þriggja tíma söngæfing að baki og ekki ber á öðru en skemmtilegheitum. að öðrum ólöstuðum held ég að þetta sé jafnglaðasti leikhópur sem ég hef æft með.
hin prýðilegasta mynd er að komast á tónlistina og ég held að óhætt sé að lofa væntanlegum áhorfendum því að þeir muni koma trallandi og glaðir af sýningu sem er akkúrat það sem fólk þarf á að halda í jólageðveikinni. vel að merkja er hún byrjuð í ikea, hagkaup og rúmfatalagernum og svei því bara. hvað gengur fólki eiginlega til? ég er bara fegin að vera ekki barn í dag og þurfa að bíða hátt í 3 mánuði eftir jólunum.
partý á eyjaslóðinni í kvöld, hverfissamtök óléttra kvenna verða á staðnum og leika við hvurn sinn fingur. | fangor 19:24