulegur týndi skannanum sem hann var að nota í vörutalningunni um helgina og er í geðbólgukasti í kringlunni að endurtelja og leita að kvikindinu. gaman það. ég er að skríða saman eftir aðgerðina, farin að geta gengið nokkuð skammlaust milli herbergja en til annara hluta lítt nytsamleg, horfi hér á ryk og skítahauga safnast upp í hverju skúmaskoti. gaman að því. | fangor 15:45
